ଗୋଟିଏ ଦିନରେ ଭୟଙ୍କର ସାମୁଦ୍ରିକ ବାତ୍ୟା ଓ ଭୂମିକମ୍ପର ସମ୍ମୁଖୀନ ହେଲା ଜାପାନ

ଟୋକିଓ : ଜାପାନ ଆଜି ଗୋଟିଏ ଦିନରେ ଏକ ଭୟଙ୍କର ସାମୁଦ୍ରିକ ବାତ୍ୟା ଓ ଭୂମିକମ୍ପର ସମ୍ମୁଖୀନ ହୋଇଛି । ଏହି ସୁପର ଟାଇଫୁନର ନାଁ ରଖାଯାଇଛି ହଗିବିସ୍‌ । ଏହା ଶନିବାରଦିନ ଜାପାନର ପୂର୍ବରେ ଥିବା ଇଜୁ ଉପଦ୍ୱୀପଠାରେ ସ୍ଥଳଭାଗ ଛୁଇଁଛି । ସ୍ଥଳଭାଗ ଛୁଇଁବା ପରେ ସମୁଦ୍ରରେ ଉଚ୍ଚ ଜୁଆର ଆସିଛି ଓ ପବନର ବେଗ ଘଣ୍ଟା ପ୍ରତି ୧୫୦ କିଲୋମିଟରକୁ ଟପିଯାଇଛି । ଏହା ଯୋଗୁଁ ଜଣେ ବ୍ୟକ୍ତି ମୃତ୍ୟୁବରଣ କରିବା ସହ ପ୍ରାୟ ୫୦ରୁ ଅଧିକ ଆହତ ହୋଇଛନ୍ତି । କେତେକ ବ୍ୟକ୍ତି ନିଖୋଜ ଥିବାରୁ ମୃତ୍ୟୁସଂଖ୍ୟା ବଢିବାର ଆଶଙ୍କା ରହିଛି । ଏହା ଟାଇଫୁନ ଦୃଷ୍ଟିରୁ ଜାପାନ ସରକାର ଉପକୂଳ ଅଂଚଳରୁ ହଜାର ହଜାର ବ୍ୟକ୍ତିଙ୍କୁ ସୁରକ୍ଷିତ ସ୍ଥାନକୁ ନେଇଛନ୍ତି । ଏହି ବାତ୍ୟା ପ୍ରଭାବରେ କେତେକ ଉପକୂଳବର୍ତ୍ତି ସହରରେ ବନ୍ୟା ଦେଖାଦେଇଛି । ଜାପାନର ଟୋକିଓ,କାନାଗାଓ୍ଵା,ସାଇଟାମା ଓ ସିବା ଅଂଚଳରେ ଥିବା ନଦୀଗୁଡ଼ିକରେ ବନ୍ୟା ଆସିଛି ।

 

Pray for Japan, for their safety… 🙏

Typhoon Hagibis is currently one of the strongest typhoons recorded to date.

Stay safe, Japan friends.#TyphoonHagibis #PrayForJapan #PrayForJapan pic.twitter.com/mJI8HRqvIg

— Rizki Ahmad Pedrosa (@PedrosaRizki) October 12, 2019

ଜାପାନବାସୀ ଗୋଟିଏ ପଟେ ହଗିବିସର ବିପଦର ସମ୍ମୁଖୀନ ହେଉଥିବାବେଳେ ଆଜି  ୫.୭ ତୀବ୍ରତାର ଏକ ଭୂମିକମ୍ପ ମଧ୍ୟ ଆସିଛି । ଜାପାନର ରାଜଧାନୀ ଟୋକିଓର ପୂର୍ବରେ ଥିବା ସିବା ରାଜ୍ୟରେ ଏହି ଭୂମିକମ୍ପ ସ୍ଥାନୀୟ ସମୟ ସାଢେ ୬ଟା ବେଳେ ଆସିଥିଲା । ତେବେ ଏଥିରେ କୌଣସି ବ୍ୟକ୍ତି ମୃତାହତ ହୋଇନାହାନ୍ତି ।