ନା ଭୁଲିଛୁ, ନା ଭୁଲିବାକୁ ଦେବୁ, ପୋଷ୍ଟର ଛପାଇ ବାଣ୍ଟିଲେ ବିଜେପି ନେତା 

ପାଟନା: ବିହାର ନିର୍ବାଚନରେ ​​ସୁଶାନ୍ତ ସିଂ ରାଜପୁତ ମାମଲାର ମୁଖ୍ୟ ପ୍ରସଙ୍ଗ ହୋଇପାରେ | କିଛି ଏଭଳି ଆଭାସ ଏବେଠାରୁ ମିଳିସାରିଲାଣି | କାରଣ ଭାରତୀୟ ଜନତା ପାର୍ଟିର କଳା ସଂସ୍କୃତି ସେଲର ବିହାର ସଂଯୋଜକ ବରୁଣ କୁମାର ସିଂହ ,ସୁଶାନ୍ତ ସିଂଙ୍କ ଚିତ୍ର ସେୟାର କରି କହିଛନ୍ତି ଯେ ‘ସେମାନେ ଭୁଲି ନାହାଁନ୍ତି କିମ୍ବା ଭୁଲି ପାରିବେ ନାହିଁ’। ସୁଶାନ୍ତଙ୍କ ପାଇଁ ନ୍ୟାୟ ଚିତ୍ର ଉପରେ ଲେଖା ହୋଇଛି | ବରୁଣ କୁମାର ସିଂ କହିଛନ୍ତି ଯେ ସେ ଜୁନ୍ ୧୬ ରୁ ସୁଶାନ୍ତ ସିଂ ରାଜପୁତଙ୍କ ନ୍ୟାୟ ପାଇଁ ପ୍ରଚାର କରୁଛନ୍ତି।

ସେ ଆହୁରି ମଧ୍ୟ କହିଛନ୍ତି ଯେ ଜୁନ୍ ୧୪ ର ଘଟଣା ପରେ ତାଙ୍କ ଛଡା କର୍ଣ୍ଣୀ ସେନା ସୁଶାନ୍ତଙ୍କୁ ନ୍ୟାୟ ଦେବା ପାଇଁ ଅନ୍ୟ ଲୋକଙ୍କୁ ଷ୍ଟିକର ଏବଂ ମାସ୍କ ବଣ୍ଟନ କରିଛନ୍ତି। ଏହି ଅବସରରେ ବରୁଣ କୁମାର ସିଂ ଏକ ପୋଷ୍ଟର ଜାରି କରିଛନ୍ତି। ଯେଉଁଥିରେ ସ୍ୱର୍ଗତ ଅଭିନେତା ସୁଶାନ୍ତ ସିଂ ରାଜପୁତଙ୍କ ହସୁଥିବା ଫଟୋ ରହିଛି |

ଫଟୋ ଉପରେ ସୁଶାନ୍ତଙ୍କ ପାଇଁ ନ୍ୟାୟ ଲେଖାଯାଇଛି ଏବଂ ତଳେ ଲେଖା ହୋଇଛି – ନା ଭୁଲିଛୁ, ନା ଭୁଲିବାକୁ ଦେବୁ | ତେବେ ବିଜେପି ରାଜ୍ୟ ସଭାପତି ସଞ୍ଜୟ ଜୈସୱାଲ କହିଛନ୍ତି ଯେ ସୁଶାନ୍ତ ସିଂ ରାଜପୁତ ମାମଲାରେ ନିରପେକ୍ଷ ତଦନ୍ତ ଚାହୁଁଛନ୍ତି। ସିବିଆଇ ବର୍ତ୍ତମାନ ଏହି ଘଟଣାର ଅନୁସନ୍ଧାନ କରୁଛି, ତେବେ ଏହାକୁ ନିର୍ବାଚନ ପ୍ରସଙ୍ଗ କରିବାର କିଛି ଅର୍ଥ ନାହିଁ |

ସମ୍ବନ୍ଧିତ ଖବର

Comments are closed.