ଚୁରୁ (ରାଜସ୍ଥାନ): ପୁଲଓ୍ଵାମାରେ ହୋଇଥିବା ଆତଙ୍କବାଦୀ ଆକ୍ରମଣକୁ ଆମେ ଭୁଲି ନାହୁଁ। ସେ ଘଟଣାକୁ ଆମେ କ୍ଷମା ମଧ୍ୟ ପାରିବୁ ନାହିଁ। ଆଜି ଆମେ ଶତ୍ରୁ ଘରେ ପଶି ଏହାର ପ୍ରତିଶୋଧ ନେଇଛୁ। ଭାରତୀୟ ବାୟୁସେନାର ସର୍ଜିକାଲ୍ ଷ୍ଟ୍ରାଇକ ପ୍ରସଙ୍ଗରେ ଉପରୋକ୍ତ ମତ ରଖିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି।
Sambad is now on WhatsApp
Join and get latest news updates delivered to you via WhatsApp
ରାଜସ୍ଥାନର ଚୁରୁଠାରେ ଆୟୋଜିତ ଏକ ଜନସଭାକୁ ସମ୍ବୋଧନ କରି ପ୍ରଧାନମନ୍ତ୍ରୀ ମୋଦି କହିଛନ୍ତି, ବାୟୁସେନା ପାକ୍ ଅଧିକୃତ କାଶ୍ମୀରରେ ପଶି ଆତଙ୍କବାଦୀଙ୍କ ଆଡ୍ଡାକୁ ଧ୍ୱଂସ କରିବା ପରେ ସମଗ୍ର ଦେଶ ଉତ୍ସବ ମନାଉଛି। ଦେଶରେ ଦେଖାଦେଇଛି ଆନନ୍ଦର ମାହୋଲ୍। ଏଥିସହ ପ୍ରଧାନମନ୍ତ୍ରୀ କହିଥିଲେ କି ଏହି ମାଟିକୁ ଛୁଇଁ ମୁଁ ଶପଥ କରୁଛି, କେବେ ବି ଦେଶକୁ ହାରିବାକୁ ଦେବିନାହିଁ।
PM Narendra Modi in Churu, Rajasthan: Today I repeat what I said back in 2014 – Saugandh mujhe is mitti ki main desh nahi mitne doonga, main desh nahi rukne doonga. Main desh nahi jhukne doonga….Mera vachan hai Bharat maa ko, tera sheesh nahi jhukne doonga… pic.twitter.com/lChHOJm94Z
— ANI (@ANI) February 26, 2019
ଏଥିସହ ସେ ଉପସ୍ଥିତ ଲୋକଙ୍କୁ କହିଥିଲେ କି ଦେଶବାସୀଙ୍କୁ ମୁଁ ବିଶ୍ୱାସ ଦେଉଛି, ସେମାନେ ଏକଥା ସ୍ପଷ୍ଟ ଜାଣି ରଖନ୍ତୁ କି ଦେଶ ବର୍ତ୍ତମାନ ସୁରକ୍ଷିତ ହାତରେ ରହିଛି। ମୁଁ କେବେ ବି ଭାରତ ମାତାର ମଥା ନୋଇଁବାକୁ ଦେବି ନାହିଁ। ଦେଶଠାରୁ ବଡ଼ ଆଉ କିଛି ବି ନୁହେଁ। ଦେଶକୁ ମୁଁ କେବେ ରୋକିବାକୁ ଦେବି ନାହିଁ କି କେଉଁଠି ବି ନୋଇଁବାକୁ ଦେବି ନାହିଁ। ଦେଶର ପରାକ୍ରମୀ ବୀରଙ୍କୁ ମଥା ନୁଆଁଇ ପ୍ରଣାମ ଜଣାଇବାକୁ ସେ ସମସ୍ତଙ୍କୁ ଆହ୍ଵାନ କରିଥିଲେ।