ଟିକାକୁ ନେଇ ଦିଲ୍ଲୀ ସରକାର ଓ କେନ୍ଦ୍ର ସରକାର ମୁହାଁମୁହିଁ
ନୂଆଦିଲ୍ଲୀ: ଦିଲ୍ଲୀରେ କମ ଟିକା ଯୋଗାଣକୁ ନେଇ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଲଗାତାର କେନ୍ଦ୍ର ସରକାରଙ୍କୁ ଟାର୍ଗେଟ କରୁଛନ୍ତି। କେଜ୍ରିୱାଲ ଅଭିଯୋଗ କରିଛନ୍ତି ଯେ କେନ୍ଦ୍ର ସରକାର ଟିକା ଯୋଗାଇ ନ ଥିବାରୁ ଦିଲ୍ଲୀରେ ୧୮ ରୁ ୪୪ ବର୍ଷ ବୟସର ଲୋକଙ୍କ ପାଇଁ ଟିକାକରଣ କେନ୍ଦ୍ର ବନ୍ଦ ରହିଛି। ମୁଖ୍ୟମନ୍ତ୍ରୀଙ୍କ ଏହି ଅଭିଯୋଗକୁ ନେଇ କେନ୍ଦ୍ର ସୂଚନା ଓ ପ୍ରସାରଣ ମନ୍ତ୍ରୀ ପ୍ରକାଶ ଜାଭଡେକର କହିଛନ୍ତି ଯେ ମୁଖ୍ୟମନ୍ତ୍ରୀ ଦିଲ୍ଲୀ ନାଁ ନେଇ ରାଜନୀତି କରୁଛନ୍ତି। ପ୍ରଥମେ ସେ ଅମ୍ଳଜାନ ଏବଂ ବର୍ତ୍ତମାନ ଟିକାକୁ ନେଇ ବାହାନା କରୁଛନ୍ତି |
Sambad is now on WhatsApp
Join and get latest news updates delivered to you via WhatsApp
ସେ କହିଛନ୍ତି ଯେ ମୁଖ୍ୟମନ୍ତ୍ରୀ ନିଜେ କହୁଛନ୍ତି ଯେ ଦିଲ୍ଲୀରେ ୫୦ ଲକ୍ଷ ଡୋଜ ଟିକା ଯୋଗାଇ ଦିଆଯାଇଛି। ତେବେ ଦିଲ୍ଲୀ ଟିକା କେଉଁଠୁ ପାଇଲା? ପ୍ରକୃତ କଥା ହେଉଛି ଏହି ଟିକା କେନ୍ଦ୍ର ସରକାର ଯୋଗାଇଛନ୍ତି । ସମଗ୍ର ଦେଶରେ ୨ୟ କୋଟି ଟିକାକରଣ କରାଯାଇଥିବାବେଳେ ଏହାକୁ କେନ୍ଦ୍ର ସରକାର ଯୋଗାଇ ଦେଇଛନ୍ତି । ଡିସେମ୍ବର ପୂର୍ବରୁ ସ୍ୱାସ୍ଥ୍ୟମନ୍ତ୍ରୀ ଡକ୍ଟର ହର୍ଷବର୍ଦ୍ଧନ ମଧ୍ୟ ସମସ୍ତ ବୟସ୍କଙ୍କୁ କିପରି ଟିକାକରଣ କରାଯାଇପାରିବ ସେନେଇ ଏକ ଯୋଜନା ପ୍ରସ୍ତୁତ କରିଛନ୍ତି।
ଏହା ସତ୍ତ୍ୱେ ଦିଲ୍ଲୀର ମୁଖ୍ୟମନ୍ତ୍ରୀ ଅସନ୍ତୋଷ ପ୍ରକାଶ କରୁଛନ୍ତି। ପ୍ରକାଶ ଜାଭଡେକର କହିଛନ୍ତି ଯେ ପୂର୍ବରୁ କେଜ୍ରିୱାଲ ଅମ୍ଳଜାନକୁ ନେଇ ବିବାଦ କରିଥିଲେ। ପରିସ୍ଥିତିକୁ ନିୟନ୍ତ୍ରଣ କରିବା ପରିବର୍ତ୍ତେ, ସେ ପ୍ରତିଦିନ ଅମ୍ଳଜାନର ଅଭାବ ବିଷୟରେ କହୁଥିଲେ | ପରେ ସେ କହିଥିଲେ ଯେ ତାଙ୍କ ପାଖରେ ପର୍ଯ୍ୟାପ୍ତ ଅମ୍ଳଜାନ ଅଛି।