ପଶ୍ଚିମବଙ୍ଗ ବିଧାନସଭା ନିର୍ବାଚନକୁ ନେଇ ଭବିଷ୍ୟବାଣୀ କଲେ ଶିବସେନା ନେତା ସଞ୍ଜୟ ରାଓ୍ୱତ୍

ମୁମ୍ବାଇ:ପଶ୍ଚିମବଙ୍ଗରେ ଆସନ୍ତାବର୍ଷ ବିଧାନସଭା ନିର୍ବାଚନ ହେବାକୁ ଥିବା ବେଳେ ଏହାକୁ ନେଇ ଭବିଷ୍ୟବାଣୀ କରିଛନ୍ତି ଶିବସେନା ନେତା ସଞ୍ଜୟ ରାଓ୍ୱତ୍ | ପଶ୍ଚିମବଙ୍ଗରେ ବିଜେପି ଓ ତୃଣମୂଳ କଂଗ୍ରେସ ମଧ୍ୟରେ ମୁହାଁମୁହିଁ ସ୍ଥିତି ସୃଷ୍ଟି ହୋଇଥିବା ବେଳେ ​​ଏଆଇଏମ୍ଆଇଏମ୍ ସଭାପତି ଅସଦୁଦ୍ଦିନ ଓୱେସିଙ୍କ ପ୍ରବେଶ ମଧ୍ୟ ରାଜନୈତିକ ସମୀକରଣ ବଦଳାଇପାରେ ବୋଲି ଚର୍ଚ୍ଚା ଜୋର ଧରିଛି | ଆଉ ବର୍ଷକ ପୂର୍ବରୁ ପଶ୍ଚିମବଙ୍ଗରେ ବିଧାନସଭା ଫଳାଫଳ କାହା ସପକ୍ଷରେ ହେବ ସେ ନେଇ ଭବିଷ୍ୟବାଣୀ ଦେଇଛନ୍ତି ସଞ୍ଜୟ |

ଶିବସେନା ନେତା ତଥା ରାଜ୍ୟସଭା ସାଂସଦ ସଞ୍ଜୟ ରାଓ୍ୱତ କହିଛନ୍ତି ଯେ, ‘ପଶ୍ଚିମବଙ୍ଗ ରାଜନୀତିରେ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ଅଭିଜ୍ଞତା ବହୁତ ଭଲ। କିନ୍ତୁ, ଏଆଇଏମ୍ଆଇଏମ୍ ଯେପରି ଦେଶର ବିଭିନ୍ନ ରାଜ୍ୟରେ ନିର୍ବାଚନରେ ​​ପ୍ରତିଦ୍ୱନ୍ଦ୍ୱିତା କରୁଛି, ଏହା ନିଶ୍ଚିତ ଭାବରେ ଦେଶର ଲୋକଙ୍କ ମନରେ ସନ୍ଦେହ ସୃଷ୍ଟି କରୁଛି ଯେ ଅସଦୁଦ୍ଦିନ ଓୱେସିଙ୍କ ଏଜେଣ୍ଡା କ’ଣ? ତଥାପି, ମୋର ବିଶ୍ୱାସ ଯେ ଅସଦୁଦ୍ଦିନ ଓୱେସି ଏବଂ ବିଜେପି ଯାହା ବି କରନ୍ତୁ, ପଶ୍ଚିମବଙ୍ଗରେ ମମତା ବାନାର୍ଜୀ ହିଁ ଜିତିବେ।’

ସେହିପରି କୃଷକଙ୍କ ଆନ୍ଦୋଳନକୁ ନେଇ ସଞ୍ଜୟ କହିଛନ୍ତି ଯେ ଯଦି ପ୍ରଧାନମନ୍ତ୍ରୀ ନିଜେ ହସ୍ତକ୍ଷେପ କରନ୍ତି ତେବେ ଏହି ସମସ୍ୟାର ସମାଧାନ ପାଇଁ ପାଞ୍ଚ ମିନିଟରୁ ଅଧିକ ସମୟ ଲାଗିବ ନାହିଁ।

ସମ୍ବନ୍ଧିତ ଖବର