ଚନ୍ନୀଙ୍କ ମନ୍ତ୍ରିମଣ୍ଡଳର ପ୍ରଥମ ସଂପ୍ରସାରଣ: ଶପଥ ନେଲେ ୧୫ ମନ୍ତ୍ରୀ
ଚଣ୍ଡୀଗଡ଼: ବହୁ ବାଦ ବିବାଦ ପରେ ପଞ୍ଜାବ ସରକାରଙ୍କ ମନ୍ତ୍ରିମଣ୍ଡଳର ସଂପ୍ରସାରଣ ହୋଇଛି । ଏବେ କ୍ୟାବିନେଟ୍ ମନ୍ତ୍ରୀମାନଙ୍କ ଶପଥ ଗ୍ରହଣ ଉତ୍ସବ ଆରମ୍ଭ ହୋଇଛି । ଚନ୍ନୀଙ୍କ ମନ୍ତ୍ରିମଣ୍ଡଳରେ ଆଜି ବ୍ରହମ ମହିନ୍ଦ୍ରା, ମନପ୍ରୀତ ସିଂହ ବାଦଲ, ତ୍ରିପ୍ତ ରାଜିନ୍ଦର ସିଂହ ବାଜବା, ସୁଖବିନ୍ଦର ସିଂହ ସରକାରୀୟା, ରାଣା ଗୁରୁଜିତ ସିଂ, ଅରୁଣ ଚୌଧୁରୀ, ରଜିଆ ସୁଲତାନା, ଭାରତ ଭୂଷଣ , ବିଜୟ ଇନ୍ଦର ସିଂଗଲା, ରଣଦୀପ ସିଂହ ନଭା, ରାଜକୁମାର ବେରକା, ସଂଗତ ସିଂହ ଗିଲଜିୟାନ, ପରଗତ ସିଂହ, ଅମରିନ୍ଦର ସିଂହ ରାଜା ବାରିଙ୍ଗ ଓ ଗୁରକିରତ ସିଂହ କୋଟଲୀ ନୂଆ ମନ୍ତ୍ରିମଣ୍ଡଳରେ ସାମିଲ ହୋଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଅନ୍ୟପଟେ ମନ୍ତ୍ରିମଣ୍ଡଳରୁ କିଛି ପୁରୁଣା ମନ୍ତ୍ରୀଙ୍କୁ ବାଦ ଦିଆଯିବା ନେଇ ବି ଆକଳନ କରାଯାଇଛି । ସେମାନଙ୍କ ମଧ୍ୟରେ ରହିଛନ୍ତି ବଲବିରସିଂ ସିଦ୍ଧୁ, ସାଧୁ ସିଂହ ଧର୍ମାସୋତ, ଗୁରୁପ୍ରୀତ ସିଂହ କାଂଗଡା ଓ ଗୁରମିତ ସୋଢୀ । ଏପଟେ ୭ ଜଣ ବିଧାୟକଙ୍କୁ ପ୍ରଥମଥର ପାଇଁ ମନ୍ତ୍ରୀପଦ ମିଳୁଥିବା ନେଇ ଚର୍ଚ୍ଚା ଜୋର ଧରିଛି ।
Punjab: MLAs Tript Singh Bajwa, Aruna Chaudhary, Sukhbinder Sarkaria, and Rana Gurjeet Singh administered the oath of the office of Cabinet minister by Governor Banwarilal Purohit at Raj Bhavan in Chadigarh pic.twitter.com/88Y8DvWp8p
— ANI (@ANI) September 26, 2021
ଅନ୍ୟପଟେ ପଞ୍ଜାବ କଂଗ୍ରେସର ଦୁଇଗୋଷ୍ଠୀ ପୂର୍ବତନ ମୁଖ୍ୟମନ୍ତ୍ରୀ କ୍ୟାପଟେନ ଅମରିନ୍ଦର ସିଂ ଓ ପଞ୍ଜାବ କଂଗ୍ରେସର ମୁଖ୍ୟ ନବଜୋତ ସିଂ ସିଦ୍ଧୁଙ୍କ ଗୋଷ୍ଠୀକୁ ସନ୍ତୁଷ୍ଟ କରିବାକୁ ଚନ୍ନୀ ଉଭୟ ଗୋଷ୍ଠୀର ବିଧାୟକଙ୍କୁ ମନ୍ତ୍ରିମଣ୍ଡଳରେ ସାମିଲ କରିବାକୁ ଯାଉଛନ୍ତି ଓ କିଛି ନେତାଙ୍କୁ ମନ୍ତ୍ରିମଣ୍ଡଳରୁ ବାହାର କରାଯାଇଛି । କଂଗ୍ରେସ ଯୋଜନା କରିଛି କି ମନ୍ତ୍ରିମଣ୍ଡଳ ସଂପ୍ରସାରଣ ମାଧ୍ୟମରେ ଆସନ୍ତା ବର୍ଷ ହେବାକୁ ଥିବା ବିଧାନସଭା ନିର୍ବାଚନରେ ସରକାର ବିରୋଧୀ ଭୋଟରଙ୍କୁ ଏକତ୍ରିତ କରିବା ।