ଅମରାବତୀ: ଗୋଦାବରୀ ନଦୀରେ ନିର୍ମାଣାଧୀନ ବିବାଦୀୟ ପୋଲାଭରମ ପ୍ରକଳ୍ପ କାର୍ଯ୍ୟ ୨୦୧୯ ଡିସେମ୍ବର ସୁଦ୍ଧା ଶେଷ ହେବ। ପ୍ରକଳ୍ପ ଅଞ୍ଚଳରେ ଆୟୋଜିତ ଏକ କାର୍ଯ୍ୟକ୍ରମରେ ଯୋଗ ଦେଇ ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ ଚନ୍ଦ୍ରବାବୁ ନାଇଡୁ ଏହି ଘୋଷଣା କରିଛନ୍ତି। ପ୍ରକଳ୍ପ କାର୍ଯ୍ୟପାଇଁ ୧ ଲକ୍ଷ ୬୮ହଜାର ୨୧୩ ଏକର ଜମିର ଆବଶ୍ୟକତା ଥିବା ବେଳେ ଏଯାବତ୍‌ ୧ଲକ୍ଷ ୧୦ ହଜାର ୩୫୫ ଏକର ଜମି ଅଧିଗ୍ରହଣ ଶେଷ ହୋଇଛି। ଏଯାବତ୍‌ ୫୫.୧୨ ପ୍ରତିଶତ ପ୍ରକଳ୍ପ କାର୍ଯ୍ୟ ଶେଷ ହୋଇଥିବା ବେଳେ ମାର୍ଚ୍ଚ ସୁଦ୍ଧା ସ୍ପିଲ-େଓ୍ଵ କାର୍ଯ୍ୟ ଶେଷ ହେବ। ପୋଲାଭରମ ପ୍ରକଳ୍ପକୁ ତିରୁମାଲାର ଶ୍ରୀ ଭେଙ୍କଟଶ୍ୱେର ମନ୍ଦିର ସହ ତୁଳନା କରି ପ୍ରତ୍ୟେକ ବ୍ୟକ୍ତି ଜୀବନରେ ଅତିକମ୍‌ରେ ଗୋଟିଏ ଥର ପ୍ରକଳ୍ପ ସ୍ଥଳ ବୁଲି ଦେଖିବା ଉଚିତ୍‌ ବୋଲି ସେ କହିଛନ୍ତି।

Advertisment