ଆତଙ୍କବାଦୀ-ପୁଲିସ ଏନକାଉଣ୍ଟର ବେଳେ ଶିଶୁକୁ କାନ୍ଧରେ ବୋହି ଉଦ୍ଧାର କଲେ ଯବାନ
ପୁଲବାମା: ଆତଙ୍କବାଦୀଙ୍କ ପକ୍ଷରୁ ହେଉଥିଲା ଗୁଳି ବର୍ଷା | ଆଖିବୁଜା ଗୁଳି ଚଳାଇବାବେଳେ ଏମାନଙ୍କୁ ମୁହଁତୋଡ ଜବାବ ଦେବାକୁ ସେନା ଓ ପୁଲିସ ମଧ୍ୟ ଘଟଣାସ୍ଥଳରେ ପହଁଚିଯାଇଥିଲେ | ଠିକ ଏହି ସମୟରେ ସେନାର ଯବାନମାନେ ଦେଖିଥିଲେ ଯେ ଅତ୍ୟନ୍ତ ବିପଦଜନକ ଅବସ୍ଥାରେ ଶିଶୁଟିଏ ଫସିରହିଛି | ଗୁଳିଚାଳନା ବେଳେ କାଳେ ଶିଶୁର ଦେହରେ ଗୁଳି ବାଜିଯିବ ଏହାକୁ ନେଇ ଚିନ୍ତାରେ ପଡିଯାଇଥିଲେ ଯବାନ | ଶେଷରେ ଜଣେ ଯବାନ ପିଲାଟିକୁ ଉଦ୍ଧାର କରି ସୁରକ୍ଷିତ ସ୍ଥାନକୁ ନେଇଯାଇଥିଲେ |
Sambad is now on WhatsApp
Join and get latest news updates delivered to you via WhatsApp
Truly in #Service of People.
Thank you @DailyExcelsior1 and your photographer Mr.Younis Khaliq. https://t.co/vfXhPNagE9— J&K Police (@JmuKmrPolice) January 22, 2020
କାନ୍ଧର ଗୋଟିଏ ପଟେ ଏକେ-୪୭ ବନ୍ଧୁକ ସାଙ୍ଗକୁ ଅନ୍ୟ କାନ୍ଧରେ ୪ରୁ ୫ ବର୍ଷର ଶିଶୁ, ଏମିତି ଏକ ଫଟୋ ଯାହାକି ଦେଶର ଯବାନଙ୍କ ଦେଶବାସୀଙ୍କ ପ୍ରତି ଥିବା ଅକୁଣ୍ଠ ଭଲ ପାଇବାକୁ ପ୍ରମାଣିତ କରିଛି | ଶତ୍ରୁଙ୍କ ସହ ମୁକାବିଲାବେଳେ ଯେଭଳି ସାଧାରଣ ଲୋକଙ୍କର କିଛି କ୍ଷତି ନ ହୁଏ ତାହା ସେନାର ଯବାନମାନେ କିଭଳି ମାନନ୍ତି ତାହା ଏହି ଫଟୋ ହିଁ କହିଛି |
ମିଳିଥିବା ସୂଚନା ମୁତାବକ ଜାନୁୟାରୀ ୨୧ ତାରିଖରେ ପୁଲବାମାର ଅବନ୍ତିପୁରାରେ ଯବାନ ଓ ଆତଙ୍କବାଦୀଙ୍କ ମଧ୍ୟରେ ଗୁଳି ବିନିମୟ ହୋଇଥିଲା | ସେନାର ଏନକାଉଣ୍ଟରରେ ଦୁଇ ଜଣ ଆତଙ୍କବାଦୀ ନିହତ ମଧ୍ୟ ହୋଇଥିଲେ | ତେବେ ଏନକାଉଣ୍ଟର ପୂର୍ବରୁ ଘଟଣାସ୍ଥଳରେ ଫସିରହିଥିବା ଏକ ଶିଶୁକୁ ଏସଓଜି(ସ୍ପେଶାଲ ଅପରେସନ ଗ୍ରୁପ) ର ଜଣେ ଯବାନ ଯେଭଳି ଭାବେ ଉଦ୍ଧାର କରିଥିଲେ ସେହି ଦୃଶ୍ୟ ଏବେ ସବୁଆଡେ ଭାଇରାଲ ହେଉଛି | ଏହି ଫଟୋଟିକୁ କାଶ୍ମୀରରୁ ପ୍ରକାଶିତ ହେଉଥିବା ଖବରକାଗଜ ଡେ଼ଲି ଏକ୍ସଲେସିୟରର ଫଟୋ ସାମ୍ବାଦିକ ୟୂନିସ ଖାଲିକ ଉଠାଇଥିଲେ | ଯାହାକୁ ସେ ଟ୍ୱିଟ କରିଥିଲେ | ଏହାର ଉତ୍ତର ଦେଇ ଜମ୍ମୁକାଶ୍ମୀର ପୁଲିସ ପକ୍ଷରୁ କୁହାଯାଇଛି ଯେ ରାଜ୍ୟବାସୀଙ୍କ ସେବା ପାଇଁ ସବୁବେଳେ ତତ୍ପର ଅଛନ୍ତି | ଏଠାରେ ସୂଚନା ଥାଉ କି ଏହି ଏନକାଉଣ୍ଟରରେ ଆତଙ୍କବାଦୀ ସଂଗଠନ ଜୈସ-ଏ-ମହମ୍ମଦର ଦୁଇ ଜଣ ଆତଙ୍କବାଦୀ ନିହତ ହୋଇଥିବାବେଳେ ଦୁଇ ଜଣ ଯବାନ ମଧ୍ୟ ସହିଦ ହୋଇଥିଲେ |