ସନ୍ନି ଦେଓଲ ନିଖୋଜ ! ପଞ୍ଜାବର ପଠାନକୋଟରେ ଲାଗିଲା ଏଭଳି ପୋଷ୍ଟର

ଚଣ୍ଡୀଗଡ: ପଞ୍ଜାବର ପଠାନକୋଟରେ ବିଜେପି ସାଂସଦ ତଥା ବଲିଉଡ ଅଭିନେତା ସନ୍ନି ଦେଓଲଙ୍କ ନିଖୋଜ ହେବାର ପୋଷ୍ଟର ଲଗାଯାଇଛି। ସାଂସଦଙ୍କ ନିଖୋଜ ହେବାର ଏହି ପୋଷ୍ଟରଗୁଡିକ ସହରର ଅନେକ ଘର, ରେଳ ଷ୍ଟେସନ ଏବଂ ଯାନବାହାନରେ ଲଗାଯାଇଛି। ସନ୍ନି ଦେଓଲ ଗୁରୁଦାସପୁର ଲୋକସଭା ଆସନରୁ ସାଂସଦ ଅଛନ୍ତି। ୨୦୧୯ରେ ଅନୁଷ୍ଠିତ ଲୋକସଭା ନିର୍ବାଚନରେ ​​ସେ ବିଜେପି ଟିକେଟରେ ନିର୍ବାଚନ ଜିତିବା ପରେ ସଂସଦରେ ପହଞ୍ଚିଥିଲେ। ସାଂସଦ ହେବା ପରେ ସନ୍ନି ଦେଓଲ ଗୁରୁଦାସପୁରକୁ କେବେ ଆସିନାହାଁନ୍ତି ବୋଲି ସେ ନିଖୋଜ ଥିବା ପୋଷ୍ଟର ଲଗାଯାଉଥିବା ସ୍ଥାନୀୟ ଲୋକେ କହିଛନ୍ତି।

ସନ୍ନି ଦେଓଲଙ୍କ ବିରୋଧରେ ବିରୋଧ ପ୍ରଦର୍ଶନ କରୁଥିବା ଜଣେ ସ୍ଥାନୀୟ ବାସିନ୍ଦା କହିଛନ୍ତି ଯେ, ସେ ସାଂସଦ ହେବା ପରେ ଗୁରୁଦାସପୁରକୁ କେବେ ଆସିନାହାଁନ୍ତି। ସେ ନିଜକୁ ପଞ୍ଜାବର ପୁଅ ବୋଲି କହୁଛନ୍ତି କିନ୍ତୁ ସେ କୌଣସି ବିକାଶମୂଳକ କାର୍ଯ୍ୟ କରିନାହାଁନ୍ତି, ପାଣ୍ଠି ଆବଣ୍ଟନ କରିନାହାଁନ୍ତି କିମ୍ବା ଏଠାକୁ କେନ୍ଦ୍ର ସରକାରଙ୍କ କୌଣସି ଯୋଜନା ଆଣି ନାହାଁନ୍ତି। ଯଦି ସେ କାମ କରିବାକୁ ଚାହୁଁନାହାଁନ୍ତି, ତେବେ ସେ ଇସ୍ତଫା ଦେବା ଉଚିତ୍।

ଏହା ପ୍ରଥମ ନୁହେଁ, ୨୦୨୦ରେ ମଧ୍ୟ ସାଂସଦ ସନ୍ନି ଦେଓଲ ନିଖୋଜ ଥିବା ନେଇ ପଠାନ୍‌କୋଟ୍‌ ଅଞ୍ଚଳର ବିଭିନ୍ନ ସ୍ଥାନରେ ପୋଷ୍ଟର ଲଗାଯାଇଥିଲା।

ସମ୍ବନ୍ଧିତ ଖବର