କରୋନା କଟକଣା ବେଳେ ଗୁଟଖା କିଣିବାକୁ ଲଗାଇଥିଲେ ଲମ୍ବା ଲାଇନ, ପୁଲିସ କଲା ଲାଠିଚାର୍ଜ
ଭୋପାଳ: କରୋନା ସଂକ୍ରମଣ ଦିନକୁ ଦିନ ବଢୁଥିବାବେଳେ ମଧ୍ୟପ୍ରଦେଶରେ ପୁଲିସ କଟକଣା ଲାଗୁ ହୋଇଛି | ମଧ୍ୟପ୍ରଦେଶର ଶିବପୁରୀରେ ସପ୍ତାହର ଦୁଇ ଦିନ ସଟଡାଉନ ଘୋଷଣା କରାଯାଇଛି | ତେବେ ଏହି କଟକଣାକୁ ମାନିବାକୁ କିଛି ଲୋକ ପ୍ରସ୍ତୁତ ନ ଥିବାବେଳେ ଆଜି ପୁଲିସ ଏମାନଙ୍କୁ ସାବାଡ଼ କରିଛି | ମିଳିଥିବା ସୂଚନା ମୁତାବକ ଶିବପୁରୀରେ ୫୦ରୁ ଅଧିକ ଲୋକ ଗୁଟଖା କିଣିବାକୁ ଏକ ଦୋକାନ ଆଗରେ ରୁଣ୍ଡ ହୋଇଥିଲେ |
Sambad is now on WhatsApp
Join and get latest news updates delivered to you via WhatsApp
ତେବେ ଏମାନେ ମାସ୍କ ପିନ୍ଧି ନଥିଲେ କିମ୍ବା ସାମାଜିକ ଦୂରତା ରକ୍ଷା କରିନଥିଲେ | ତେବେ ଶିବପୁରୀର ଶଙ୍କର କଲୋନୀର ଲୋକମାନେ ଏଭଳି ଗହଳି କରିଥିବାବେଳେ ସ୍ଥାନୀୟ ଲୋକ ପୁଲିସକୁ ଏବାବଦରେ ସୂଚନା ଦେଇଥିଲେ | ଆଉ ଏହା ପରେ ଘଟଣାସ୍ଥଳରେ ପହଞ୍ଚିଥିଲା ପୁଲିସ | ଯେତେବେଳେ ବହୁ ସଂଖ୍ୟାରେ ଗୁଟଖା କିଣିବାକୁ ଆସିଥିବା ଲୋକଙ୍କୁ ସ୍ଥାନ ଛାଡି ଯିବାକୁ ଚେତାବନୀ ଦେଇଥିଲେ ବି ଲୋକ ମାନି ନଥିଲେ |
ଆଉ ଏହା ପରେ ପୁଲିସ ଭିଡ ନିୟନ୍ତ୍ରଣ କରିବାକୁ ଲାଠିଚାଳନା କରିଥିଲା | ଏବେ ଏହି ଘଟଣାର ଭିଡିଓ ସୋସିଆଲ ମିଡିଆରେ ଭାଇରାଲ ହେବା ପରେ ଏହାକୁ ନେଇ ଚର୍ଚ୍ଚା ଜୋର ଧରିଛି |