ପ୍ରେମିକାଙ୍କ ସହ ପ୍ରେମିକାଙ୍କୁ ଅସଂଯତ ଅବସ୍ଥାରେ ଦେଖିବା ପରେ ମନ୍ଦିରରେ ବିବାହ କରାଇଦେଲା ପୁଲିସ
ପାଟନା: ବିହାରର ବାଙ୍କାରେ ଜଣେ ପ୍ରେମୀ ଯୁଗଳଙ୍କୁ ପୁଲିସ ଏକ ଶିବ ମନ୍ଦିରରେ ବିବାହ କରାଇଦେଇଛି । ମିଳିଥିବା ସୂଚନା ମୁତାବକ ଭାଗଲପୁର ଜିଲ୍ଲାର ମହିମା ଗ୍ରାମ ନିବାସୀ ରାଜକୁମାର ଗତ ତିନି ବର୍ଷ ଧରି ଝାଡଖଣ୍ଡର ଗୋଦଡା ଜିଲ୍ଲାର ନୀତୁ କୁମାରୀଙ୍କୁ ଭଲ ପାଉଥିଲେ | ତେବେ ଆଜି ଉଭୟଙ୍କୁ ଉଭୟଙ୍କର ପରିବାର ସଦସ୍ୟ ଆପତ୍ତିଜନକ ଅବସ୍ଥାରେ ଦେଖିଦେଇଥିଲେ | ଏହା ପରେ ଝିଅର ପରିବାର ଉଭୟଙ୍କୁ ଶିବ ମନ୍ଦିରକୁ ବିବାହ ପାଇଁ ଆଣିଥିଲେ। ତେବେ ଏହି ସମୟରେ ପ୍ରେମିକ ରାଜକୁମାର ତାଙ୍କୁ ବିବାହ କରିବାକୁ ମନା କରିଦେଇଥିଲେ। ଯୁବତୀଙ୍କ ପରିବାର ସଦସ୍ୟ ସ୍ଥାନୀୟ ପୁଲିସ ଅଧିକାରୀଙ୍କୁ ଏନେଇ ସୂଚନା ଦେଇଥିଲେ। ଥାନା ଅଧିକାରୀ ଏହାପରେ ମନ୍ଦିରରେ ପହଂଚି ପ୍ରେମିକ-ପ୍ରେମିକାଙ୍କୁ ପଚରାଉଚୁରା କରିଥିଲେ | ଉଭୟ ସାବାଳକ-ସାବାଳିକା ହୋଇଥିବାରୁ ଉଭୟଙ୍କର ବିବାହ କରାଯାଇଥିଲା ବିବାହ ପରେ ସମ୍ପର୍କୀୟମାନେ ଦୁହିଁଙ୍କୁ ଘରକୁ ନେଇ ଯାଇଥିଲେ।
Sambad is now on WhatsApp
Join and get latest news updates delivered to you via WhatsApp
ପୁଲିସ ଅଧିକାରୀ କହିଛନ୍ତି ଯେ ଉଭୟ ସାବାଳକ ଥିବାରୁ ବିବାହ କରାଇଦିଆଯାଇଥିଲା | ଅନ୍ୟ ଏକ ଘଟଣାକ୍ରମରେ ସେହି ଜିଲ୍ଲାରେ ଜଣେ ବିବାହିତା ମହିଳା ତାଙ୍କ ପ୍ରେମିକଙ୍କ ସହ ପଳାଇଯାଇଥିବାର ମାମଲା ସାମ୍ନାକୁ ଆସିଛି। ଏହି ଘଟଣା ସମ୍ପର୍କରେ ବିବାହିତ ମହିଳା ଆରତୀ କୁମାରୀଙ୍କ ସ୍ୱାମୀ ରାଜେଶ ରାଜ ଜଣେ ଯୁବକଙ୍କ ନାମରେ ଅଭିଯୋଗ ଆଣିଛନ୍ତି | ମହିଳାଙ୍କ ସ୍ୱାମୀ କହିଛନ୍ତି ଯେ ଗୁରୁବାର ଅପରାହ୍ନରେ ତାଙ୍କ ପତ୍ନୀ ଆରତୀ କୁମାରୀ ଘରୁ ସବୁଦିନ ଭଳି ସାମଗ୍ରୀ କିଣିବାକୁ ଗାଁ ଦୋକାନକୁ ଯାଇଥିଲେ। ଯେତେବେଳେ ସେ ଦୀର୍ଘ ସମୟ ଧରି ଘରକୁ ଫେରି ନଥିଲେ, ଖୋଜା ଆରମ୍ଭ ହୋଇଥିଲା | ଏହି ସମୟ ମଧ୍ୟରେ ଏହା ଜାଣିବାକୁ ମିଳିଥିଲା ଯେ, ପ୍ରେମିକ ସହ ସେ ପଳାଇଛନ୍ତି |