ଭାରତ ଫେରୁଛନ୍ତି ପ୍ରିୟଙ୍କା ଚୋପ୍ରା
ମୁମ୍ବାଇ: ଦୀର୍ଘ ତିନି ବର୍ଷ ପରେ ଭାରତକୁ ଆସୁଛନ୍ତି ଅଭିନେତ୍ରୀ ପ୍ରିୟଙ୍କା ଚୋପ୍ରା ଜୋନାସ। ସୋସିଆଲ ମିଡିଆରେ ନିଜର ଉତ୍ସାହ ବାଣ୍ଟି ପ୍ରିୟଙ୍କା ତାଙ୍କ ବୋର୍ଡିଂ ପାସ୍ର ଏକ ଫଟୋ ପୋଷ୍ଟ କରି ଲେଖିଛନ୍ତି, ଦୀର୍ଘ ଦିନ ବିଦେଶରେ ରହିବା ପରେ ଘରକୁ ଫେରିବାର ଆନନ୍ଦ ସହ କିଛି ତୁଳନା କରାଯାଇ ନପାରେ। ସେ କ୍ୟାପସନରେ ଏକ ଲାଲ୍ ହୃଦୟ ଇମୋଜି ମଧ୍ୟ ଯୋଡ଼ିଥିଲେ। ନିକ୍ ଜୋନାସଙ୍କୁ ବିବାହ କରିବା ପରେ ପ୍ରିୟଙ୍କା ଆମେରିକାରେ ରହୁଛନ୍ତି।
Sambad is now on WhatsApp
Join and get latest news updates delivered to you via WhatsApp
ତାଙ୍କ ହାତରେ ଅନେକ ହଲିଉଡ ପ୍ରୋଜେକ୍ଟ ମଧ୍ୟ ରହିଥିଲା, ଯାହା ତାଙ୍କୁ ଲଣ୍ଡନରେ ମାସ ମାସ ଅଟକାଇ ରଖିଥିଲା। ସରୋଗେସି ମାଧ୍ୟମରେ ତାଙ୍କ ଝିଅ ମାଳତୀକୁ ସ୍ୱାଗତ କରିବା ଏବଂ ତାଙ୍କର ବୃତ୍ତିଗତ କର୍ତ୍ତବ୍ୟ ପାଳନ କରିବା ମଧ୍ୟରେ ଅଭିନେତ୍ରୀଙ୍କ ଭାରତ ଫେରିବାକୁ ସମୟ ନଥିଲା। ମୁମ୍ବାଇକୁ ବିମାନ ଉଡ଼ାଣ ବୁକ୍ କରିବାକୁ ତାଙ୍କୁ ତିନି ବର୍ଷ ଅପେକ୍ଷା କରିବାକୁ ପଡ଼ିଲା। ମେ’ ମାସରେ ଜଣାପଡ଼ିଥିଲା ଯେ ପ୍ରିୟଙ୍କା ସେପ୍ଟେମ୍ବରରେ ‘ଜୀ ଲେ ଜାରା’ ସୁଟିଂ ପାଇଁ ଭାରତ ଫେରିବେ। ତେବେ ଆଲିଆ ଭଟ୍ଟଙ୍କ ଗର୍ଭଧାରଣ ଫିଲ୍ମର ସୁଟିଂ କାର୍ଯ୍ୟସୂଚୀରେ ବିଳମ୍ବ ଘଟାଇଥିଲା।