ନ୍ୟାୟ ପାଇଁ ଆମରଣ ଅନଶନ କଲେ ଦୁଷ୍କର୍ମ ପୀଡ଼ିତା

ଲକ୍ଷ୍ନୌ : ପୁଣି ଏକ ଦୁଷ୍କର୍ମ ଘଟଣା ୟୁପିରେ ହଇଚଇ ସୃଷ୍ଟି କରିଛି। ଦୁଷ୍କର୍ମର ଶିକାର ହୋଇଥିବା ନାବାଳିକା ପୀଡ଼ିତା ନ୍ୟାୟ ପାଇଁ ଏବେ ଜିଲ୍ଲାପାଳଙ୍କ ଅଫିସ୍‌ ଆଗରେ ଆମରଣ ଅନଶନ କରିବା ଘଟଣା ଚର୍ଚ୍ଚାର ବିଷୟ ହୋଇଛି। ସୂଚନାନୁଯାୟୀ ୨ ମାସ ପୂର୍ବେ ଉକ୍ତ ୧୪ ବର୍ଷୀୟା ନାବାଳିକା ବରେଲିରେ ଗଣଦୁଷ୍କର୍ମର ଶିକାର ହୋଇଥିଲେ। ୫ ଜଣ ଅଭିଯୁକ୍ତ ଏହି ଜଘନ୍ୟା କାଣ୍ଡ ଘଟାଇଥିଲେ। ପୀଡ଼ିତା ଏନେଇ ପୁଲିସରେ ଅଭିଯୋଗ କରିଥିଲେ ମଧ୍ୟ ପୁଲିସ ୩ ଜଣ ଦୁଷ୍କର୍ମକାରୀଙ୍କୁ ଗିରଫ କରିବାରେ ହୋଇନାହିଁ। ପୀଡ଼ିତା ଶେଷରେ ନ୍ୟାୟ ପାଇଁ ଜିଲ୍ଲାପାଳ ଅଫିସ୍‌ ଆଗରେ ଆମରଣ ଅନଶନ କରିଛନ୍ତି। ଅନ୍ୟପକ୍ଷେ ଏସ୍‌ପି ସତିଶ କୁମାର କହିଛନ୍ତି ଯେ ତଦନ୍ତ ଜାରି ରହିଛି ଏବଂ ଖୁବ୍‌ଶୀଘ୍ର ଅନ୍ୟ ଅଭିଯୁକ୍ତମାନଙ୍କୁ ମଧ୍ୟ ଗିରଫ କରାଯିବ।