କର୍ଣ୍ଣାଟକରେ ପୁଣି କ୍ଷମତା ଦଖଲ ଡ୍ରାମା: ସିଦ୍ଧାରମାୟାଙ୍କ ଉତ୍ତରାଧିକାରୀ କିଏ ?

ବେଙ୍ଗାଲୁରୁ: କର୍ଣ୍ଣାଟକରେ ରାଜନୈତିକ ଅସ୍ଥିରତା ଅବ୍ୟାହତ ରହିଛି। ଦୁର୍ନୀତି ଅଭିଯୋଗରେ ମୁଖ୍ୟମନ୍ତ୍ରୀ ସିଦ୍ଧାରମାୟା ଘେରି ରହିଛନ୍ତି ଏବଂ ବିରୋଧୀମାନେ ତାଙ୍କ ଇସ୍ତଫା ଦାବି କରୁଛନ୍ତି। ଏଥି ସହିତ କଂଗ୍ରେସ ମଧ୍ୟରେ ମୁଖ୍ୟମନ୍ତ୍ରୀ ପଦବୀକୁ ନେଇ ବିବାଦ ସାମ୍ନାକୁ ଆସିଛି। ଉପମୁଖ୍ୟମନ୍ତ୍ରୀ ଡି.କେ ଶିବକୁମାର ଏବଂ ସିଦ୍ଧାରମାୟାଙ୍କ ମଧ୍ୟରେ କ୍ଷମତା ପାଇଁ ପ୍ରତିଦ୍ବନ୍ଦ୍ବିତା ଜଣାଶୁଣା ଥିଲା। କିନ୍ତୁ ବର୍ତ୍ତମାନ ଅନ୍ୟ କଂଗ୍ରେସ ନେତାମାନେ ମଧ୍ୟ ମୁଖ୍ୟମନ୍ତ୍ରୀ ହେବାକୁ ଇଚ୍ଛା ପ୍ରକାଶ କରୁଛନ୍ତି।

ରାଜ୍ୟ କ୍ଷୁଦ୍ର ଶିଳ୍ପ ଏବଂ ସାର୍ବଜନୀନ ଉଦ୍ୟୋଗ ମନ୍ତ୍ରୀ ଶରଣପ୍ପା ଦର୍ଶନପୁର କହିଛନ୍ତି ଯେ ଯଦି ହାଇ କମାଣ୍ଡ କୁହନ୍ତି ସେ ମୁଖ୍ୟମନ୍ତ୍ରୀ ହେବାକୁ ପ୍ରସ୍ତୁତ ଅଛନ୍ତି। ସେ କହିଛନ୍ତି, ଦଳରେ ୧୩୬ ଜଣ ବିଧାୟକ ଅଛନ୍ତି, ଯେଉଁମାନେ ସମସ୍ତେ ମନ୍ତ୍ରୀ ହେବାକୁ ଯୋଗ୍ୟ ଅଟନ୍ତି। ଯଦି  ପଦବୀ ଖାଲି ହୁଏ ଏବଂ ମୋତେ ମୁଖ୍ୟମନ୍ତ୍ରୀ ହେବାକୁ କୁହାଯାଏ, ତେବେ ସେ ନେଇ ମୁଁ ପ୍ରସ୍ତୁତ ଅଛି।

ଶରଣପ୍ପାଙ୍କ ଭଳି ରାଜ୍ୟ କଂଗ୍ରେସର ବହୁ ନେତା ଏବେ ମୁଖ୍ୟମନ୍ତ୍ରୀ ଦୌଡ଼ରେ ନିଜ ନିଜ ଭାଗ୍ୟ ପରୀକ୍ଷା କରିବାକୁ ଅଣ୍ଟା ଭିଡ଼ିଥିବା ରାଜନୈତିକ ମହଲରେ ଚର୍ଚ୍ଚା ହେଉଛି।

ବେଲାଗାଭିର କଂଗ୍ରେସ ନେତା ସତୀଶ ଜାର୍କିହୋଲିଙ୍କ ସମର୍ଥକମାନେ ମଧ୍ୟ ତାଙ୍କୁ ରାଜ୍ୟର ପରବର୍ତ୍ତୀ ମୁଖ୍ୟମନ୍ତ୍ରୀ କରିବା ପାଇଁ ଜୋରଦାର ପ୍ରଚାର କରୁଛନ୍ତି। ସୋସିଆଲ ମିଡିଆ ଏବଂ ଖବରକାଗଜରେ ବିଜ୍ଞାପନ ଦେଇ ସତୀଶ ଜାର୍କିହୋଲିଙ୍କ ସପକ୍ଷରେ ଏକ ପରିବେଶ ସୃଷ୍ଟି ହେଉଛି।

ଏହା ବ୍ୟତୀତ ମନ୍ତ୍ରୀ ଏମ.ବି ପାଟିଲ ମଧ୍ୟ ମୁଖ୍ୟମନ୍ତ୍ରୀ ପଦ ପାଇଁ ପ୍ରତିଦ୍ୱନ୍ଦ୍ୱୀ ଭାବରେ ଉଭା ହେଉଛନ୍ତି। ପାଟିଲ କହିଛନ୍ତି ଯେ ଯଦି ଦଳ ଚାହେଁ, ତେବେ ସେ ମଧ୍ୟ ଏହି ପଦ ପାଇଁ ପ୍ରସ୍ତୁତ ଅଛନ୍ତି ଏବଂ ଦିନେ ମୁଖ୍ୟମନ୍ତ୍ରୀ ହେବା ତାଙ୍କର ସ୍ୱପ୍ନ।

ଏହି ସମୟରେ ସିଦ୍ଧାରମାୟା ସରକାର ମୁଡା ସମେତ ଅନେକ ଦୁର୍ନୀତି ଅଭିଯୋଗ ଆସିଛି। ବିରୋଧୀ ସିଦ୍ଧାରମାୟାଙ୍କ ଇସ୍ତଫା ଉପରେ ଚାପ ବଢ଼ାଇ ଦେଇଛନ୍ତି ଏବଂ ବିଧାନସଭାରେ ତାଙ୍କ ବିରୋଧରେ ଏକ ପ୍ରଦର୍ଶନ ମଧ୍ୟ କରାଯାଇଥିଲା।

ତେବେ ସିଦ୍ଧାରମାୟା ନିଜକୁ ନିର୍ଦ୍ଦୋଷ ଘୋଷଣା କରି ଏହି ଅଭିଯୋଗକୁ ଭିତ୍ତିହୀନ ବୋଲି କହିଛନ୍ତି। କଂଗ୍ରେସ ମଧ୍ୟରେ ଚାଲିଥିବା ଏହି ବିବାଦ ନେଇ ରାଜନୈତିକ ସମୀକ୍ଷକ ପ୍ରଶ୍ନ ଉଠାଉଛନ୍ତି ଯେ ଦଳରେ ଆଭ୍ୟନ୍ତରୀଣ ଏକତାର ଅଭାବ ସରକାରଙ୍କ ସ୍ଥିରତା ଉପରେ ପ୍ରଭାବ ପକାଇବ କି? 

ଅଧିକ ପଢ଼ନ୍ତୁ:ଭୂମିହୀନ ଚାଷୀଙ୍କୁ ମିଳିବ ୧୦ ହଜାର ଟଙ୍କା: ବଡ଼ ଘୋଷଣା

ମୁଖ୍ୟମନ୍ତ୍ରୀ ପଦବୀ ପାଇଁ ଏହି ଦୌଡ଼ କେବଳ ଦଳ ଭିତରେ ଥିବା ବିବାଦକୁ ପ୍ରତିଫଳିତ କରୁନାହିଁ, ବରଂ ଦୁର୍ନୀତି ଅଭିଯୋଗ ମଧ୍ୟରେ ପଡିଥିବା ରାଜ୍ୟ ସରକାରଙ୍କ ଉପରେ ମଧ୍ୟ ପ୍ରଶ୍ନ ଉଠାଉଛି।

ଅଧିକ ପଢ଼ନ୍ତୁ:ଜଳ ଯୋଗାଣ ଠପ୍: ସ୍କୁଲ-କଲେଜ ବନ୍ଦ କଲେ ପ୍ରଶାସନ