ସଂସଦରେ ରାଷ୍ଟ୍ରପତିଙ୍କ ଅଭିଭାଷଣରେ ଭାରତର ‘ସଙ୍କଳ୍ପ ଶକ୍ତି’ ପ୍ରତିଫଳିତ ହୋଇଛି; ପ୍ରଧାନମନ୍ତ୍ରୀ ମୋଦୀ

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବୁଧବାର ସଂସଦରେ ରାଷ୍ଟ୍ରପତିଙ୍କ ଅଭିଭାଷଣ ଉପରେ ଆଗତ ଧନ୍ୟବାଦ ପ୍ରସ୍ତାବରେ ବହୁ ମହିଳା ସାଂସଦ ଅଂଶଗ୍ରହଣ କରି ଆଲୋଚନାରେ ଅଂଶଗ୍ରହଣ ଘଟଣାକୁ ପ୍ରଶଂସା କରିଛନ୍ତି। ଲୋକସଭାରେ ରାଷ୍ଟ୍ରପତିଙ୍କ ଅଭିଭାଷଣ ଉପରେ ଧନ୍ୟବାଦ ଅର୍ପଣ ଉପରେ ଆଲୋଚନା ବେଳେ ମହିଳା ସାଂସଦମାନେ ସେମାନଙ୍କ ଚିନ୍ତାଧାରର ପରିପ୍ରକାଶ କରିବା ସହ ସେମାନଙ୍କର ଚିନ୍ତାଧାରା ସହିତ ପ୍ରକ୍ରିୟାକୁ ସମୃଦ୍ଧ କରିଛନ୍ତି।

ଆଲୋଚନାର ଉତ୍ତରରେ ପ୍ରଧାନମନ୍ତ୍ରୀ କହିଛନ୍ତି ଯେ ରାଷ୍ଟ୍ରପତି ରାମନାଥ କୋବିନ୍ଦଙ୍କ ସଂସଦରେ ଅଭିଭାଷଣ ଭାରତର ‘ସଙ୍କଳ୍ପ ଶକ୍ତି’କୁ ପ୍ରଦର୍ଶିତ କରିବା ସହ ଭାରତୀୟଙ୍କ ମଧ୍ୟରେ ଆତ୍ମବିଶ୍ୱାସକୁ ମଧ୍ୟ ବଢ଼ାଇଛି। ରାଷ୍ଟ୍ରପତିଙ୍କ ଭାଷଣ ଉପରେ ଆଲୋଚନା ବେଳେ ବହୁ ସଂଖ୍ୟାରେ ମହିଳା ସାଂସଦମାନେ ଅଂଶଗ୍ରହଣ କରିଥିଲେ। ଏହା ଏହାର ଏକ ବଡ଼ ସଙ୍କେତ ଅଟେ। ଏଥିପାଇଁ ମୁଁ ମହିଳା ସାଂସଦମାନଙ୍କୁ ଅଭିନନ୍ଦନ ଜଣାଇବାକୁ ଚାହୁଁଛି, ଯେଉଁମାନେ ସେମାନଙ୍କ ଚିନ୍ତାଧାରା ସହିତ ଗୃହ ପ୍ରକ୍ରିୟାକୁ ସମୃଦ୍ଧ କରିଛନ୍ତି; ବୋଲି କହିଛନ୍ତି ପ୍ରଧାନମନ୍ତ୍ରୀ ମୋଦୀ।

ପ୍ରଧାନମନ୍ତ୍ରୀ କହିଛନ୍ତି ଯେ ସ୍ୱାଧୀନତାର ୧୦୦ ବର୍ଷ ପାଳନ ବେଳକୁ ଦେଶକୁ କେଉଁ ସ୍ତରକୁ ନେବେ ସେନେଇ ଏବେ ଠାରୁ ଏକ ନୂତନ ସଂକଳ୍ପ ନେବାର ଆବଶ୍ୟକତା ରହିଛି। କାରଣ ଆମେ ଏବେ ସ୍ୱାଧୀନତାର ୭୫ ବର୍ଷର ଦ୍ୱାରରେ କରାଘାତ କରୁଛୁ ଏବଂ ଏହା ପ୍ରତ୍ୟେକ ଭାରତୀୟ ପାଇଁ ଏକ ଗର୍ବର ବିଷୟ।

ପ୍ରଧାନମନ୍ତ୍ରୀ ମୋଦୀ କହଥିଲେ ଯେ ଯେତେବେଳେ ଦେଶ ସ୍ୱାଧୀନ ହେଲା, ଶେଷ ବ୍ରିଟିଶ କମାଣ୍ଡର କହୁଥିଲେ ଯେ ଭାରତ ହେଉଛି ଅନେକ ଦେଶର ମାଳଦ୍ୱୀପ ଏବଂ ଏହାକୁ କେହି ରାଷ୍ଟ୍ର କରିବାରେ ସମର୍ଥ ହେବେ ନାହିଁ। କିନ୍ତୁ ଆମେ ସେମାନଙ୍କୁ ଭୁଲ ପ୍ରମାଣିତ କରିଛୁ। ଭାରତୀୟମାନେ ସେମାନଙ୍କୁ ଭୁଲ ପ୍ରମାଣିତ କଲେ। ଆଜି ଆମେ ଆଶାର କିରଣ ଭାବରେ ଛିଡା ହୋଇଛୁ।

କୋଭିଡ୍‌ ପରବର୍ତ୍ତୀ ଦୁନିଆ ବହୁତ ଭିନ୍ନ ହେବାକୁ ଯାଉଛି। ଏହିପରି ସମୟରେ ଆମକୁ ବିଶ୍ୱ ସମ୍ମୁଖରେ ଜଣେ ଶକ୍ତିଶାଳୀ ଖେଳାଳି ଭାବରେ ଉଭା ହେବାକୁ ପଡିବ ଏବଂ ଭାରତକୁ ‘ଆତ୍ମନିର୍ଭର’ କରିବାକୁ ପଡ଼ିବ ବୋଲି କହିଛନ୍ତି ପ୍ରଧାନମନ୍ତ୍ରୀ ମୋଦୀ।