ନୂଆଦିଲ୍ଲୀ : ଭାରତୀୟ ବନ୍ଦର ବିଲ୍‌- ୨୦୨୧ର ଚିଠା ପ୍ରସ୍ତାବ ବର୍ତ୍ତମାନ ବିଚାରବିମର୍ଶ ପର୍ଯ୍ୟାୟରେ ରହିଛି। ଏହି ବିଲ୍‌ର ଉଦ୍ଦେଶ୍ୟ ହେଉଛି କେନ୍ଦ୍ର ଓ ଉପକୂଳବର୍ତ୍ତୀ ରାଜ୍ୟମାନଙ୍କ ମଧ୍ୟରେ ବନ୍ଦରଗୁଡ଼ିକର ସମନ୍ବିତ ଓ ସହଯୋଗପୂର୍ଣ୍ଣ ବିକାଶ ପାଇଁ ପ୍ରୟାସ କରିବା। ବିଲ୍‌ର ଚିଠା ପ୍ରସ୍ତାବରେ ‘ମେରିଟାଇମ୍‌ ଷ୍ଟେଟସ୍‌ ଡେଭଲପ୍‌ମେଣ୍ଟ୍‌ କାଉନସିଲ୍‌’ (ଏମ୍‌ଏସ୍‌ଡିସି)କୁ ଷ୍ଟାଚ୍ୟୁଟାରି କ୍ଷମତା ସହ ଗୋଟିଏ ନୋଡାଲ୍‌ ଏଜେନ୍ସି ରୂପେ ଦେଶର ବୃହତ୍‌ ଓ ଅଣବୃହତ୍‌ ବନ୍ଦରଗୁଡ଼ିକର ବିକାଶ ପାଇଁ ସମନ୍ବୟ ପ୍ରତିଷ୍ଠା କରିବା। ଭାରତୀୟ ବନ୍ଦର ବିଲ୍‌- ୨୦୨୧ର ଚିଠା ପ୍ରସ୍ତାବର ଅଧ୍ୟ‌ାୟ ୫ ଅନ୍ତର୍ଗତ ସମସ୍ତ ବୃହତ୍‌ ଓ ଅଣବୃହତ୍‌ ବନ୍ଦରମାନଙ୍କ ପାଇଁ ପ୍ରତ୍ୟେକ ରାଜ୍ୟ ସରକାର ବିଲ୍‌ କାର୍ଯ୍ୟକାରୀ ହେବାର ଛଅ ମାସ ଭିତରେ ରାଜ୍ୟ ମାରିଟାଇମ୍‌ ବୋର୍ଡ ଗଠନ କରି ଗେଜେଟ୍‌ ନୋଟିଫିକେସନ୍‌ ଜାରି କରିବାକୁ ବ୍ୟବସ୍ଥା ରହିଥିବା କେନ୍ଦ୍ର ବନ୍ଦର ଓ ଜାହାଜ ଚଳାଚଳ ରାଷ୍ଟ୍ରମନ୍ତ୍ରୀ ଶ୍ରୀପଦ ନାୟକ ବିଜେଡି ସାଂସଦ ଅଚ୍ୟୁତାନନ୍ଦ ସାମନ୍ତଙ୍କ ପ୍ରଶ୍ନର ଲିଖିତ ଉତ୍ତରରେ ଉଲ୍ଲେଖ କରିଛନ୍ତି। କେନ୍ଦ୍ର ରାଷ୍ଟ୍ରମନ୍ତ୍ରୀ ଶ୍ରୀ ନାୟକ ଓଡ଼ିଶା ରାଜ୍ୟ ‘ସମୁଦ୍ର ବୋର୍ଡ’ ଗଠନ ସଂପର୍କରେ ଅବଗତ ଥିବା ଉତ୍ତରରେ ଦର୍ଶାଇଛନ୍ତି।

Advertisment