ଜନତା କର୍ଫ୍ୟୁକୁ ନେଇ କଣ୍ଠଶିଳ୍ପୀ ଗାଇଥିବା ଗୀତ ଶୁଣିବା ପରେ ଏଭଳି ପ୍ରତିକ୍ରିୟା ରଖିଲେ ପ୍ରଧାନମନ୍ତ୍ରୀ ମୋଦୀ
ନୂଆଦିଲ୍ଲୀ: କରୋନା ଭୂତାଣୁ ଏବେ ସମସ୍ତଙ୍କ ପାଇଁ ଚିନ୍ତାର ବିଷୟ ପାଲଟିଛି | ଚୀନ୍, ଇଟାଲୀ, ଇରାନ ଏବଂ ଆମେରିକାରେ ଅନେକ ଲୋକ ଏହି ଭାଇରସ ଦ୍ଵାରା ସଂକ୍ରମଣ ହୋଇ ପ୍ରାଣ ହରାଇବା ପରେ ଏହି ଭାଇରସ୍ ବର୍ତ୍ତମାନ ଭାରତରେ ସଂକ୍ରମଣ ବଢାଇବାକୁ ଚେଷ୍ଟା କରୁଛି| ତେବେ ସମୟ ଥାଉ ଥାଉ ଭାରତ ସରକାର ମଧ୍ୟ ଏହି ଭୂତାଣୁର ପ୍ରସାର ଦମନ ଲାଗି ପ୍ରସ୍ତୁତି ଆରମ୍ଭ କରିଛନ୍ତି। ପ୍ରଧାନମନ୍ତ୍ରୀ ମୋଦୀଙ୍କ ଆହ୍ୱାନ ପରେ ଆଜି ଅର୍ଥାତ୍ ରବିବାର ଦିନ ସାରା ଦେଶରେ ଜନସାଧାରଣଙ୍କ କର୍ଫ୍ୟୁ ଜାରି ରହିଛି ଏବଂ ସାରା ଦେଶରେ ନିରବତା ଦେଖିବାକୁ ମିଳିଛି|
Sambad is now on WhatsApp
Join and get latest news updates delivered to you via WhatsApp
जनता कर्फ्यू को लेकर हर कोई अपनी-अपनी तरह से योगदान देने में जुटा है। लोक गायिका @maliniawasthi जी अपने अंदाज में लोगों को प्रेरित कर रही हैं… #JantaCurfew https://t.co/APhgwP2UlP
— Narendra Modi (@narendramodi) March 22, 2020
ସରକାରଙ୍କ ବ୍ୟତୀତ ଅନେକ ସେଲିବ୍ରେଟି ମଧ୍ୟ ଲୋକଙ୍କୁ ଏହି ଭୂତାଣୁ ବିରୋଧରେ ସଚେତନ କରୁଥିବା ଦେଖାଯାଉଛି। କଣ୍ଠଶିଳ୍ପୀ ମାଲିନୀ ଅଓ୍ୱସ୍ତି କରୋନା ଭାଇରସକୁ ନେଇ ଏକ ଗୀତ ଗାଇଛନ୍ତି ଏବଂ ଏହି ଗୀତକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମଧ୍ୟ ସେୟାର କରିଥିବା ଦେଖା ଯାଇଛି। ମାଲିନୀ ବସ୍ତିଜୀଙ୍କ ଭିଡିଓ ସେୟାର କରି ପ୍ରଧାନମନ୍ତ୍ରୀ ମୋଦୀ ଲେଖିଛନ୍ତି, କର୍ଫ୍ୟୁ ସଂପର୍କରେ ସମସ୍ତେ ନିଜ ତରଫରୁ ଯୋଗଦାନ କରିବାକୁ ଚେଷ୍ଟା କରୁଛନ୍ତି। କଣ୍ଠଶିଳ୍ପୀ ମାଲିନୀ ଅଓ୍ୱସ୍ତି ତାଙ୍କ ଶୈଳୀରେ ଲୋକଙ୍କୁ ପ୍ରେରଣା ଯୋଗାଇଛନ୍ତି | ପ୍ରଧାନମନ୍ତ୍ରୀ ମୋଦୀ ପୂର୍ବରୁ କାର୍ତ୍ତିକ ଆର୍ଯ୍ୟନଙ୍କ ଏକ ମନୋଲୋଗ ସେୟାର କରିଥିଲେ ଯେଉଁଥିରେ ସେ କରୋନା ବିରୋଧରେ ଲୋକଙ୍କୁ ସଚେତନ କରୁଥିବା ଦେଖାଯାଇଥିଲା।