ମନ୍ତ୍ରାଳୟମାନଙ୍କରେ କେତେ ପଦବୀ ଖାଲି, ପିଏମଓ ମାଗିଲା ରିପୋର୍ଟ
ନୂଆଦିଲ୍ଲୀ: ବେକାରୀ ସମସ୍ୟାକୁ ନେଇ ମୋଦି ସରକାରଙ୍କୁ ବିରୋଧୀ ବିଭିନ୍ନ ସମୟରେ ଟାର୍ଗେଟ କରୁଛନ୍ତି | ୨୦୧୪ ରେ ଦେଇଥିବା ପ୍ରତିଶ୍ରୁତି ତୁଳନାରେ ମୋଦି ସେତିକି ନିଯୁକ୍ତି ଦେଇପାରିନାହାଁନ୍ତି ବୋଲି ବିରୋଧୀ ଆରୋପ ଲଗାଉଛନ୍ତି | ଏହାକୁ ମୁକାବିଲା କରିବା ପାଇଁ ଏବେ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ଅଣ୍ଟା ଭିଡିଛି | କେନ୍ଦ୍ର ସରକାରଙ୍କ ଅଧୀନରେ ଥିବା ମନ୍ତ୍ରାଳୟଙ୍କୁ ସେମାନଙ୍କ ଅଧୀନରେ ଖାଲି ଥିବା ପଦବୀର ସଂଖ୍ୟା ମଗାଯାଇଛି | କେତେଜଣ କର୍ମଚାରୀ ଆବଶ୍ୟକ ଆଉ କେତେଜଣ ଅଛନ୍ତି ଏଭଳି କିଛି ବିସ୍ତୃତ ରିପୋର୍ଟ ମାଗିଛି ପିଏମଓ | ମେ ୩ ରେ ଜାରି କରାଯାଇଥିବା ନିର୍ଦ୍ଦେଶନାମା ମୁତାବକ ଅର୍ଥ ବିଭାଗ ସହ ଖୁବ ଶୀଘ୍ର ଏକ ବୈଠକ କରାଯିବା ଏଥିରେ ବିଭିନ୍ନ ବିଭାଗରେ ଖାଲି ପଡିଥିବା ପଦବୀ ବାବଦରେ ଆଲୋଚନା କରାଯିବ | ୩୦ ଏପ୍ରିଲ ୨୦୧୯ ଯାଏଁ ଖାଲି ଥିବା ପଦବୀ ବାବଦରେ ବିସ୍ତୃତ ରିପୋର୍ଟ ମଗାଯାଇଛି |
Sambad is now on WhatsApp
Join and get latest news updates delivered to you via WhatsApp
ଏଠାରେ ସୂଚନା ଥାଉ କି ବିରୋଧୀ ଅଭିଯୋଗ କରିଥିଲେ ଯେ ମୋଦି ସରକାର ନୂଆ ରୋଜଗାର ସୃଷ୍ଟି କରିବାରେ ଅସଫଳ ହେଉଥିବା ସହ ଖାଲିପଡିଥିବା ପଦବୀରେ ମଧ୍ୟ ନିଯୁକ୍ତି ଦିଆଯାଉନାହିଁ | ଏହାକୁ ନେଇ କେନ୍ଦ୍ରୀୟ ସରକାରୀ ମହାସଂଘ ପକ୍ଷରୁ କୁହାଯାଇଛି ଯେ ଷ୍ଟାଫ ସିଲେକସନ କମିଶନକୁ ଖାଲି ପଦ ବାବଦରେ ମନ୍ତ୍ରାଳୟମାନେ ଅବଗତ କରୁ ନାହାନ୍ତି | ଅନ୍ୟପଟେ କମିଶନ ମଧ୍ୟ ଯେତିକି ସଂଖ୍ୟାରେ କର୍ମଚାରୀ ଆବଶ୍ୟକ ସେତିକି କର୍ମଚାରୀ ଯୋଗାଡ କରିପାରୁନାହିଁ |