ନୋବେଲ ପୁରସ୍କାର ପାଇଁ ଅଭିଜିତଙ୍କୁ ଅଭିନନ୍ଦନ ଜଣାଇଲେ ମୋଦୀ-ନବୀନ

ନୂଆଦିଲ୍ଲୀ/ଭୁବନେଶ୍ୱର: ଚଳିତବର୍ଷର ଅର୍ଥନୀତିରେ ନୋବେଲ ପୁରସ୍କାର ପାଇବାକୁ ମନୋନୀତ ହୋଇଛନ୍ତି ଭାରତୀୟ-ଆମେରିକୀୟ ଅର୍ଥନୀତିଜ୍ଞ ଅଭିଜିତ ବାନାର୍ଜୀ | ଯାହାକୁ ନେଇ ଅଭିଜିତଙ୍କୁ ଏବେ ଅଭିନନ୍ଦନର ସୁଅ ଛୁଟିଛି | ରାଷ୍ଟ୍ରପତି ରାମନାଥ କୋବିନ୍ଦଙ୍କ ସମେତ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଅଭିଜିତଙ୍କୁ ଅଭିନନ୍ଦନ ଜଣାଇଛନ୍ତି |

ରାଷ୍ଟ୍ରପତି ରାମନାଥ କୋବିନ୍ଦ ନିଜ ଟ୍ୱିଟରରେ ଲେଖିଛନ୍ତି ଯେ ଅଭିଜିତଙ୍କ ଗବେଷଣା ଅର୍ଥନୀତିଜ୍ଞଙ୍କୁ କିଭଳି ଭାରତ ଓ ବିଶ୍ୱବ୍ୟାପି ଦେଖାଯାଉଥିବା ଦାରିଦ୍ର୍ୟକୁ ମୁକାବିଲା କରିବାକୁ ହେବ ସେ ନେଇ ସାହାଯ୍ୟ କରିବ |

Congratulations to Abhijit Banerjee on being conferred the 2019 Sveriges Riksbank Prize in Economic Sciences in Memory of Alfred Nobel. He has made notable contributions in the field of poverty alleviation.

— Narendra Modi (@narendramodi) October 14, 2019

ସେହିପରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମଧ୍ୟ ଅଭିଜିତଙ୍କୁ ଅଭିନନ୍ଦନ ଜଣାଇଥିବାବେଳେ ଦାରିଦ୍ର୍ୟ ଦୂରୀକରଣରେ ଉଲ୍ଲେଖନୀୟ ଅବଦାନକୁ ପ୍ରଶଂସା କରିଛନ୍ତି | ସେହିପରି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଟ୍ୱିଟ କରି ଲେଖିଛନ୍ତି ଯେ ଦେଶ ଆଜି ଅଭିଜିତଙ୍କ ପାଇଁ ଗର୍ବିତ |

Congratulations to India-born #AbhijeetBanerjee on winning #NobelPrize2019 for Economics along with Esther Duflo and Michael Kremer for their experimental approach to alleviate global poverty. Nation is so proud of you.

— Naveen Patnaik (@Naveen_Odisha) October 14, 2019