ନୂଆଦିଲ୍ଲୀ: କଂଗ୍ରେସର ମହାସଚିବ ପ୍ରିୟଙ୍କା ଗାନ୍ଧୀଙ୍କ ସ୍ୱାମୀ ରବର୍ଟ ଭଦ୍ରା କରୋନା ସଂକ୍ରମିତ ହୋଇଛନ୍ତି। ରବର୍ଟ ଭଦ୍ରା କରୋନା ପଜିଟିଭ୍ ପରେ ପ୍ରିୟଙ୍କା ଗାନ୍ଧୀ ହୋମ ଆଇସୋଲେସନରେ ଅଛନ୍ତି | ପ୍ରିୟଙ୍କା ମଧ୍ୟ ତାଙ୍କ କରୋନା ପରୀକ୍ଷା କରିଥିବାବେଳେ ରିପୋର୍ଟ ନେଗେଟିଭ ଆସିଛି | ତେବେ ବର୍ତ୍ତମାନ ଆସାମ, ପଶ୍ଚିମବଙ୍ଗ, ତାମିଲନାଡୁ, କେରଳ ଏବଂ ପୁଡୁଚେରୀରେ ବିଧାନସଭା ନିର୍ବାଚନ ଚାଲିଛି। କିଛି ଦିନ ତଳେ ପ୍ରିୟଙ୍କା ଗାନ୍ଧୀ ଏହି ରାଜ୍ୟ ଗସ୍ତରେ ଯାଇଥିଲେ ।
Sambad is now on WhatsApp
Join and get latest news updates delivered to you via WhatsApp
ଶୁକ୍ରବାର ଦିନ ମଧ୍ୟ ସେ ନିର୍ବାଚନ ପ୍ରଚାର ପାଇଁ ଯିବାର ଥିଲା। ତେବେ ଏବେ ହୋମ ଆଇସୋଲେସନରେ ଥିବାରୁ ସେ ନିର୍ବାଚନ ପ୍ରଚାର ପାଇଁ ଯିବେ ନାହିଁ | ଏକ ଭିଡିଓ ରିଲିଜ୍ କରି ସେ ଲୋକମାନଙ୍କ ନିକଟରେ କ୍ଷମା ମଧ୍ୟ ମାଗିଛନ୍ତି। ପ୍ରିୟଙ୍କା ଟ୍ୱିଟ୍ କରି ଲେଖିଛନ୍ତି- ‘କରୋନା ଯୋଗୁଁ ମୋତେ ଆସାମ ଯାତ୍ରା ବାତିଲ କରିବାକୁ ପଡିବ। ମୋର ରିପୋର୍ଟ ନେଗେଟିଭ ଆସିଛି କିନ୍ତୁ ଡାକ୍ତରଙ୍କ ପରାମର୍ଶରେ ମୁଁ ଆଗାମୀ କିଛି ଦିନ ପାଇଁ ଅଲଗା ରହିବି | ଏହି ଅସୁବିଧା ପାଇଁ ମୁଁ ଆପଣଙ୍କୁ କ୍ଷମା ମାଗୁଛି’ |
ସୂଚନା ଥାଉ କି ଗତ ବର୍ଷ ସେପ୍ଟେମ୍ବରରେ ପ୍ରିୟଙ୍କା ଗାନ୍ଧୀ ହୋମ କ୍ଵାରେଣ୍ଟିନରେ ଥିଲେ | ସେତେବେଳେ ତାଙ୍କ ରୋଷେୟା କରୋନା ପଜିଟିଭ ଭାବେ ଚିହ୍ନଟ ହୋଇଥିବାରୁ ସେ ୧୪ ଦିନ ପାଇଁ କ୍ଵାରେଣ୍ଟିନ ଥିଲେ |