ଶ୍ରୀକ୍ଷେତ୍ର ସହ ସମ୍ପର୍କ ଥିବା ଏହି ମନ୍ଦିରରେ କେତେ ଅଛି ସମ୍ପତ୍ତି ?
କାଠମାଣ୍ଡୁ: ମହାପ୍ରଭୁ ଜଗନ୍ନାଥଙ୍କର ନେପାଳ ସହ ରହିଛି ସ୍ୱତନ୍ତ୍ର ସମ୍ପର୍କ | କାଳିଆ ଠାକୁରଙ୍କର ସ୍ୱତନ୍ତ୍ର ନୀତିକାନ୍ତିରେ ବ୍ୟବହୃତ ହୁଏ କସ୍ତୁରୀ | କାହିଁ କେଉଁ କାଳରୁ ନେପାଳ ସରକାର ପୁରୀ ମନ୍ଦିରକୁ ଯୋଗାଇଆସୁଛନ୍ତି ଏହି ଦୁର୍ଲଭ କସ୍ତୁରୀ | ଠିକ ସେହିପରି ନେପାଳର ପ୍ରସିଦ୍ଧ ତଥା ଆରାଧ୍ୟ ଦେବତା ପଶୁପତିନାଥଙ୍କ ମନ୍ଦିରର ସମ୍ପତ୍ତିକୁ ନେଇ ଆସିଛି ତଥ୍ୟ | ପ୍ରଥମଥର ପାଇଁ ମନ୍ଦିର କମିଟି ଏହି ମନ୍ଦିରର ସମ୍ପତି ଆକଳନ ତଥ୍ୟକୁ ସର୍ବସାଧାରଣରେ ପ୍ରକାଶ କରିଛି |
Sambad is now on WhatsApp
Join and get latest news updates delivered to you via WhatsApp
ମନ୍ଦିର ପାଖରେ ୯.୨୭ କିଲୋଗ୍ରାମର ସ୍ୱର୍ଣ୍ଣ, ୩୧୬ କିଲୋଗ୍ରାମର ଚାନ୍ଦି ସହ ୧୨୦ କୋଟି ଟଙ୍କାର ନଗଦ ଅର୍ଥ ରହିଛି | ପଶୁପତିନାଥ ଡେଭଲପମେଣ୍ଟ ଟ୍ରଷ୍ଟ ପକ୍ଷରୁ ପ୍ରକାଶିତ ଏହି ତଥ୍ୟରେ ୧୯୬୨ ରୁ ୨୦୧୮ ମସିହା ମଧ୍ୟରେ ଥିବା ଏହି ସମ୍ପତ୍ତି ଦର୍ଶାଯାଇଛି | ମନ୍ଦିର କମିଟିର କାର୍ଯ୍ୟକାରୀ ନିର୍ଦ୍ଦେଶକ ରମେଶ ଓପ୍ରୀତି କହିଛନ୍ତି ଯେ ପ୍ରଥମଥର ପାଇଁ ସମ୍ପତି ତାଲିକାକୁ ସାର୍ବଜନୀନ କରାଯାଇଛି |
ମନ୍ଦିର ପାଖରେ ଏହି ସମ୍ପତ୍ତିକୁ ଛାଡି ୧୮୬ ହେକ୍ଟର ଜମି ମଧ୍ୟ ରହିଛି | ଏଠାରେ ସୂଚନା ଥାଉ କି ଏହି ମନ୍ଦିର ଭଗବାନ ଶିବଙ୍କୁ ସମର୍ପିତ ହୋଇଥିବାବେଳେ ୫ମ ଶତାବ୍ଦୀରେ ନିର୍ମାଣ ହୋଇଥିଲା |