ଧନୀମାନେ ସ୍ୱେଚ୍ଛାରେ ସରକାରୀ ସୁବିଧାସୁଯୋଗ ତ୍ୟାଗ କରନ୍ତୁ : ରାଷ୍ଟ୍ରପତି
ନୂଆଦିଲ୍ଲୀ: ଦେଶର ଧନୀ ଲୋକମାନେ ସ୍ୱେଚ୍ଛାକୃତଭାବେ ବିଭିନ୍ନ ସରକାରୀ ସୁବିଧା ସୁଯୋଗ ପ୍ରତ୍ୟାହାର କରି ଏକ ଆଦର୍ଶ ଉଦାହରଣ ରଖନ୍ତୁ । ଯଦ୍ୱାରା ଆମ ଦେଶର ଗରିବ ଲୋକମାନଙ୍କୁ ତାହା ମିଳିପାରିବ ବୋଲି ଆହ୍ଵାନ ଜଣାଇଛନ୍ତି ରାଷ୍ଟ୍ରପତି ରାମନାଥ କୋବିନ୍ଦ ।
Sambad is now on WhatsApp
Join and get latest news updates delivered to you via WhatsApp
୬୯ତମ ଗଣତନ୍ତ୍ର ଦିବସର ପୂର୍ବ ସଂଧ୍ୟାରେ ଜାତି ଉଦ୍ଦେଶ୍ୟରେ ନିଜର ସଂଦେଶ ଦେଇ ସେ କହିଛନ୍ତି ଯେ ଭାରତର ସଭ୍ୟତା ଦାନ ଉପରେ ପର୍ଯ୍ୟବେଶିତ । ଏଣୁ ଭାରତର ଧନୀ ଲୋକମାନେ କେବଳ ଏଲପିଜି ସବସିଡି ନୁହେଁ ସ୍ୱେଚ୍ଛାରେ ଅନ୍ୟ ପ୍ରକାରର ସରକାରୀ ସୁବିଧାକୁ ତ୍ୟାଗ କରିପାରିବେ ଯେପରିକି ଏକ ଗରିବ ଲୋକ ତାହାର ସୁଯୋଗ ନେଇପାରିବ । ଏଥିପାଇଁ ସେ କୌଣସି ଚାପରେ ନୁହେଁ ନିଃସ୍ୱାର୍ଥପର ଭାବେ ନିଜ ହୃଦୟର ଡାକରେ ନିଷ୍ପତ୍ତି ନେବା ଆବଶ୍ୟକ ବୋଲି ସେ କହିଛନ୍ତି ।
ସେ କହିଛନ୍ତି ଯେ ଭୋକକୁ ଜିତିବାରେ ଆମେ ଅନେକ ମାତ୍ରାରେ ସଫଳ ହୋଇଛୁ, କିନ୍ତୁ ଆମ ଆଗରେ ଆହୁରି ବଡ଼ ଆହ୍ଵାନ ରହିଛି । ଆମକୁ ପୁଷ୍ଟିହୀନତାକୁ ଜିତିବାକୁ ହେବ । ସେହିପରି ଯୁବ ସମାଜ ଆମ ଭବିଷ୍ୟତର ଆଶା, ସେମାନେ ହିଁ ଦେଶକୁ ଗଢିବେ ।