ଚଣ୍ଡିଗଡ଼: ଗତକାଲି ପଞ୍ଜାବର ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିଥିଲେ ଆପ୍ ନେତା ଭଗୱନ୍ତ ମାନ୍। ମୁଖ୍ୟମନ୍ତ୍ରୀ ଭାବେ ଦାୟିତ୍ବ ଗ୍ରହଣ ପୋ ଆଜି ଟ୍ବିଟ କରି ବଡ଼ ଘୋଷଣା କରିଛନ୍ତି ମାନ୍। କିଛି ସମୟ ମଧ୍ୟ ପଞ୍ଜାବବାସୀଙ୍କ ପାଇଁ ଐତିହାସିକ ଘୋଷଣା କରିବି ବୋଲି ଟ୍ବିଟ କରିଛନ୍ତି ଭଗୱନ୍ତ।
Sambad is now on WhatsApp
Join and get latest news updates delivered to you via WhatsApp
ଟ୍ବିଟରେ ସେ ଲେଖିଛନ୍ତି ଯେ, ପଞ୍ଜାବବାସୀଙ୍କ ହିତ ପାଇଁ ଆଜି ଏକ ବଡ଼ ନିଷ୍ପତ୍ତିି ନିଆଯିବ। ପଞ୍ଜାବ ଇତିହାସରେ ଆଜି ପର୍ଯ୍ୟନ୍ତ କେହି ଏଭଳି ନିଷ୍ପତ୍ତି ନେଇନଥିବେ। କିଛି ସମୟ ପରେ ଘୋଷଣା କରିବି। ତାଙ୍କର ଏଭଳି ଟ୍ବିଟର ପରେ ସେ ଭଗୱନ୍ତଙ୍କ ଟ୍ବିଟ ଉପରେ ଏବେ ସମସ୍ତଙ୍କ ନଜର ରହିଛି।
पंजाब की जनता के हित में आज एक बहुत बड़ा फ़ैसला लिया जाएगा। पंजाब के इतिहास में आज तक किसी ने ऐसा फैसला नहीं लिया होगा।
कुछ ही देर में एलान करूँगा…।
— Bhagwant Mann (@BhagwantMann) March 17, 2022
ତେବେ ଗତକାଲି ପଞ୍ଜାବର ନୂତନ ମୁଖ୍ୟମନ୍ତ୍ରୀ ଭାବେ ଭଗଓ୍ଵନ୍ତ ମାନ ଶପଥ ଗ୍ରହଣ କରିଥିଲେ। ପଞ୍ଜାବର ସହିଦ ଭଗତ ସିଂ ନଗର ଜିଲ୍ଲାର କିମ୍ବଦନ୍ତୀ ସ୍ୱାଧୀନତା ସଂଗ୍ରାମୀ ଭଗତ ସିଂଙ୍କ ପୈତୃକ ଗ୍ରାମ ଖଟକର କାଲାନରେ ଅନୁଷ୍ଠିତ ଶପଥ ଗ୍ରହଣ ସମାରୋହରେ ପଞ୍ଜାବ ରାଜ୍ୟପାଳ ବନୱାରୀଲାଲ ପୁରୋହିତ ମୁଖ୍ୟମନ୍ତ୍ରୀ ଭାବେ ମାନ୍ଙ୍କୁ ପଦ ଏବଂ ଗୋପନୀୟତାର ଶପଥ ପାଠ କରାଇଥିଲେ।
ଶପଥ ଗ୍ରହଣ ସମାରୋହ ପରେ, ମାନ କହିଥିଲେ ଯେ ତାଙ୍କ ସରକାର ରାଜ୍ୟରୁ ବେରୋଜଗାରୀ, ଦୁର୍ନୀତି ଏବଂ କୃଷକଙ୍କ ଦୁର୍ଦ୍ଦଶା ଭଳି ସମସ୍ୟାର ସମାଧାନ କରିବେ ଯାହା ରାଜ୍ୟକୁ ପ୍ରଭାବିତ କରୁଛି। ଶପଥ ଗ୍ରହଣ ସମାରୋହରେ ଆପ୍ ସୁପ୍ରିମୋ ତଥା ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ, ଉପମୁଖ୍ୟମନ୍ତ୍ରୀ ମନୀଷ ସିସୋଦିଆ ମନ୍ତ୍ରାୀ ସତ୍ୟେନ୍ଦ୍ର ଜୈନ ପ୍ରମୁଖ ଯୋଗ ଦେଇଥିଲେ। ଅନ୍ୟ କୌଣସି ମୁଖ୍ୟମନ୍ତ୍ରୀଙ୍କୁ ଶପଥ ଗ୍ରହଣ ଉତ୍ସବକୁ ନିମନ୍ତ୍ରଣ କରାଯାଇ ନଥିଲା।
ପୂର୍ବାହ୍ନରେ ରାଜ୍ୟର ମୁଖ୍ୟମନ୍ତ୍ରୀ ଭାବେ ଶପଥ ନେବା ପରେ ଅପରାହ୍ନରେ ଭଗଓ୍ଵନ୍ତ ମାନ ଚଣ୍ଡିଗଡ଼ର ପଞ୍ଜାବ ସଚିବାଳୟରେ ପହଞ୍ଚି ପଞ୍ଜାବର ମୁଖ୍ୟମନ୍ତ୍ରୀ ଭାବରେ କାର୍ଯ୍ୟଭାର ଗ୍ରହଣ କରିଥିଲେ। ପଞ୍ଜାବ ମୁଖ୍ୟମନ୍ତ୍ରୀ ଭାବେ ଶପଥ ନେଇଥିବା ଆମ୍ ଆଦମୀ ପାର୍ଟି ନେତା ଭଓ୍ଵବନ୍ତ ମାନ୍ଙ୍କୁ ଅଭିନନ୍ଦନ ଜଣାଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ତାଙ୍କୁ ଆଶ୍ୱାସନା ଦେଇଛନ୍ତି ଯେ ରାଜ୍ୟର ଅଭିବୃଦ୍ଧି ପାଇଁ କେନ୍ଦ୍ର ତାଙ୍କ ସରକାରଙ୍କ ସହ ମିଶି କାମ କରିବ।