ଗର୍ଭପାତ ପାଇଁ ଔଷଧ ଖାଇ ନାବାଳିକାଙ୍କର ମୃତ୍ୟୁ, ନକଲି ଡାକ୍ତରଙ୍କୁ ଖୋଜୁଛି ପୁଲିସ
ଚେନ୍ନାଇ: ନକଲି ଡାକ୍ତରଙ୍କ ଭୁଲ ଔଷଧ ଲାଗି ଚାଲିଗଲା ନାବାଳିକାଙ୍କ ଜୀବନ | ଗର୍ଭପାତ କରାଇବାକୁ ଔଷଧ ଖାଇଥିବା ନାବାଳିକାଙ୍କ ମୃତ୍ୟୁ ହେବା ପରେ ଏହି ଘଟଣା ସାମ୍ନାକୁ ଆସିଛି | ତାମିଲନାଡୁରେ ଏହି ଘଟଣା ଘଟିଛି | ମିଳିଥିବା ସୂଚନା ମୁତାବକ ୧୫ ବର୍ଷର ନାବାଳିକା ନିଜର ଗର୍ଭ ନଷ୍ଟ କରିବାକୁ ନକଲି ଡାକ୍ତରଙ୍କଠାରୁ ଗର୍ଭପାତ ବଟିକା ଖାଇବା ପରେ ତାଙ୍କର ମୃତ୍ୟୁ ହୋଇଯାଇଛି । ତାମିଲନାଡୁର ତିରୁବନନାମାଲାଇ ଜିଲ୍ଲାର ଚେଙ୍ଗାମରେ ଏହି ଘଟଣା ଘଟିଛି। ଏଥିସହିତ ଉକ୍ତ ବ୍ୟକ୍ତି ଜଣଙ୍କୁ ଚିହ୍ନଟ କରାଯାଇଛି ଯିଏ ନାବାଳିକାଙ୍କୁ ଗର୍ଭବତୀ କରାଇଥିଲେ । ଏହି ବ୍ୟକ୍ତିଙ୍କ ନାମ ଏସ ମୁରୁଗାନ୍ ହୋଇଥିବାବେଳେ ଯୁବକ ଜଣକ ପ୍ରତିଦିନ ନାବାଳିକାଙ୍କୁ ସ୍କୁଲକୁ ଛାଡ଼ିବାକୁ ନେଉଥିଲେ | ଏହି ସମୟ ମଧ୍ୟରେ ଉଭୟଙ୍କ ମଧ୍ୟରେ ସମ୍ପର୍କ ଗଢି ଉଠିଥିଲା |
Sambad is now on WhatsApp
Join and get latest news updates delivered to you via WhatsApp
କିଛିଦିନ ତଳେ ନାବାଳିକା ଜଣକ ଗର୍ଭବତୀ ହୋଇଥିଲେ | ଆଉ ସେ ଗର୍ଭବତୀ ହେବା ପରେ ମୁରୁଗାନ୍, ତାଙ୍କ ବନ୍ଧୁ ପ୍ରମୁଖ ସାହାଯ୍ୟରେ, ଜଣେ କ୍ୱାକ୍ ଡାକ୍ତରଙ୍କ ପାଖରୁ ଗର୍ଭପାତ ଔଷଧ ନେଇ ଦେଇଥିଲେ | ଆଉ ଏହି ଔଷଧ ଖାଇବା ପରେ ନାବାଳିକା ଜଣକ ଚେତାଶୂନ୍ୟ ହୋଇପଡ଼ିଥିଲେ | ନାବାଳିକାଙ୍କୁ ତାଙ୍କ ପରିବାର ସଦସ୍ୟ ତୁରନ୍ତ ଡାକ୍ତରଖାନାରେ ଭର୍ତ୍ତି କରିଥିଲେ ବି ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।
ଝିଅଟିର ମୃତ୍ୟୁ ପରେ ପରିବାର ଲୋକ ଏବାବଦରେ ଜାଣିପାରିଥିଲେ | ତାଙ୍କ ମୃତଦେହକୁ ତିରୁବନନାମଲାଇସ୍ଥିତ ସରକାରୀ ଡାକ୍ତରଖାନାକୁ ପଠାଯାଇଛି। ଅଭିଯୁକ୍ତକୁ ପୁଲିସ ଅଟକ ରଖିଥିବାବେଳେ ତାଙ୍କୁ ଗର୍ଭପାତ ବଟିକା ଦେଇଥିବା ନକଲି ଡାକ୍ତରଙ୍କୁ ମଧ୍ୟ ପୁଲିସ ଖୋଜୁଛି।