ରାଜସ୍ଥାନର ରାଜରାସ୍ତାରେ କରାଗଲା ଦୁଇ ମହିଳାଙ୍କ ଶବ ବ୍ୟବଚ୍ଛେଦ,ଏହା ଥିଲା କାରଣ

ବାଡ଼୍‍ାମେର : ରାଜସ୍ଥାନର ବାଡ଼୍‍ମେର ଜିଲ୍ଲାରେ ସାମ୍ନାକୁ ଆସିଛି ଏକ ଅଭାବନୀୟ ଘଟଣା । ସେଠାରେ ଡ଼ାକ୍ତର ରାସ୍ତା ଉପରେ ଜଣେ ମହିଳାଙ୍କ ଶବ ବ୍ୟବଚ୍ଛଦ କରିବା ଘଟଣା ଏବେ ଚାରିଆଡ଼େ ଚର୍ଚ୍ଚାର ବିଷୟ ପାଲଟିଛି । ଏ ନେଇ ଡ଼ାକ୍ତରଙ୍କୁ ପଚରାଯିବା ପରେ ସେ ଏହା ପ୍ରଥମ ନୁହେଁ, ଏହା ପୂର୍ବରୁ ଅନେକ ଥର ଏପରି ହୋଇଛି ବୋଲି କହିଥିଲେ । ଡ଼ାକ୍ତରଖାନାରେ ବ୍ୟବଚ୍ଛଦ ଗୃହ ନ ଥିବାରୁ ଆମେ ଏପରି କରିବା ପାଇଁ ବାଧ୍ୟ ହେଉଛୁ ବୋଲି ଡ଼ାକ୍ତର ନିଜର ମତ ରଖିଥିଲେ । ରାଜ୍ୟ ସରକାର ତଥା ମୁଖ୍ୟମନ୍ତ୍ରୀ ବସୁନ୍ଧରା ରାଜେ ସାଧାରଣ ଲୋକମାନଙ୍କୁ ସୁବିଧା ଦେବା ପାଇଁ ବଡ଼ ବଡ଼ କଥା କହୁଥିବା ବେଳେ ଏହି ଘଟଣା ତାଙ୍କ ଅସଲ ମୁଖାକୁ ସାମ୍ନାକୁ ଆଣିଛି ।

ସୂଚନା ମୁତାବକ, ତମଲୋର ଗ୍ରାମରେ ଦୁଇ ଜଣ ମହିଳାଙ୍କୁ କରେଣ୍ଟ ଲାଗିବାରୁ ସେମାନଙ୍କ ମୃତ୍ୟୁ ଘଟିଥିଲା। ଦୁଇ ଜଣଙ୍କୁ ଚିକିତ୍ସା ପାଇଁ ତୁରନ୍ତ ସରକାରୀ ଚିକିତ୍ସାଳୟକୁ ନିଆଯାଇଥିବା ବେଳେ ସେଠାରେ ଡ଼ାକ୍ତର ତାଙ୍କୁ ମୃତ ଘୋଷଣା କରି ବ୍ୟବଚ୍ଛେଦ ପାଇଁ ପଠାଇଥିଲେ । କିନ୍ତୁ ବ୍ୟବଚ୍ଛେଦ ପାଇଁ କୌଣସି ଘର ନଥିବାରୁ ଡ଼ାକ୍ତରଖାନା ଭିତରେ ଥିବା ରାସ୍ତାରେ ଦୁଇ ମହିଳାଙ୍କ ଶବ ବ୍ୟବଚ୍ଛେଦ କରାଯାଇଥିଲା ।