ମେ’ ୩୦ରେ ନରେନ୍ଦ୍ର ମୋଦୀଙ୍କୁ ନେଇ ଏ ସବୁ ଜିନିଷ ସର୍ଚ୍ଚ କରିଥିଲେ ଲୋକେ, ସାମ୍ନାକୁ ଆସିଲା ରିପୋର୍ଟ
ନୂଆଦିଲ୍ଲୀ : ଗୁରୁବାର ନରେନ୍ଦ୍ର ମୋଦୀ ଦ୍ୱିତୀୟ ଥର ପାଇଁ ପ୍ରଧାନମନ୍ତ୍ରୀଭାବେ ଶପଥ ନେଇଛନ୍ତି । ରାଷ୍ଟ୍ରପତି ଭବନରେ ଆୟୋଜନ କରାଯାଇଥିବା ସମାରୋହରେ ମୋଦୀଙ୍କ ସମେତ ୫୮ଜଣ ମନ୍ତ୍ରୀ ଶପଥ ନେଇଥିଲେ । ଖାସ୍ କଥା ହେଲା ଗତକାଲି ମୋଦୀଜୀଙ୍କୁ ନେଇ ଯେଉଁ ସବୁ ଜିନିଷ ବିଷୟରେ ଲୋକେ ସର୍ଚ୍ଚ କରିଥିଲେ, ତାହାର ରିପୋର୍ଟ ଏବେ ସାମ୍ନାକୁ ଆସିଛି । ମୋଦୀଙ୍କ ବ୍ୟକ୍ତିଗତ ଜୀବନକୁ ନେଇ ପେସାଦାର ଜୀବନ ପର୍ଯ୍ୟନ୍ତ ଅନେକ କଥା ବିଷୟରେ ଲୋକେ ଜାଣିବାକୁ ଇଚ୍ଛା ପ୍ରକାଶ କରିଥିଲେ । ମୋଦୀଙ୍କୁ ନେଇ ସର୍ଚ୍ଚିଂ ସଂଖ୍ୟା ସଂନ୍ଧ୍ୟା ୬ଟା ୪୨ମିନିଟ୍ରେ ବଢ଼ିବା ଆରମ୍ଭ ହୋଇଥିଲା । ସଂନ୍ଧ୍ୟା ୭ଟାରେ ଏହା ୪୫ପଏଣ୍ଟରୁ ବଢ଼ି ୧୦୦ପଏଣ୍ଟରେ ପହଞ୍ଚିଥିଲା । ମିଳିଥିବା ରିପୋର୍ଟରୁ ରାଜସ୍ଥାନ, ମଧ୍ୟପ୍ରଦେଶ, ବିହାର, ଉତ୍ତରପ୍ରଦେଶ, ପଞ୍ଜାବରେ ଲୋକେ ମୋଦୀଙ୍କୁ ନେଇ ଅଧିକ ସର୍ଚ୍ଚ କରିଥିଲେ । ମୋଦୀଙ୍କ ମନ୍ତ୍ରିମଣ୍ଡଳକୁ ନେଇ ସବୁଠାରୁ ଅଧିକ ସର୍ଚ୍ଚ କରାଯାଇଥିବା ଦେଖା ଯାଇଥିଲା । ଏହା ପରେ ପରେ ଶପଥ ଗ୍ରହଣ ସମାରୋହକୁ ଲାଇଭ୍ ଦେଖିବା ପାଇଁ ଲୋକେ ସର୍ଚ୍ଚ କରିବା ଆରମ୍ଭ କରିଥିଲେ ।
Sambad is now on WhatsApp
Join and get latest news updates delivered to you via WhatsApp
ଗୁଗଲ ତରଫରୁ ମିଳିଥିବା ବିଶ୍ୱସ୍ତରୀୟ ଡାଟା ଅନୁଯାୟୀ, ଭାରତ ପରେ ନେପାଳ, ଦୁବାଇ, ଓମାନ ଏବଂ କତାରରେ ମୋଦୀଙ୍କୁ ନେଇ ଅଧିକ ସର୍ଚ୍ଚ କରାଯାଇଥିଲା । ମୋଦୀଙ୍କ ଶିକ୍ଷାଗତ ଯୋଗ୍ୟତା, ତାଙ୍କ ପତ୍ନୀ, ଜାତି, ବୟସ ଏବଂ ତାଙ୍କର ଭିଡିଓ ଦେଖିବା ପାଇଁ ଲୋକେ ସର୍ଚ୍ଚ କରିଥିବା ଜଣା ପଡ଼ିଛି ।