ଗୁଜୁରାଟ ଗସ୍ତରେ ଯିବେ ପ୍ରଧାନମନ୍ତ୍ରୀ ମୋଦୀ । ଲକ୍ଷପତି ଦିଦି ସମ୍ମିଳନୀରେ ହେବେ ସାମିଲ

ଗାନ୍ଧୀନଗର: ଗୁଜୁରାଟ ଗସ୍ତରେ ଯିବେ ପ୍ରଧାନମନ୍ତ୍ରୀ ମୋଦୀ । ଆସନ୍ତା ମାର୍ଚ୍ଚ ୭ ଏବଂ ୮ ତାରିଖରେ ମୋଦୀଙ୍କ ଗୁଜୁରାଟ ଗସ୍ତ । ତେବେ ଆନ୍ତର୍ଜାତୀୟ ମହିଳା ଦିବସ ଅବସରରେ ନବସାରୀରେ ହେବାକୁ ଥିବା  'ଲକ୍ଷପତି ଦିଦି ସମ୍ମିଳନୀ'ରେ ଯୋଗଦେବେ ପ୍ରଧାନମନ୍ତ୍ରୀ ।

'ଲକ୍ଷପତି ଦିଦି ସମ୍ମିଳନୀ'ରେ ପାଖାପାଖି ଅଢେଇ ଲକ୍ଷ ମହିଳାଙ୍କୁ ୪୫୦ କୋଟି ଟଙ୍କାର ଆର୍ଥିକ ସହାୟତା ପ୍ରଦାନ କରାଯିବ । ମହିଳାଙ୍କୁ ସ୍ୱାବଲମ୍ୱୀ କରିବାକୁ ମୋଦୀ ୨୦୨୩ରେ ଲକ୍ଷପତି ଦିଦି ଯୋଜନାର ଶୁଭାରମ୍ଭ କରିଥିଲେ । ମହିଳା ଦିବସ ଅବସରରେ ଗୁଜୁରାଟର ମହିଳାଙ୍କୁ ଆର୍ଥିକ ସହାୟତା ପ୍ରଦାନ କରିବେ ପ୍ରଧାନମନ୍ତ୍ରୀ ।