ଲୋକପ୍ରିୟତାରେ ମୁଖ୍ୟମନ୍ତ୍ରୀ ନୀତୀଶ କୁମାରଙ୍କଠାରୁ ତେଜସ୍ବୀ ଯାଦବ ଅଗ୍ରଣୀ
ନୂଆଦିଲ୍ଲୀ: ଲୋକପ୍ରିୟତାରେ ବିହାରର ମୁଖ୍ୟମନ୍ତ୍ରୀଙ୍କ ଅପେକ୍ଷା ଉପମୁଖ୍ୟମନ୍ତ୍ରୀ ତେଜସ୍ବୀ ଯାଦବ ଅଗ୍ରଣୀ ବୋଲି ‘ସି-ଭୋଟର୍’ କରିଥିବା ଜନମତ ସର୍ଭେରୁ ଜଣାପଡ଼ିଛି।
Sambad is now on WhatsApp
Join and get latest news updates delivered to you via WhatsApp
ଉଭୟ ନେତାଙ୍କ ମଧ୍ୟରୁ କିଏ ବିହାରବାସୀଙ୍କର ଅଧିକ ପ୍ରିୟଭାଜନ ବୋଲି ଜାଣିବା ଲାଗି ‘ସି-ଭୋଟର୍’ ଜନମତ ସର୍ଭେ କରିଥିଲା। ସେଥିରୁ ଜଣାପଡ଼ିଛି ଯେ, ବିହାରର ପରବର୍ତ୍ତୀ ମୁଖ୍ୟମନ୍ତ୍ରୀ ଭାବେ ୪୩% ଜନତା ‘ଆର୍ଜେଡି’ ନେତା ତେଜସ୍ବୀ ଯାଦବଙ୍କୁ ସମର୍ଥନ କରିଛନ୍ତି। ତେଜସ୍ବୀଙ୍କର ଜନପ୍ରିୟତା ସମାଜର ସବୁ ବର୍ଗର ଜନତାଙ୍କ ମଧ୍ୟରେ ରହିଛି। କିନ୍ତୁ, ବିହାରର ମୁଖ୍ୟମନ୍ତ୍ରୀ ଭାବେ ନୀତୀଶ କୁମାର ମାତ୍ର ୨୪% ଜନତାଙ୍କ ପ୍ରଥମ ପସନ୍ଦ ବୋଲି ଉକ୍ତ ସର୍ବେକ୍ଷଣରୁ ଜଣାପଡ଼ିଛି। ବାକି ୧୯% ଜନତା ଜଣେ ‘ବିଜେପି’ ନେତାଙ୍କୁ ବିହାରର ମୁଖ୍ୟମନ୍ତ୍ରୀ ଭାବେ ସମର୍ଥନ କରିଛନ୍ତି।
ଏହି ସର୍ଭେରେ ୪୧.୮% ପୁରୁଷ ତେଜସ୍ବୀଙ୍କୁ ମୁଖ୍ୟମନ୍ତ୍ରୀ ଭାବେ ଚୟନ କରିଥିବା ବେଳେ ୨୩.୮% ନୀତୀଶଙ୍କୁ ଚୟନ କରିଛନ୍ତି। ଏଥିରେ ‘ବିଜେପି’ ମାତ୍ର ୧୯.୬% ଜନମତ ହାସଲ କରିଛି।
ସେହିପରି, ମୁଖ୍ୟମନ୍ତ୍ରୀ ଭାବେ ତେଜସ୍ବୀ ଯାଦବ ବିହାରୀ ମହିଳାମାନଙ୍କର ପ୍ରଥମ ପସନ୍ଦ ବୋଲି ଉକ୍ତ ଜନମତ ସର୍ଭେରୁ ଜଣାପଡ଼ିଛି। ବିହାରର ମୁଖ୍ୟମନ୍ତ୍ରୀ ଭାବେ ତେଜସ୍ବୀ ପ୍ରଥମ ପସନ୍ଦ ବୋଲି ୪୪% ମହିଳା ମତ ଦେଇଥିବା ବେଳେ ୨୩.୩% ମହିଳା ନୀତୀଶଙ୍କୁ ପ୍ରଥମ ପସନ୍ଦ ବୋଲି କହିଛନ୍ତି। ଏଥିରେ ବି ‘ବିଜେପି’ ମାତ୍ର ୧୭.୫% ଜନମତ ପାଇ ତୃତୀୟ ସ୍ଥାନରେ ରହିଛି।