କଂଗ୍ରେସ ମୋ ରେକର୍ଡ ଖରାପ କରିଛି: ପ୍ରଶାନ୍ତ କିଶୋର
ପାଟନା: ନିର୍ବାଚନ ରଣନୀତିଜ୍ଞ ପ୍ରଶାନ୍ତ କିଶୋର କଂଗ୍ରେସକୁ ଟାର୍ଗେଟ କରି କହିଛନ୍ତି ଯେ ସେମାନେ ମୋର ନିର୍ବାଚନରେ ଜିତିବାର ରେକର୍ଡକୁ ନଷ୍ଟ କରିଛନ୍ତି। ସକ୍ରିୟ ରାଜନୀତିରେ ପ୍ରବେଶ କରିବାକୁ ସୂଚାଇଥିବା ପ୍ରଶାନ୍ତ କହିଛନ୍ତି ଯେ ସେ ଦେଶର ପୁରାତନ ଦଳ ସହ ଆଉ କାମ କରିବେ ନାହିଁ। ପ୍ରଶାନ୍ତ ସୋମବାର ଦିନ ବିହାରର ବୈସାଲିରେ କହିଛନ୍ତି ଯେ ୨୦୧୧ରୁ ୨୦୨୧ ପର୍ଯ୍ୟନ୍ତ ୧୦ ବର୍ଷ ଧରି ମୁଁ ୧୧ଟି ନିର୍ବାଚନ ସହ ଜଡିତ ଥିଲି ଏବଂ ଉତ୍ତରପ୍ରଦେଶରେ କଂଗ୍ରେସ ସହିତ କେବଳ ଗୋଟିଏ ନିର୍ବାଚନରେ ଥିଲି | କିନ୍ତୁ ଏହି ନିର୍ବାଚନ ହାରିଥିଲି।
Sambad is now on WhatsApp
Join and get latest news updates delivered to you via WhatsApp
ସେବେଠାରୁ ମୁଁ ନିଷ୍ପତ୍ତି ନେଇଛି ଯେ ମୁଁ ସେମାନଙ୍କ (କଂଗ୍ରେସ) ସହିତ କାମ କରିବି ନାହିଁ କାରଣ ସେମାନେ ମୋର ଟ୍ରାକ୍ ରେକର୍ଡ ନଷ୍ଟ କରିଛନ୍ତି। ସେ ଆହୁରି ମଧ୍ୟ କହିଛନ୍ତି ଯେ କଂଗ୍ରେସକୁ ବହୁତ ସମ୍ମାନ ଦିଏ, କିନ୍ତୁ ଏହାର ବର୍ତ୍ତମାନର ବ୍ୟବସ୍ଥା ଏପରି ଯେ, ଏହି ଦଳ ନିଜକୁ ବୁଡ଼ାଇବା ସହ ଆମକୁ ମଧ୍ୟ ବୁଡ଼ାଇ ଦେବ। ଭାରତୀୟ ଜନତା ପାର୍ଟି ଠାରୁ ଆରମ୍ଭ କରି କଂଗ୍ରେସ ଏବଂ ବିଭିନ୍ନ ଆଞ୍ଚଳିକ ଦଳ ସହ କାର୍ଯ୍ୟ କରିଥିବା ନିର୍ବାଚନ ରଣନୀତିଜ୍ଞ ୨୦୨୧ରେ ପଶ୍ଚିମବଙ୍ଗରେ ତୃଣମୂଳ କଂଗ୍ରେସକୁ ବିଜୟୀ କରିବାରେ ପ୍ରମୁଖ ଭୂମିକା ଗ୍ରହଣ କରିବା ପରେ ବୃତ୍ତିଗତ ନିର୍ବାଚନ ପରାମର୍ଶଦାତା ଭାବରେ କାର୍ଯ୍ୟ କରିବାକୁ ମନା କରିଦେଇଛନ୍ତି |
ସୂଚନାଯୋଗ୍ୟ ଯେ, ମେ ୨ ରେ ନିର୍ବାଚନ ରଣନୀତିଜ୍ଞ ପ୍ରଶାନ୍ତ କିଶୋର ନିଜ ରାଜ୍ୟ ବିହାରରେ ସକ୍ରିୟ ରାଜନୀତିରେ ପ୍ରବେଶ କରିବେ ବୋଲି ସୂଚାଇ ବିହାର ରାଜନୀତିରେ ତାତି ବଢ଼ାଇ ଦେଇଛନ୍ତି । କିଶୋର କିଛି ସମୟ ପାଇଁ ଜନତା ଦଳ (ୟୁନାଇଟେଡ୍) ରେ ରହିଥିଲେ ଏବଂ ନିକଟରେ କଂଗ୍ରେସରେ ଯୋଗଦେବେ ବୋଲି ଆଶା କରାଯାଉଥିଲା, କିନ୍ତୁ ତାହା ହୋଇ ନଥିଲା।