ଗାମ୍ବିଆରେ ୬୬ ପିଲାଙ୍କ ମୃତ୍ୟୁ ପଛରେ ଭାରତୀୟ କଫ୍ ସିରପ୍ !
‘ଡବ୍ଲୁଏଚ୍ଓ’ ର ତଦନ୍ତ ଦିର୍ଦ୍ଦେଶ
ନୂଆଦିଲ୍ଲୀ: ବିଶ୍ବ ସ୍ବାସ୍ଥ୍ୟ ସଗଂଠନ ‘ଡବ୍ଲୁଏଚ୍ଓ’ ଭାରତର ହରିଆନାଭିତ୍ତିକ ଫାର୍ମା କମ୍ପାନୀ ମେଡେନ ଫାର୍ମାସ୍ୟୁଟିକାଲ୍ସ ଦ୍ବାରା ପ୍ରସ୍ତୁତ ୪ କଫ୍ ସିରପ୍ ଉପରେ ବୁଧବାର ସତର୍କ ସୂଚନା ଜାରି କରିଛି । ଏହି କଫ୍ ସିରପ୍ ନେଇ ଗାମ୍ବିଆରେ ୬୬ ପିଲାଙ୍କ ମୃତ୍ୟୁ ହୋଇଥିବା ଅନୁମାନ କରାଯାଉଥିବାରୁ ଏହାର ଯାଞ୍ଚ ଜରୁରୀ ବୋଲି ଡବ୍ଲୁଏଚଓ କହିଛି। ତେବେ ଡବ୍ଲୁଏଚଓର ଏଭଳି ସତର୍କତା ପରେ ସେଣ୍ଟ୍ରାଲ ଡ୍ରଗ୍ସ ଷ୍ଟାଣ୍ଡାର୍ଡ କଣ୍ଟ୍ରୋଲ ଅର୍ଗାନାଇଜେସନ ପକ୍ଷରୁ ତଦନ୍ତ ଆରମ୍ଭ ହୋଇଛି।
Sambad is now on WhatsApp
Join and get latest news updates delivered to you via WhatsApp
ବିଶ୍ବ ସ୍ବାସ୍ଥ୍ୟ ସଗଂଠନ କହିଛି ଯେ, ଏହି କମ୍ପାନୀ ଦ୍ବାରା ଉକ୍ତ ଔଷଧ ଆଫ୍ରିକାର ଗାମ୍ବିଆକୁ ରପ୍ତାନୀ କରାଯାଇଛି। ତଦନ୍ତ ସରିବା ପର୍ଯ୍ୟନ୍ତ ଏହା ଉପରେ ରୋକ ଲଗାଯିବା ଆବଶ୍ୟକତା ରହିଛି। ଯଦି ଏହା ବିଶ୍ବର ଅନ୍ୟ ଦେଶକୁ ରପ୍ତାନୀ ହୁଏ ତେବେ ସ୍ଥିତି ସାଂଘାତିକ ହୋଇପାରେ।
“The four medicines are cough and cold syrups produced by Maiden Pharmaceuticals Limited, in India. WHO is conducting further investigation with the company and regulatory authorities in India”-@DrTedros https://t.co/PceTWc836t
— World Health Organization (WHO) (@WHO) October 5, 2022
ସମ୍ବାଦିକଙ୍କ ପ୍ରଶ୍ନର ଉତ୍ତର ରଖିବାକୁ ଯାଇ ‘ଡବ୍ଲୁଏଚ୍ଓ’ ମୁଖ୍ୟ ଟେଡ୍ରୋସ୍ ଆଧୋନୋମ୍ କହିଛନ୍ତି ଯେ, ଏହି ଚାରୋଟି କଫ୍ ସିରପ୍ ହେଉଛି, ପ୍ରୋମେଥାଜାଇନ୍ ଓରାଲ୍ ସଲ୍ୟୁସନ୍, କୋଫେକ୍ସମାଲିନ୍ ବେବି କଫ୍ ସିରପ୍, ମାକଫ୍ ବେବି କଫ୍ ସିରପ୍ ଏବଂ ମାଗ୍ରିପ୍ ଏନ କୋଲ୍ଡ ସିରପ୍ | ଏହି ଚାରୋଟି କଫ୍ ସିରପ୍ର କିଡନ୍କୁ ଖରାପ କରିବା ସାମର୍ଥ୍ୟ ରହିଛି।
ତେବେ ପ୍ରାଥମିକ ତଦନ୍ତରୁ ଜଣାପଡିଛି ଯେ, ଏହି ଔଷଧ ତିଆରି କରିବା ପାଇଁ ଉକ୍ତ କମ୍ପାନୀ ଷ୍ଟେଟ ଡ୍ରଗ୍ସ କଣ୍ଟ୍ରୋଲରଙ୍କଠାରୁ ଅନୁମତି ପାଇଛି। ଏହି ଔଷଧ କେବଳ ଗାମ୍ବିଆକୁ ରପ୍ତାନୀ କରାଯାଇଛି। କିନ୍ତୁ ସେଠାକାର ପ୍ରଶାସନ ଏହି ଔଷଧ ଯାଞ୍ଚ କରି ବ୍ୟବହାର କରିବା ଉଚିତ ଥିଲା। ଏହା କରାଯାଇନଥିବାରୁ ଏଭଳି ସ୍ଥିତି ଉପୁଜିଥିବା ଅନୁମାନ କରାଯାଉଛି।