ନୂଆଦିଲ୍ଲୀ : ସେନସର ବୋର୍ଡ (ସିବିଏଫସି)ର ଅଧ୍ୟକ୍ଷ ପ୍ରସୂନ ଜୋଶୀ ରାଜସ୍ତାନ ଜୟପୁରରେ ଅନୁଷ୍ଠିତ ହେଉଥିବା ସାହିତ୍ୟ ସମାରୋହ ଜି ଜୟପୁର ଲିଟରେଚର ଫେଷ୍ଟିଭାଲରୁ ଓହରି ଯାଇଛନ୍ତି । ଆସନ୍ତା ରବିବାରଦିନ ସେ ଏହି ସମାରୋହରେ ଯୋଗ ଦେବାର କାର୍ଯ୍ୟକ୍ରମ ଥିଲେ ମଧ୍ୟ କର୍ଣ୍ଣି ସେନାର ଧମକ ଯୋଗୁଁ ସେ ଏହାକୁ ବାତିଲ କରିଛନ୍ତି । ସେ “ମେ ଔର୍ ବୋ: କନଭରସେସନ୍ସ ଓ୍ଵିଥ୍ ମାଇସେଲଫ” ଶୀର୍ଷକ ଅଧିବେଶନରେ ଯୋଗ ଦେବାର କାର୍ଯ୍ୟକ୍ରମ ଥିଲା ।
Sambad is now on WhatsApp
Join and get latest news updates delivered to you via WhatsApp
ସଂଜୟ ଲୀଲା ଭନସାଲି ନିର୍ଦ୍ଦେଶିତ ଏହି ଫିଲ୍ମକୁ ସେନସର ବୋର୍ଡ ମଂଜୁରୀ ଦେଇଥିବାରୁ କର୍ଣ୍ଣି ସେନା ପ୍ରସୂନଙ୍କ ଉପରେ ରାଗିଯାଇଛି । ତାଙ୍କୁ ରାଜସ୍ଥାନରେ ପୁରାଇ ଦିଆଯିବ ନାହିଁ ବୋଲି ଧମକ ଦେଇଛି ।
ଏ ସଂପର୍କରେ ଘୋଷଣା କରି ଜୋଷୀ କହିଛନ୍ତି ଯେ ମୁଁ ଏଥର ଜୟପୁର ଲିଟରେଚର ଫେଷ୍ଟିଭାଲରେ ଯୋଗ ଦେଇପାରିବି ନାହିଁ । କାରଣ ମୁଁ ଚାହୁଁ ନାହିଁ ଯେ ମୋ ଯୋଗୁଁ ଆୟୋଜକ, ସାହିତ୍ୟିକ ଓ ସାହିତ୍ୟପ୍ରେମୀ ସମସ୍ୟାରେ ପଡ଼ନ୍ତୁ ଓ ସାହିତ୍ୟରେ ଫୋକସ ନକରି ବିବାଦ ଉପରେ ଧ୍ୟାନ ଦିଅନ୍ତୁ ।
ସେ କହିଛନ୍ତି ଯେ ଉକ୍ତ ଫିଲ୍ମକୁ ସବୁ ପ୍ରକ୍ରିୟା ପାଳନ କରି ହିଁ ପ୍ରମାଣପତ୍ର ଦିଆଯାଇଥିଲା । ଏହା କଲାବେଳେ ସମାଜ ପ୍ରତି ଏହାର ପ୍ରଭାବ, ଚଳଚ୍ଚିତ୍ର ଓ ସୃଜନଶୀଳତା ପ୍ରତି ନ୍ୟାୟ ଉପରେ ଦୃଷ୍ଟି ରଖାଯାଇଥିଲା । ମୁଁ ମୋ କର୍ତ୍ତବ୍ୟ ଠିକ୍ ଭାବେ ତୁଲାଇଥିଲି । ଆମେ ପରସ୍ପର ପ୍ରତି ଓ ଆମର ଅନୁଷ୍ଠାନ ଗୁଡିକ ପ୍ରତି ସମ୍ମାନ ଜଣାଇବା ଆବଶ୍ୟକ ବୋଲି ସେ କହିଛନ୍ତି ।