କୃଷି ବିଲ୍ ସପକ୍ଷରେ ସମର୍ଥନ ପତ୍ର ଦେଇଛନ୍ତି କୃଷକ, ଚାଷୀନେତାଙ୍କ ସହ ଆଲୋଚନା କରିବେ ସରକାର : କେନ୍ଦ୍ର କୃଷିମନ୍ତ୍ରୀ ନରେନ୍ଦ୍ର ସିଂ ତୋମାର
ନୂଆଦିଲ୍ଳୀ: ନୂଆ କୃଷି ଆଇନକୁ ନେଇ ୧୯ ଦିନ ଧରି ଆନ୍ଦୋଳନରେ ବସିଛନ୍ତି କୃଷକ। ଏହି ଆଇନ ବିରୋଧରେ ଆନ୍ଦୋଳନ କରୁଥିବା କୃଷକମାନେ ଲାଗାତର ଭାବେ ଦ୍ୱିତୀୟ ଦିନ ବିଜୟପୁର- ଦିଲ୍ଲୀ ଜାତୀୟ ରାଜପଥ ବନ୍ଦ ରଖିଛନ୍ତି । ଆନ୍ଦୋଳନର ୧୯ ଦିନରେ ଆଜି କୃଷକମାନେ ଅନଶନ କରୁଥିବା ବେଳେ କେନ୍ଦ୍ର କୃଷିମନ୍ତ୍ରୀ ନରେନ୍ଦ୍ର ସିଂ ତୋମାର କହିଛନ୍ତି କି ସରକାର କୃଷକ ନେତାମାନଙ୍କ ସହିତ ପୁଣି ବୈଠକ କରିବାକୁ ଚିନ୍ତା କରୁଛନ୍ତି । ଏ ନେଇ ଖୁବଶୀଘ୍ର ତାରିଖ ଘୋଷଣା କରାଯିବ । ଏହା ସହ କୃଷିମନ୍ତ୍ରୀ କହିଛନ୍ତି କି ଅଖିଳ ଭାରତୀୟ କିଷାନ ସମନ୍ୱୟ ସମିତିର ସଦସ୍ୟମାନେ ତାମିଲନାଡୁ,ତେଲେଙ୍ଗାନା,ମହାରାଷ୍ଟ୍ର ଓ ବିହାରରୁ ଆସିଥିଲେ । ସେମାନେ କୃଷି ବିଲକୁ ସମର୍ଥନ କରି ମୋତେ ଏକ ସମର୍ଥନ ପତ୍ର ପ୍ରଦାନ କରିଛନ୍ତି । ସେମାନେ କହିଛନ୍ତି କି ମୋଦୀ ସରକାର କୃଷକମାନଙ୍କର କଲ୍ୟାଣ ପାଇଁ ଏଭଳି ବିଲ୍ ଆଣିଛନ୍ତି । ଏହାସହ ସେମାନେ କୃଷିମନ୍ତ୍ରୀଙ୍କ ସହ ଆଲୋଚନା ପାଇଁ ରାଜି ହୋଇଛନ୍ତି। କେବଳ ସରକାର ତାରିଖ ଧାର୍ଯ୍ୟ କରି ସେମାନଙ୍କୁ ଜଣାଇବା କଥା ବାକି ରହିଛି ।
Sambad is now on WhatsApp
Join and get latest news updates delivered to you via WhatsApp
ଅନ୍ୟପଟେ ଚିଲ୍ଲା ସୀମାନ୍ତରେ ନିକଟରେ ଆନ୍ଦୋଳନ କରୁଥିବା କୃଷକ ନେତା ଭାନୁ ପ୍ରସାଦ କହିଛନ୍ତି କି ଭାରତର ସବୁ କୃଷକ ନେତାଙ୍କ ଯାଂଚ ସିବିଆଇ ଦ୍ୱାରା କରାଯିବା ଉଚିତ୍ । ସେ କୃଷକ ନେତା ପଞ୍ଜାବର ହୁଅନ୍ତୁ କି ହରିଆଣାର । ଏହାସହ ସେ କହିଛନ୍ତି କି ସେ କୃଷକ ନେତା ରାକେଶ ଟିକାୟତ ହୁଅନ୍ତୁ ବା ସେମାନଙ୍କ ସଂଗଠନର ଅନ୍ୟ କେହି ନେତା ହୁଅନ୍ତୁ । ସେମାନଙ୍କୁ ସିବିଆଇ ଦ୍ୱାରା ଯାଂଚ କରାଯାଇ ସେମାନଙ୍କ ଅନୁଷ୍ଠାନରେ ତାଲା ପକାଯିବା ଦରକାର । ତେବେ ଯାଇ ସରକାର କୃଷକମାନଙ୍କ ଦାବି ପୂରଣ କରିବେ । ସେ କହିଛନ୍ତି କି ଯେଉଁ ଏମଏସପିକୁ ନେଇ କୃଷକମାନେ ଲଢେଇ କରୁଛନ୍ତି ତାହାକୁ ତ କିଷାନ ଆୟୋଗ ନିଶ୍ଚିତ କରିବ । ସରକାର ଯେଉଁ ଏମଏସପି ସ୍ଥିର କରୁଛନ୍ତି ତାହା ତ ସରକାର ୭୨ ବର୍ଷ ହେବ ଚଳାଇଛନ୍ତି । ଯାହାଦ୍ୱାରା ଦେଶର କୃଷକ ସର୍ବସ୍ବାନ୍ତ ହେବାକୁ ଲାଗିଲେଣି। ଏହି ଏମଏସପି ମାଧ୍ୟମରେ କୃଷକମାନଙ୍କୁ ନା ଲାଭାଂଶ ମିଳୁଛି ନା ଚାଷରେ ବିନିଯୋଗ କରିଥିବା ମୂଲ୍ୟ ।
ଅନ୍ୟପଟେ ଯେଉଁ ଛୋଟ ସମସ୍ୟାଟି ରହିଛି ତା’ ଉପରେ ସରକାର ନରମ ମନୋଭାବ ପୋଷଣ କରିସାରିଛନ୍ତି । ଅନ୍ୟପଟେ ହରିଆଣାର ଉପ-ମୁଖ୍ୟମନ୍ତ୍ରୀ ଦୁଷ୍ମନ୍ତ ଚୌତାଲା କହିଛନ୍ତି କି ଏହି ବିଲରେ କିଛି ପରିବର୍ତ୍ତନ କରିବାକୁ ସରକାର ରାଜି ହୋଇଛନ୍ତି । ହେଲେ କୃଷକ ସଂଗଠନମାନେ ଏହି ସମୟରେ ତାଙ୍କ ଜିଦରୁ ଗୋଟଏ ପାଦ ପଛକୁ ହଟିଲେ ଯାଇ ସମସ୍ୟାର ସମାଧାନ ହୋଇପାରିବ । ଏହା ସହ ସେ କହିଛନ୍ତି କି କୃଷିମନ୍ତ୍ରୀ ଓ ଗୃହମନ୍ତ୍ରୀ କୃଷକଙ୍କ ଦାବିକୁ ନେଇ ଲଗାତର ଭାବେ ଚର୍ଚ୍ଚା କରୁଛନ୍ତି । ସେପଟେ ପୁଣି କୃଷିମନ୍ତ୍ରୀ କହିଛନ୍ତି କି କୃଷକ ଆନ୍ଦୋଳନ ପଛରେ ରାଜନୀତି ରହିଛି । ମୋଦୀ ସରକାର ଯେତେବେଳେ କୌଣସି କ୍ଷେତ୍ରରେ ଲୋକଙ୍କ ବିରୋଧରେ କିଛି କରୁନାହାନ୍ତି ତେବେ ଦେଶର ଅନ୍ନଦାତାଙ୍କ ଅମଙ୍ଗଳ ସେ କାହିଁକି ଚିନ୍ତା କରିବେ।