ପୁଣେ: ପ୍ରେମିକା ଧୋକା ଦେବାରୁ ଜିମକୁ ୱାନ୍ ଷ୍ଟାର ଦେଲା ପ୍ରେମିକ। ଦୁହେଁ ମିଶି ଜିମ୍ ଯାଉଥିବା ବେଳେ ପ୍ରେମିକା ଜିମରେ ଅନ୍ୟ ଜଣେ ଯୁବକଙ୍କ ପ୍ରେମରେ ପଡ଼ିଥିଲେ। ଏବିଷୟରେ ଜାଣି ପ୍ରେମିକ ଦେଇଥିବା ରିଭ୍ୟୁ ଏବେ ଭାଇରାଲ ହେଉଛି। ଜଣେ ଏକ୍ସ ବ୍ୟବହାରକାରୀ ଏହାର ସ୍କ୍ରିନସଟ୍ ସେୟାର କରିବା ପରେ ଏବେ ଏହା ଭାଇରାଲ ହେବାରେ ଲାଗିଛି। ପୁଣେରେ ଘଟିଛି ଏଭଳି ଘଟଣା।

Advertisment

ଭାଇରାଲ ସ୍କ୍ରିନସଟରେ ଦେଖାଯାଇଛି ଯେ, ଯୁବକଜଣକ ୱାନ୍ ଷ୍ଟାର ଦେବା ପଛର କାରଣ ଲେଖିଛନ୍ତି। “ମୁଁ ମୋର ପ୍ରେମିକା ସହିତ କିଛି ମାସ ପୂର୍ବରୁ ଜିମ ଯିବା ଆରମ୍ଭ କରିଥିଲି। ସ୍ଥାନଟି ଭଲ ଏବଂ ଲୋକମାନେ ବି ବହୁତ ଭଲ। ୱାନ୍ ଷ୍ଟାର ଦେଉଛି କାରଣ ମୋ ପ୍ରେମିକା ଶ୍ରୁତି ମୋତେ ଧୋକା ଦେଇ ଅଭିଷେକ ନାମକ ଯୁବକଙ୍କ ସହ ସମ୍ପର୍କ ରଖିଛନ୍ତି। ସେ ମଧ୍ୟ ସେହି ଜିମକୁ ଆସୁଥିଲା। ମୁଁ ତାକୁ ମୋର ପ୍ରୋଟିନ ସେକ୍ ବି ଦେଇଥିଲି। ଏତେ ସବୁ ପ‌ରେ ସେ ମୋଠାରୁ ମୋ ପ୍ରେମିକା ଛଡ଼ାଇ ନେଲା ଅଭିଷେକ। ଏବେ ସେମାନେ ମିଶି ବ୍ୟାୟାମ କରୁଛନ୍ତି ଏବଂ ମୁଁ ଏକା ହୋଇଯାଇଛି" ବୋଲି ଲେଖିଛନ୍ତି ଯୁବକ।