କଣ୍ଟକିତ ତାର ସାଙ୍ଗକୁ ରାସ୍ତାରେ କଣ୍ଟା ପୋତିଲା ପୁଲିସ
ନୂଆଦିଲ୍ଲୀ: କେନ୍ଦ୍ର ସରକାରଙ୍କ କୃଷି ଆଇନକୁ ବିରୋଧ କରି ଦିଲ୍ଲୀର ସୀମାରେ ବସିଥିବା କୃଷକ ସଂଗଠନ ଆସନ୍ତା ୬ ତାରିଖରେ ଦେଶବ୍ୟାପୀ ‘ଚକା ଜାମ୍’ କରିବାକୁ ଘୋଷଣା କରିଛନ୍ତି | ଆଉ ଟ୍ରାକ୍ଟର ପ୍ୟାରେଡ଼ ସମୟରେ ହୋଇଥିବା ବିଶୃଙ୍ଖଳାକୁ ଆଉ ଦୋହରାଇବାକୁ ଚାଁହୁନି ଦିଲ୍ଲୀ ପୁଲିସ | ଯେଉଁଥିପାଇଁ ଗାଜିପୁର ସୀମା ଏବେ ପୁଲିସ ଛାଉଣୀରେ ପରିବର୍ତ୍ତନ ହୋଇଯାଇଛି | ଚାଷୀ ଯେଭଳି ଦିଲ୍ଲୀ ଅଭିମୁଖେ ନ ବଢିବେ ସେଥିପାଇଁ ପୁଲିସ ପକ୍ଷରୁ ବିଭିନ୍ନ ପ୍ରକାରର ପନ୍ଥା ଗ୍ରହଣ କରାଯାଇଛି | ରାଜପଥ ଉପରେ କଂକ୍ରିଟରେ ଅବରୋଧ ସହ କଣ୍ଟକିତ ତାର ରାସ୍ତାରେ ଲଗାଯାଇଛି | ଏହା ସହ ଯଦି ଟ୍ରାକ୍ଟର ଦ୍ୱାରା କଣ୍ଟକିତ ତାର ଓ କଂକ୍ରିଟ ଅବରୋଧ ହଟାଇବାକୁ ଚାଷୀ ଚେଷ୍ଟା କରିବେ, ସେଥିପାଇଁ ରାସ୍ତାରେ କଣ୍ଟା ମଧ୍ୟ ପୋତାଯାଇଛି | ତେବେ ସୁରକ୍ଷା ବ୍ୟବସ୍ଥା ଏଭଳି ଆପଣାଯାଇଛି ଯେ, ଦିଲ୍ଲୀକୁ ପ୍ରବେଶ କରିବାକୁ ଥିବା ବିକଳ୍ପ ମାଧ୍ୟମରେ ବି ଅବରୋଧ କରାଯାଇଛି | ଏହା ସହ ବ୍ୟାପକ ସଂଖ୍ୟାରେ ପୁଲିସ ଫୋର୍ସ ଏବେ ମୁତୟନ ହୋଇଛନ୍ତି |
Sambad is now on WhatsApp
Join and get latest news updates delivered to you via WhatsApp
ତେବେ ପୁଲିସ ପକ୍ଷରୁ କରାଯାଇଥିବା ଏଭଳି ବ୍ୟବସ୍ଥାକୁ ତୀବ୍ର ବିରୋଧ କରିଛନ୍ତି କଂଗ୍ରେସ ସାଂସଦ ତଥା ପୂର୍ବତନ ଅଧ୍ୟକ୍ଷ ରାହୁଲ ଗାନ୍ଧୀ | ରାହୁଲ ଟ୍ୱିଟ କରି ଲେଖିଛନ୍ତି ଯେ ‘ଭାରତ ସରକାର, ସେତୁ ନିର୍ମାଣ କରନ୍ତୁ ଅବରୋଧକ ନୁହେଁ’ | ସେହିପରି କଂଗ୍ରେସ ମହାସଚିବ ଟ୍ୱିଟ କରି ଲେଖିଛନ୍ତି ଯେ ‘ପ୍ରଧାନମନ୍ତ୍ରୀ ଜୀ, ନିଜର କୃଷକଙ୍କ ସହ ଯୁଦ୍ଧ’ ?
प्रधानमंत्री जी, अपने किसानों से ही युद्ध? pic.twitter.com/gn2P90danm
— Priyanka Gandhi Vadra (@priyankagandhi) February 2, 2021
ସୂଚନା ଥାଉ କି ୨୬ ଜାନୁଆରୀ ହିଂସାରେ ଦିଲ୍ଲୀରେ ପ୍ରାୟ ୪୦୦ ସୁରକ୍ଷା କର୍ମୀ ଆହତ ହୋଇଥିଲେ ଓ ସେମାନଙ୍କ ମଧ୍ୟରୁ ଅନେକ ଗୁରୁତର ଆହତ ହୋଇଥିଲେ। ଏହାକୁ ଦୃଷ୍ଟିରେ ରଖି ପୁଲିସ ବର୍ତ୍ତମାନ ଏହି ପଦକ୍ଷେପ ନେଇଛି।