ସାକ୍ଷୀ ମିଶ୍ରଙ୍କୁ ନେଇ ପୁନମ ଯାଦବଙ୍କ ବିବାଦୀୟ ବୟାନ;ଏଭଳି ଝିଅଠାରୁ ଭଲ ମୋର ଝିଅ ନାହିଁ
ନୂଆଦିଲ୍ଲୀ : ଉତ୍ତରପ୍ରଦେଶର ବଜେପି ବିଧାୟକ ରାଜେଶ ମିଶ୍ରଙ୍କ ଝିଅ ସାକ୍ଷୀ ମିଶ୍ର ଦଳିତ ଯୁବକ ଅଜିତେଶ କୁମାରଙ୍କୁ ବିବାହ କରିବା ପରଠାରୁ ବିବାଦ ଆରମ୍ଭ ହୋଇ ଯାଇଛି । ଘଟଣାଟି ଦେଶରେ ଚର୍ଚ୍ଚାର ବିଷୟ ପାଲଟିଥିବା ବେଳେ ଦୁହିଁଙ୍କ ଜୀବନ ପ୍ରତି ବିପଦ ଥିବାରୁ ଗତକାଲି ଆହ୍ଲାବାଦ ହାଇକୋର୍ଟକୁ ଦୁହେଁ ସୁରକ୍ଷା ମାଗିବାକୁ ପହଞ୍ଚିଥିଲେ । ଏହା ସହ ଆଜି ସୋମବାର ସାକ୍ଷୀ ଏବଂ ଅଜିତେଶଙ୍କ ବିବାହକୁ ବୈଧ ବୋଲି ଘୋଷଣା କରିଛନ୍ତି ଆହ୍ଲାବାଦ ହାଇକୋର୍ଟ ।
Sambad is now on WhatsApp
Join and get latest news updates delivered to you via WhatsApp
ଏବେ ଏହି ମାମଲାକୁ ନେଇ ସମ୍ଭଲର ବିଜେପି ନେତା ତଥା ପୂର୍ବତନ ବିଧାୟକଙ୍କ ପତ୍ନୀ ପୁନମ ଯାଦବ ଫେସବୁକରେ ପୋଷ୍ଟ କରି ବିବାଦୀୟ ବୟାନ ଦେଇଛନ୍ତି । ଆରମ୍ଭରୁ ମୁଁ ଚାହୁଁଥିଲି ମୋର ଝିଅ ହେଉ । କିନ୍ତୁ ସାକ୍ଷୀ ମାତା-ପିତାଙ୍କ ତାଗିଦ୍ ଏବଂ ଭାଇ-ଭଉଣୀ ମଧ୍ୟରେ ହୋଇଥିବା ସାମାନ୍ୟ ଝଗଡ଼ାକୁ ମାନସିକ ନିର୍ଯ୍ୟାତନାର ନାଁ ଦେଇଛନ୍ତି । ଏ ସବୁ ଦେଖି ମୁଁ ଭାବୁଛି ମୋର ଝିଅ ନାହିଁ ବହୁତ ଭଲ ହୋଇଛି ବୋଲି ଲେଖିଛନ୍ତି ।