ଜାପାନ ପ୍ରଧାନମନ୍ତ୍ରୀ ଫୁମିଓଙ୍କୁ ଗୁପ୍ଚୁପ୍ ଓ ଲସିର ସ୍ବାଦ ଚଖାଇଲେ ମୋଦୀ, ଦେଲେ ଏହି ଉପହାର
ନୂଆଦିଲ୍ଳୀ: ଜାପାନ ପ୍ରଧାନମନ୍ତ୍ରୀ ଫୁମିଓ କିସିଦା ଗତକାଲି ସକାଳେ ଦୁଇଦିନିଆ ଭାରତ ଗସ୍ତରେ ଆସି ନୂଆଦିଲ୍ଲୀରେ ପହଞ୍ଚିବା ପରେ ତାଙ୍କୁ ସ୍ବାଗତ ଜଣାଇଥିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ। ତେବେ ମୋଦୀ ତାଙ୍କୁ ଭାରତକୁ ସ୍ବାଗତ ଜଣାଇବା ସହ ନିଜ ଦେଶର ବହୁ ସ୍ବାଦିଷ୍ଟ ଖାଦ୍ୟ ବି ଖୁଆଇଛନ୍ତି। ଫୁମିଓ କିସିଦାଙ୍କୁ ନେଇ ଦିଲ୍ଲୀର ବୁଦ୍ଧ ପାର୍କକୁ ଯାଇଥିଲେ ମୋଦୀ। ଏହି ଅବସରରେ ମୋଦୀ ତାଙ୍କୁ ଦେଶର ପାରମ୍ପରିକ ଖାଦ୍ୟ ଗୁପ୍ଚୁପ୍ ଖୁଆଇଥିବା ବେଳେ ଲସି ବି ପିଆଇଛନ୍ତି।
ପ୍ରଧାନମନ୍ତ୍ରୀ ମୋଦୀ ତାଙ୍କ ପ୍ରତିପକ୍ଷ ଫୁମିଓ କିସିଦାଙ୍କୁ କର୍ଣ୍ଣାଟକର ଐତିହ୍ୟ ସହ ଜଡ଼ିତ ଏବ ବୁଦ୍ଧ ମୂର୍ତ୍ତି ଉପହାର ଆକାରରେ ଦେଇଛନ୍ତି। ଚନ୍ଦନ କାଠରେ ନିର୍ମିତ ଏହି ମୂର୍ତ୍ତିଟିକୁ କଦମ୍ବ କାଠରେ ତିଆରି ହୋଇଥିବା ବାକ୍ସ ମଧ୍ୟରେ ରଖି ମୋଦୀ ଉପହାର ଦେଇଥିବା ସୂଚନା ରହିଛି। କଦମ୍ବ କାଠରେ ତିଆରି ବକ୍ସ ମଧ୍ୟରେ ଏପରି ଚନ୍ଦନ କାଠର ବୁଦ୍ଧ ମୂର୍ତ୍ତି ହେଉଛି କର୍ଣ୍ଣାଟକର ଅତ୍ୟନ୍ତ ଲୋକପ୍ରିୟ କଳାକୃତିରୁ ଅନ୍ୟତମ।
#WATCH | Prime Minister Narendra Modi and Japanese PM Fumio Kishida visit Buddha Jayanti Park in Delhi. The Japanese PM also tried Gol Gappe, Lassi and Aam Panna here.
(Source: DD News) pic.twitter.com/sC3khaR31v
— ANI (@ANI) March 20, 2023
ଗତକାଲି ତାଙ୍କୁ ସ୍ବାଗତ କରି ମୋଦୀ କହିଥିଲେ କି ଏହା ପୂର୍ବରୁ ସେ ଅନେକ ଥର କିସିଦାଙ୍କୁ ଭେଟିଛନ୍ତି। ପ୍ରତିଥର ସେ ତାଙ୍କଠାରେ ଭାରତ ପ୍ରତି ସକାରାତ୍ମକ ଭାବ ଦେଖିଛନ୍ତି। ତାଙ୍କର ଏଥରର ଗସ୍ତ ଦୁଇ ଦେଶର ସମ୍ପର୍କ ବୃଦ୍ଧିରେ ସହାୟକ ହେବ। ଆସନ୍ତା ମେ ମାସରେ ହିରୋସିମାରେ ଅନୁଷ୍ଠିତ ହେବାକୁ ଥିବା ଜି୭ ଶିଖର ସମ୍ମିଳନୀକୁ ନିମନ୍ତ୍ରଣ କରିଥିବାରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କିସିଦାଙ୍କୁ ଧନ୍ୟବାଦ ଜଣାଇଛନ୍ତି।
ଭାରତ ଗସ୍ତରେ ଆସିଥିବା କିସିଡ଼ାଙ୍କ ସହ ପ୍ରଧାନମନ୍ତ୍ରୀ ମୋଦୀଙ୍କର ସୋମବାର ବିଭିନ୍ନ ଦ୍ବିପାକ୍ଷିକ ପ୍ରସଙ୍ଗ ଉପରେ ଆଲୋଚନା ହୋଇଥିଲା। ଏକ ଶାନ୍ତିପୂର୍ଣ୍ଣ, ସ୍ଥିର ଓ ପ୍ରଗତିଶୀଳ କୋଭିଡ୍-ପର ବିଶ୍ବ ପାଇଁ ଦୁଇ ଦେଶର ରଣନୈତିକ ଭାଗୀଦାରିତା ବୃଦ୍ଧି ନିମନ୍ତେ ଉଭୟେ ଆଲୋଚନା କରିଥିଲେ।