ବିଶ୍ୱର ସର୍ବାଧିକ ୧୦୦ ପ୍ରଦୂଷିତ ସହର ତାଲିକାରେ ଭାରତର ଅଛି ୬୩ଟି ସହର
ନୂଆଦିଲ୍ଲୀ: ଭାରତର ରାଜଧାନୀ ଦିଲ୍ଲୀ କ୍ରମାଗତ ଚତୁର୍ଥ ବର୍ଷ ପାଇଁ ଦୁନିଆର ସବୁଠାରୁ ପ୍ରଦୂଷିତ ରାଜଧାନୀ ଭାବେ ବିବେଚିତ ହୋଇଛି | ତେବେ କେବଳ ଦିଲ୍ଲୀ ନୁହେଁ, ବରଂ ଦୁନିଆର ୫୦ଟି ପ୍ରଦୂଷିତ ସହର ମଧ୍ୟରୁ ୩୫ଟି ଭାରତର ସହର ଥିବାବେଳେ ୧୦୦ଟି ସହର ମଧ୍ୟରେ ଭାରତର ୬୩ଟି ସହର ରହିଛି | ସ୍ୱିସ୍ ଫାର୍ମ ଆଇକ୍ୟୁଏୟାର (IQAir) ଦ୍ୱାରା ପ୍ରକାଶିତ ବିଶ୍ୱ ବାୟୁ ଗୁଣବତ୍ତା ରିପୋର୍ଟ ଅନୁଯାୟୀ, ୨୦୨୧ ମସିହାରେ ଭାରତରେ ବାୟୁ ପ୍ରଦୂଷଣ ଅଧିକ ଖରାପ ହୋଇଛି |
Sambad is now on WhatsApp
Join and get latest news updates delivered to you via WhatsApp
୨୦୨୧ ବିଶ୍ୱ ବାୟୁ ଗୁଣବତ୍ତା ରିପୋର୍ଟରେ ନୂଆଦିଲ୍ଲୀ କ୍ରମାଗତ ଚତୁର୍ଥ ବର୍ଷ ପାଇଁ ଦୁନିଆର ସବୁଠାରୁ ପ୍ରଦୂଷିତ ରାଜଧାନୀ ଏବଂ ଚତୁର୍ଥ ସର୍ବାଧିକ ପ୍ରଦୂଷିତ ସହର ଭାବରେ ସ୍ଥାନ ପାଇଛି | ଏହା ପରେ ବାଂଲାଦେଶର ଢାକା, ଚାଦ ର ଏନଜମେନା, ତାଜିକିସ୍ତାନର ଦୁଶାନବେ ଏବଂ ଓମାନର ମସ୍କାଟ ରହିଛି | ନୂଆଦିଲ୍ଲୀରେ ୨୦୨୧ ରେ ପିଏମ୨.୫(ପାର୍ଟିକୁଲେଟ ମ୍ୟାଟର) ରେ ୧୪.୬% ବୃଦ୍ଧି ଘଟି ୨୦୨୦ ତୁଳନାରେ ୯୬.୪ μg / m3 କୁ ବୃଦ୍ଧି ପାଇଛି |
ତେବେ ୧୦୦ଟି ପ୍ରଦୂଷିତ ସହର ତାଲିକାରେ ଥିବା ୬୩ଟି ଭାରତର ସହର ମଧ୍ୟରୁ ଅଧାରୁ ଅଧିକ ହରିୟାଣା ଏବଂ ଉତ୍ତରପ୍ରଦେଶରେ ରହିଛି | ରିପୋର୍ଟରେ କୁହାଯାଇଛି ଯେ ଦିଲ୍ଲୀର ବାୟୁ ପ୍ରଦୂଷଣ ବିଶ୍ୱରେ ଚତୁର୍ଥ ସ୍ଥାନରେ ରହିଛି। ତେବେ ଦୁନିଆର ସବୁଠାରୁ ପ୍ରଦୂଷିତ ସ୍ଥାନ ହେଉଛି ରାଜସ୍ଥାନର ଭବାଡି | ଏହା ପରେ ଉତ୍ତରପ୍ରଦେଶର ଗାଜିଆବାଦ ରହିଛି |