ଟେଷ୍ଟ ଡ୍ରାଇଭିଙ୍ଗ ହେଲା କାଳ : ଗାଡି କିଣିବାକୁ ଯାଇଥିଲେ ସତ ହେଲେ ନିଜ ଭୁଲ ଯୋଗୁଁ ଦେଇକି ଆସିଲେ ଦେଢ଼ ଲକ୍ଷ ଟଙ୍କା
ଲକ୍ଷ୍ନୌ : ଗାଡି କିଣିବାକୁ କାର ସୋରୁମକୁ ଯାଇଥିଲେ ସତ ହେଲେ ନିଜର ଏକ ଭୁଲ ଯୋଗୁଁ ଗାଡି କିଣିବେ କ’ଣ, ଓଲଟି ଦେଢ଼ ଲକ୍ଷ ଟଙ୍କା ସୋରୁମ କର୍ମଚାରୀଙ୍କୁ ଦେଇକି ଆସିଲେ | ଆଜି ଆମେ ଆପଣଙ୍କୁ କହିବାକୁ ଯାଉଛୁ ଯେ ଯଦି ଆପଣ କୌଣସି କାର ସୋରୁମକୁ ଯାଇ କାରର ଟେଷ୍ଟ ଡ୍ରାଇଭ କରିବାକୁ ଯୋଜନା କରୁଛନ୍ତି ତେବେ ଦୁଇଥର ଭାବନ୍ତୁ | କାରଣ ଆପଣଙ୍କ ସାମାନ୍ୟ ଭୁଲ ପାଇଁ ଆପଣ ଅସୁବିଧାରେ ପଡିପାରନ୍ତି |
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ମୁତାବକ ଉତ୍ତରପ୍ରଦେଶରେ ଏକ ମାରୁତି ସୁଜୁକି ସୋରୁମକୁ ଜଣେ ବ୍ୟକ୍ତି ଏକ ଗ୍ରାଣ୍ଡ ଭିଟାରା ଗାଡି କିଣିବାକୁ ଯାଇଥିଲେ | ତେବେ ଏହି ବ୍ୟକ୍ତି ଜଣକ କାରର ଟେଷ୍ଟ ଡ୍ରାଇଭ କରିବାକୁ ଚାହିଁବାରୁ ସୋରୁମ ପକ୍ଷରୁ ତାଙ୍କୁ ଗାଡି ଦିଆଯାଇଥିଲା | ତେବେ ବ୍ୟକ୍ତି ଜଣକ ଏହି ନୂଆ କାରକୁ ନେଇ ଟେଷ୍ଟ ଡ୍ରାଇଭ କରୁଥିବାବେଳେ ଏହା ଦୁର୍ଘଟଣାର ଶିକାର ହୋଇଥିଲା | କାରର ସାମ୍ନାପଟ ଭାଙ୍ଗିଯାଇଥିଲା | ଆଉ ଏହାପରେ ସୋରୁମ ପକ୍ଷରୁ ଉକ୍ତ ବ୍ୟକ୍ତିଙ୍କ ପାଖରୁ ୧ ଲକ୍ଷ ୪୦ ହଜାର ଟଙ୍କାର ଜରିମାନା ଆଦାୟ କରାଯାଇଛି |
ସୋରୁମର କର୍ମଚାରୀଙ୍କ କହିବା ମୁତାବକ ରାସ୍ତାରେ କାରଟି ଟ୍ରକ ସହିତ ମୁହାଁମୁହିଁ ଧକ୍କା ହୋଇଥିଲା। କର୍ମଚାରୀମାନେ ଅଭିଯୋଗ କରିଛନ୍ତି ଯେ ବ୍ୟକ୍ତି ଜଣକ କାରକୁ ବେପରୁଆ ଭାବରେ ଚଳାଇଥିଲେ | ଯାହାଦ୍ୱାରା ଏହା ଦୁର୍ଘଟଣାର ଶିକାର ହୋଇଥିଲା | କାରର ସାମ୍ନାପଟ ଭାଙ୍ଗିରୁଜି ଯାଇଥିବାବେଳେ ଏବେ ତାଙ୍କଠାରୁ ୧ ଲକ୍ଷ ୪୦ ହଜାର ଟଙ୍କାର ଜରିମାନା ଆଦାୟ କରାଯାଇଛି |
ଉଲ୍ଲେଖ ଥାଉ କି ଅଧିକାଂଶ ଲୋକ କାର କିଣନ୍ତୁ କି ନାହିଁ, ଟେଷ୍ଟ ଡ୍ରାଇଭ ପାଇଁ ବିଭିନ୍ନ ସୋରୁମକୁ ଯାଇଥାନ୍ତି | ଆଉ ଟେଷ୍ଟ ଡ୍ରାଇଭ୍ ପୂର୍ବରୁ, ସୋରୁମ କର୍ମଚାରୀମାନେ ଆପଣଙ୍କୁ କିଛି କାଗଜପତ୍ରରେ ଦସ୍ତଖତ କରିବାକୁ କୁହନ୍ତି | ଅଧିକାଂଶ ବ୍ୟକ୍ତି ଏହାକୁ ପଢ଼ନ୍ତି ନାହିଁ ଓ ଦସ୍ତଖତ କରିଦିଅନ୍ତି | ଏଥିରେ ଲେଖାଯାଇଥାଏ ଯେ ଗାଡି ଚଳାଇବା ସମୟରେ ଯଦି କୌଣସି ଦୁର୍ଘଟଣା ଘଟେ, ତେବେ ଏହାର ମରାମତି ଖର୍ଚ୍ଚ ଆପଣଙ୍କୁ ବହନ କରିବାକୁ ପଡିବ |