ଗିରଫ ହେବାରର ୮ ଘଣ୍ଟା ପରେ ଏହି ସର୍ତ୍ତରେ ପିକେଙ୍କୁ ମିଳିଲା ଜାମିନ୍‌

ପାଟ୍‌ନା: ପାଟ୍‌ନା ପୁଲିସ୍‌ ଗିରଫ କରିବା ପରେ ଏବେ ସିଭିଲ କୋର୍ଟରୁ ଜାମିନ ପାଇଛନ୍ତି  ନିର୍ବାଚନ ରଣନୀତିଜ୍ଞ ପ୍ରଶାନ୍ତ କିଶୋର। ବିପିଏସସି ପରୀକ୍ଷା ବାତିଲ ପାଇଁ ଅନଶନରେ ବସିଥିବା ପ୍ରଶାନ୍ତ କିଶୋର ଏବେ ଆଗକୁ କ’ଣ କରିବେ ତାହାକୁ ନେଇ ଚର୍ଚ୍ଚା ଜାରି ରହିଛି। ଗିରଫ ହେବାର ୮ ଘଣ୍ଟା ପରେ ପ୍ରଶାନ୍ତଙ୍କୁ ଜାମିନ୍‌ ମିଳିଛି। ତେବେ ଭବିଷ୍ୟତରେ ସେ କୌଣସି ଧାରଣାରେ ବସିପାରିବେ ନାହିଁ ବୋଲି ସର୍ତ୍ତରେ ପ୍ରଶାନ୍ତଙ୍କୁ ଜାମିନ୍‌ ମିଳିଛି।

ପାଟନା ପୁଲିସ ସୋମବାର ସକାଳ ୪ଟା ସମୟରେ ଗାନ୍ଧୀ ମଇଦାନରୁ ପିକେଙ୍କୁ ଗିରଫ କରିବାର ୮ ଘଣ୍ଟା ପରେ ପିଭି ସିଭିଲ କୋର୍ଟରୁ ଜାମିନ ପାଇଛନ୍ତି ସେ। ଏଭଳି ପରିସ୍ଥିତିରେ ପ୍ରଶ୍ନ ଉଠୁଛି କି ପିକେ ପୁନର୍ବାର ଗାନ୍ଧୀ ମଇଦାନରେ ଧର୍ମଘଟରେ ବସିବେ କି?

ପ୍ରଶାନ୍ତ କିଶୋରଙ୍କୁ ଅନଶନରୁ ଗିରଫ କରିବା ପରେ ପାଟନା ପୁଲିସ ଗାନ୍ଧୀ ମଇଦାନକୁ ଅବରୋଧ କରିଛି। ପାଟନା ଡିଏମ ଚନ୍ଦ୍ରଶେଖର କହିଛନ୍ତି ଯେ ଗାନ୍ଧୀ ମଇଦାନରେ ବିରୋଧ ପ୍ରଦର୍ଶନ କରାଯାଇପାରିବ ନାହିଁ। 

ଚନ୍ଦ୍ରଶେଖର କହିଛନ୍ତି ଯେ ଗରଦାନିବାଗରେ ବିରୋଧ ଏବଂ ପ୍ରଦର୍ଶନ ପାଇଁ ଅନୁମତି ଆବଶ୍ୟକ। ଯଦି ବେଆଇନ ବିରୋଧ ହୁଏ ତେବେ ପୁଲିସ କାର୍ଯ୍ୟାନୁଷ୍ଠାନ ଗ୍ରହଣ କରିବ।

ଏପର୍ଯ୍ୟନ୍ତ ମିଳିଥିବା ଖବର ଅନୁଯାୟୀ ପ୍ରଶାନ୍ତ କିଶୋର ତାଙ୍କର ଅନଶନ ଶେଷ କରି ନାହାଁନ୍ତି। ପିକେଙ୍କ ଡାକ୍ତରୀ ପରୀକ୍ଷା କରିବାକୁ ପୁଲିସକୁ ମଧ୍ୟ ବହୁ ସଂଘର୍ଷ କରିବାକୁ ପଡିଥିଲା।