ନନ୍ଦୁରବାର(ମହାରାଷ୍ଟ୍ର): ଡାକ୍ତରଖାନାର ଅସ୍ତ୍ରୋପଚାର କେନ୍ଦ୍ରରୁ ବାହାରିଲା ବିଷାକ୍ତ ସାପ | ଅସ୍ତ୍ରୋପଚାର ପାଇଁ ରୋଗୀ ସହ ଡାକ୍ତର ପ୍ରସ୍ତୁତ ଥିବା ବେଳେ ଅସ୍ତ୍ରୋପଚାରର ସମସ୍ତ ପ୍ରସ୍ତୁତି ସରିଥିଲା | କିନ୍ତୁ ଅସ୍ତ୍ରୋପଚାର ଆରମ୍ଭ ହେବା ପୂର୍ବରୁ ଡାକ୍ତରଙ୍କ ଆଖିରେ ପଡିଥିଲା ବଡ ବିଷାକ୍ତ ସାପ | ସାପକୁ ଦେଖିବା ମାତ୍ରେ ରୋଗୀ ସମେତ ଡାକ୍ତର ଡରରେ ଅସ୍ତ୍ରୋପଚାର କେନ୍ଦ୍ରରୁ ବାହାରକୁ ଚାଲି ଆସିଥିଲେ | ଏହି ସମୟରେ ଡାକ୍ତରଖାନାକୁ ଆସିଥିବା ଜଣେ ପୁଲିସକର୍ମୀ ସାପକୁ କାବୁ କରିବାରେ ସଫଳ ହୋଇଥିଲେ ବୋଲି ଜଣା ପଡିଛି | ଘଟଣାଟି ଘଟିଛି ମହାରାଷ୍ଟ୍ରର ନନ୍ଦୁରବାର ଜିଲ୍ଲାରେ ଥିବା ଏକ ସରକାରୀ ଡାକ୍ତରଖାନାରେ |
/sambad/media/post_attachments/98efd9740530c3b36fc9cff052eaefbab1c25b15b3841eddedc544cb227c9577.jpg)
ମିଳିଥିବା ସୂଚନା ମୁତାବକ, ମଙ୍ଗଳବାର ରାତି ୨ଟାରେ ମହାରାଷ୍ଟ୍ରର ନନ୍ଦୁରବାର ସରକାରୀ ଡାକ୍ତରଖାନାରେ ଏକ ବିଷାକ୍ତ ସାପ ମିଳିଥିଲା। ସରକାରୀ ଡାକ୍ତରଖାନାରେ ଜଣେ ମହିଳାଙ୍କ ଅସ୍ତ୍ରୋପଚାର ପାଇଁ ପ୍ରସ୍ତୁତି ଚାଲିଥିବା ବେଳେ ଡାକ୍ତର ଗୋଟିଏ କୋଣରେ ଏକ ବଡ ସାପ ଦେଖିଥିଲେ । ସାପକୁ ଦେଖି ଡରରେ ଡାକ୍ତର ବାହାରକୁ ଆସିବା ପରେ ସେଠାରେ ଉପସ୍ଥିତ ଥିବା ଜଣେ ପୁଲିସକର୍ମୀ ଵିଶାଲ ନାଗରେ ସାପକୁ ଧରିବାର ସାହସ ଦେଖାଇଥିଲେ | ବିଶାଲ ଦୀର୍ଘ ସମୟ ଧରି ସାପ ସାମ୍ନାରେ ଏକ ଖାଲି ବାକ୍ସ ଧରି ଠିଆ ହେବା ସହ କିଛି ସମୟ ପରେ ସାପର ମୁଣ୍ଡ ଉପରେ ଖାଲି ବାକ୍ସକୁ ରଖିଥିଲେ | ଏହା ପରେ ସାପ ଧୀରେ ଧୀରେ ବକ୍ସ ଭିତରକୁ ପଶିଥିଲା | ତେବେ ସାପକୁ କାବୁ କରିବା ପରେ ଡାକ୍ତରଙ୍କ ସମେତ ଉପସ୍ଥିତ ସମସ୍ତ ଲୋକ ଵିଶାଲଙ୍କୁ ପ୍ରଶଂସା କରିଥିବା ଜଣା ପଡିଛି |