ଲୋକେ କଂଗ୍ରେସର ‘ଚଡି’ ଉତ୍ତାରି ଦେବାରୁ ସେମାନେ ଆରଏସଏସର ‘ଚଡି’ ଜାଳୁଛନ୍ତି: ପ୍ରହ୍ଲାଦ ଯୋଶୀ
ନୂଆଦିଲ୍ଲୀ: କର୍ଣ୍ଣାଟକରେ ଚାଲିଥିବା ‘ଚଡି’ ବିବାଦ ମଧ୍ୟରେ କେନ୍ଦ୍ରମନ୍ତ୍ରୀ ପ୍ରହ୍ଲାଦ ଯୋଶୀ ମଙ୍ଗଳବାର କଂଗ୍ରେସକୁ ଟାର୍ଗେଟ କରିଛନ୍ତି। ସେ କହିଛନ୍ତି ଯେ ଲୋକମାନେ କଂଗ୍ରେସ ‘ଚଡି’ କାଢ଼ି ଦେଇଛନ୍ତି। କଂଗ୍ରେସର ଛାତ୍ର ସଂଗଠନ ନ୍ୟାସନାଲ୍ ଷ୍ଟୁଡେଣ୍ଟସ୍ ୟୁନିଅନ୍ ଅଫ୍ ଇଣ୍ଡିଆ (ଏନଏସୟୁଆଇ) ର କିଛି ସଦସ୍ୟ ରାଜ୍ୟ ଶିକ୍ଷା ମନ୍ତ୍ରୀ ବିସି ନାଗେଶଙ୍କ ବାସଭବନ ବାହାରେ ଖାକି ପ୍ୟାଣ୍ଟ ପୋଡି ଦେବା ପରେ ଏହି ବିବାଦ ଆରମ୍ଭ ହୋଇଥିଲା। ଯୋଶୀ କହିଛନ୍ତି ଯେ ଲୋକମାନେ କଂଗ୍ରେସର ‘ଚଡି’ କାଢ଼ି ନେଇଛନ୍ତି, ସେଥିପାଇଁ ସେମାନେ ଆରଏସଏସର ‘ଚଡି’ ଜାଳୁଛନ୍ତି।
Sambad is now on WhatsApp
Join and get latest news updates delivered to you via WhatsApp
କଂଗ୍ରେସକୁ ସମାଲୋଚନା କରି ଯୋଶୀ କହିଛନ୍ତି ଯେ, ଉତ୍ତରପ୍ରଦେଶର ଲୋକମାନେ ସମଗ୍ର ଦେଶ ସାମ୍ନାରେ ତାଙ୍କର ‘ଚଡି’ କାଢ଼ିଦେଇଥିଲେ।ଆସାମବାସୀ ମଧ୍ୟ କଂଗ୍ରେସର ‘ଚଡି’ କାଢ଼ି ଦେଇଛନ୍ତି ଏବଂ ବର୍ତ୍ତମାନ ରାଜସ୍ଥାନରେ ପାଇଲଟ୍ କଂଗ୍ରେସର ‘ଚଡି’ ଢ଼ିଲା କରିବା ଆରମ୍ଭ କରିଛନ୍ତି। ଛତିଶଗଡରେ ଚଡ଼ି ଢ଼ିଲା ହେବା ସହ ମଧ୍ୟପ୍ରଦେଶରେ କଂଗ୍ରେସର ଚଡିକୁ ଉତ୍ତାରି ଦିଆଯାଇଛି। କଂଗ୍ରେସ ସବୁଠି ନିଜର ପ୍ରାଧାନ୍ୟ ହରାଇଛି।
ଏହା ପୂର୍ବରୁ ସିଦ୍ଧରମୈୟାଙ୍କ ବୟାନକୁ ନେଇ ଆରଏସଏସ କଡ଼ା ଜବାବ ଦେଇଥିଲା। ସିଦ୍ଧରମୈୟା କଂଗ୍ରେସର ଏକ କାର୍ଯ୍ୟକ୍ରମରେ କହିଥିଲେ ଯେ ବିରୋଧ ସମୟରେ ଆମେ କେବଳ ଗୋଟିଏ ‘ଚଡି’ ଜାଳିଦେବାରୁ ଏହା ଏକ ବଡ ଅପରାଧ ବୋଲି କୁହାଗଲା। କଂଗ୍ରେସ କାର୍ଯ୍ୟକର୍ତ୍ତାମାନେ କୌଣସି ସାମାଜିକ ବିରୋଧୀ କାର୍ଯ୍ୟ କରିନାହାଁନ୍ତି, ଏହା କିପରି ଏକ ବେଆଇନ କାର୍ଯ୍ୟ? ସରକାରଙ୍କ ବିରୋଧରେ ବିରୋଧ ପ୍ରଦର୍ଶନ କରିବା ଆଇନର ଉଲ୍ଲଂଘନ ନୁହେଁ। ନ୍ୟାୟ ପାଇଁ ସଂଗ୍ରାମ କରିବାର ଅଧିକାର ଆମକୁ ସମ୍ବିଧାନ ପ୍ରଦାନ କରେ। ଯଦି ରାଜ୍ୟ ସରକାର ଆମର କାର୍ଯ୍ୟକର୍ତ୍ତାମାନଙ୍କୁ ମୁକ୍ତ ନକରନ୍ତି, ତେବେ ଆମେ ରାଜ୍ୟବ୍ୟାପୀ ‘ଚଡି’ ଜାଳିବା ଅଭିଯାନ ଆରମ୍ଭ କରିବୁ।
ସିଦ୍ଧରମୈୟାଙ୍କ ଏଭଳି ଆହ୍ବାନ ପରେ ଏପେ ଆରଏସଏସ କଂଗ୍ରେସ କାର୍ଯ୍ୟାଳୟକୁ ‘ଚଡି’ ପଠାଇବା ଆରମ୍ଭ କରିଥିଲା।