ମୁଣ୍ଡ ଉପରେ ଝୁଲି ପଡ଼ିଲା ଲୁହାର ଗ୍ରିଲ; ଅଳ୍ପକେ ବର୍ତ୍ତିଲେ ପ୍ରେମାନନ୍ଦ ମହାରାଜ

ଲକ୍ଷ୍ମୌ: ଉତ୍ତରପ୍ରଦେଶର ମଥୁରାସ୍ଥିତ ବୃନ୍ଦାବନରେ ସନ୍ଥ ପ୍ରେମାନନ୍ଦ ମହାରାଜ ଏକ ଦୁର୍ଘଟଣାରୁ ଅଳ୍ପକେ ବର୍ତ୍ତି ଯାଇଛନ୍ତି।

ସୂଚନାଯୋଗ୍ୟ, ଗତ ବୁଧବାର ସକାଳେ ପ୍ରତିଦିନ ଭଳି ପ୍ରେମାନନ୍ଦ ମହାରାଜ ନିଜର ପଦଯାତ୍ରା ପାଇଁ ନିଶ୍ଚିତ ହୋଇଥିବା ରାସ୍ତା ଦେଇ ଆଶ୍ରମକୁ ଯାଇଥିଲେ। ଆଶ୍ରମରୁ ପୁଣି ଚାଲିଚାଲି ନିଜ ନିବାସକୁ ଫେରୁଥିବା ସମୟରେ ଭକ୍ତଙ୍କ ଭିଡ଼ ଲାଗିଥିଲା। 

Premanand Maharaj narrowly escaped a major accident in Vrindavan. Devotees caught hold of the iron truss before it fell.
The video of the incident is going viral on social media.#PremanandMaharaj #Vrindavan #Viral #ITReel pic.twitter.com/2HbQgCoXQd

— IndiaToday (@IndiaToday) May 8, 2025

ବୃନ୍ଦାବନର ପରିକ୍ରମା ମାର୍ଗରେ ହରିବଂଶ ମହାପ୍ରଭୁ ହିତୋତ୍ସବ କାର୍ଯ୍ୟକ୍ରମ ପାଇଁ ପ୍ରସ୍ତୁତି ଚାଲିଥିଲା। ଏହି ସମୟରେ ଲୁହାର ଗ୍ରିଲ ଲଗାଯାଇଥିଲା। ଏହି ଗ୍ରିଲ ତଳ ଦେଇ ମହାରାଜ ଯାଉଥିବା ସମୟରେ ତାହା ଖସି ପଡ଼ିଥିଲା। 
ସୌଭାଗ୍ୟବଶତଃ ମହାରାଜଙ୍କ ସହିତ ପଦଯାତ୍ରାରେ ସାମିଲ ହୋଇଥିବା ଲୋକେ ଏହି ଲୁହ ଗ୍ରିଲକୁ ଆୟତ୍ତ କରି ନେଇଥିଲେ।

ଏହାପରେ ଲେ‌ାକେ ସୁରକ୍ଷିତ ଭାବେ ମହାରାଜଙ୍କୁ ଆଗକୁ ବଢ଼ାଇ ନେଇଥିଲେ। ମୁଣ୍ଡ ଉପରେ ଲୁହାର ଗ୍ରିଲ ଝୁଲୁଥିବା ଦେଖି ମହାରାଜ ଭୟଭୀତ ହୋଇ କିଛି ସମୟ ପାଇଁ ଘଟଣାସ୍ଥଳରେ ଅଟକି ଯାଇଥିଲେ।