ନୂଆଦିଲ୍ଲୀ: ଅଯୋଧ୍ୟାରେ ରାମ ଜନ୍ମଭୂମି ମନ୍ଦିରର ଭୂମିପୂଜନ କାର୍ଯ୍ୟକ୍ରମ ଆଗକୁ ହେବାକୁ ଥିବା ବେଳେ ଏବେ ଅଯୋଧ୍ୟାରେ କରୋନା ସଙ୍କଟ ଦେଖାଦେଇଛି। ରାମ ଜନ୍ମଭୂମିର ପୁରୋହିତ ପ୍ରଦୀପ ଦାସଙ୍କ ସ୍ବାବ ନମୁନା ରିପୋର୍ଟ ପଜିଟିଭ ଆସିଥିବା ଜଣାପଡିଛି। ସେ ମୁଖ୍ୟ ପୁରୋହିତ ଆଚାର୍ଯ୍ୟ ସତ୍ୟେନ୍ଦ୍ର ଦାସଙ୍କର ଜଣେ ଶିଷ୍ୟ। ଏହା ସହିତ ରାମ ଜନ୍ମଭୂମିର ସୁରକ୍ଷା ସହିତ ନିୟୋଜିତ ୧୬ଜଣ ପୁଲିସ କର୍ମଚାରୀ ମଧ୍ୟ କରୋନା ସଂକ୍ରମିତ ହୋଇଥିବା ଖବର ମିଳିଛି। ଆଜି ଏହି ଖବର ସମସ୍ତ ଜାତୀୟ ଗଣମାଧ୍ୟମରେ ପ୍ରକାଶ ପାଇଛି।

Advertisment

ରାମ ଜନ୍ମଭୂମିରେ, ମୁଖ୍ୟ ପୁରୋହିତ ଆଚାର୍ଯ୍ୟ ସତ୍ୟେନ୍ଦ୍ର ଦାସଙ୍କ ସହିତ ଚାରିଜଣ ପୁରୋହିତ ରାମ ଲାଲାଙ୍କର ସେବା କରନ୍ତି। ଏହି ଚାରିଜଣ ପୁରୋହିତଙ୍କ ମଧ୍ୟରୁ ଜଣେ ପୁରୋହିତ ପ୍ରଦୀପ ଦାସଙ୍କ କରୋନା ରିପୋର୍ଟ ପଜିଟିଭ ଆସିଛି। ରିପୋର୍ଟ ପଜିଟିଭ ଆସିବା ପରେ ସେ ଘରେ ସଙ୍ଗରୋଧରେ ରହିଛନ୍ତି।  ଏହା ସହିତ ୧୬ଜଣ ପୁଲିସ କର୍ମଚାରୀ ମଧ୍ୟ କରୋନା ସଂକ୍ରମିତ ହୋଇଛନ୍ତି, ଯେଉଁମାନଙ୍କୁ ସଙ୍ଗରୋଧରେ ରଖାଯାଇଛି।

Priest, 16 Cops Involved In Ayodhya Ram Temple Event Test Covid + ... NYOOOZ

ସୂଚନା ମୁତାବକ, ରାମ ଜନ୍ମଭୂମି ମନ୍ଦିରର ଭୂମି ପୂଜନ କାର୍ଯ୍ୟକ୍ରମ ଅଗଷ୍ଟ ୫ରେ ଅନୁଷ୍ଠିତ ହେବାକୁ ଯାଉଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସମେତ ୨୦୦ ଅତିଥି ଏହି କାର୍ଯ୍ୟକ୍ରମରେ ଯୋଗ ଦେବାକୁ ଯାଉଛନ୍ତି। କରୋନା କାରଣରୁ ଭୂମି ପୂଜନ କାର୍ଯ୍ୟକ୍ରମ ପାଇଁ ଅଧିକ ଲୋକଙ୍କୁ ନିମନ୍ତ୍ରଣ କରାଯାଉନାହିଁ | ଭୂମି ପୂଜନ କାର୍ଯ୍ୟକ୍ରମକୁ କେବଳ କିଛି ମନୋନୀତ ବ୍ୟକ୍ତିଙ୍କୁ ନିମନ୍ତ୍ରଣ କରାଯାଇଛି |