ଋଷଭ ପନ୍ତଙ୍କ ଜୀବନ ବଞ୍ଚାଇଥିବା ଓ ଜଳୁ ଥିବା କାର ଭିତରୁ ଜରୁରୀ ସାମଗ୍ରୀକୁ ବାହାର କରି ସୁରକ୍ଷିତ ରଖିଥିବା ୪ଜଣଙ୍କୁ ସମ୍ମାନିତ କରାଗଲା
ନୂଆଦିଲ୍ଲୀ: ଗତ ୩୦ ଡିସେମ୍ବରରେ ରାତିରେ ମା’ଙ୍କୁ ସରପ୍ରାଇଜ ଦେବାକୁ ଘରକୁ ଫେରୁଥିବା ବେଳେ ଋଷଭ ପନ୍ତଙ୍କ ଗାଡି ଦୁର୍ଘଟଣାଗସ୍ତ ହୋଇଥିଲା । ଆଉ ଏହି ଦୁର୍ଘଟଣାରେ ଗୁରୁତର ଆହତ ହୋଇଥିଲେ ଋଷଭ । ଆହତ ଅବସ୍ଥାରେ ତାଙ୍କୁ ତୁରନ୍ତ ହସ୍ପିଟାଲରେ ଭର୍ତ୍ତି କରାଯାଇଥିଲା । ଏବେ ପନ୍ତ ମୁମ୍ବାଇର କୋକିଲାବେନ ହସ୍ପିଟାଲରେ ଚିକିତ୍ସିତ ହେଉଛନ୍ତି । ଚଳିତ ମାସରେ କୋକିଲାବେନ ହସ୍ପିଟାଲରେ ପନ୍ତଙ୍କ ଅସ୍ତ୍ରୋପଚାର ହୋଇଛି। ଏହି କ୍ରମରେ ଦୁର୍ଘଟଟଣା ସ୍ଥଳରେ ଋଷଭଙ୍କ ପାଖରେ ଦେବଦୂତ ସାଜି ପହଞ୍ଚିଥିଲେ ବସ ଚାଳକ ସୁଶୀଳ କୁମାର ଓ ବସ କଣ୍ଡକ୍ଟର ପରମଜିତ। ଦୁହେଁ ଉଚିତ ସମୟରେ ଋଷଭଙ୍କ ପାଖରେ ପହଞ୍ଚିଥିବାରୁ ଖେଳାଳିଙ୍କ ଜୀବନ ବଞ୍ଚି ଯାଇଥିଲା।
Sambad is now on WhatsApp
Join and get latest news updates delivered to you via WhatsApp
ତେବେ ଏଭଳି ଏକ ଉଚ୍ଚକୋଟିର କାମ କରିଥିବାରୁ ଉତ୍ତରାଖଣ୍ଡ ମୁଖ୍ୟମନ୍ତ୍ରୀ ପୁଷ୍କର ସିଂହ ଧାମି ବସ ଚାଳକ ସୁଶୀଳ କୁମାର ଓ ବସ କଣ୍ଡକ୍ଟର ପରମଜିତଙ୍କୁ ସମ୍ମାନିତ କରିଛନ୍ତି। ଏହି ସମ୍ମାନ ସୁଶୀଳଙ୍କ ସ୍ତ୍ରୀ ରୀତୁ ଓ ପରମଜିତଙ୍କ ବାପା ସୁରେଶ କୁମାର ଗ୍ରହଣ କରିଥିଲେ। ଏଥିସହିତ ମୁଖ୍ୟମନ୍ତ୍ରୀ ରଜତ କୁମାର ଓ ନିସୁ କୁମାରଙ୍କୁ ମଧ୍ୟ ମୁଖ୍ୟମନ୍ତ୍ରୀ ସମ୍ମାନିତ କରିଥିଲେ। ଏଦୁହେଁ ଋଷଭଙ୍କ ଦୁର୍ଘଟଣାଗ୍ରସ୍ତ ଜଳନ୍ତା ଗାଡ଼ି ଭିତରୁ ଜରୁରୀ ସାମଗ୍ରୀ ଓ ଟଙ୍କା ବାହାର କରି ସୁରକ୍ଷିତ ଭାବେ ପୁଲିସକୁ ଦେଇ ଥିଲେ। ଏଦୁହେଁ ଋଷଭଙ୍କୁ ଭେଟିବାକୁ ହସ୍ପିଟାଲକୁ ଯାଇଥିଲେ। ଋଷଭ ବି ରଜତ ଓ ନିସୁଙ୍କ ଫଟୋ ସେୟାର କରି ଧନ୍ୟବାଦ ଜଣାଇଥିଲେ।
#WATCH | Uttarakhand CM PS Dhami felicitated Haryana Roadways driver Sushil Kumar,conductor Paramjeet &2 others-Nishu & Rajat who helped cricketer Rishabh Pant after his accident on Dec 30.
Sushil’s wife Ritu & Paramjeet’s father Suresh Kumar received the honour on their behalf. pic.twitter.com/C4xT003VUb
— ANI UP/Uttarakhand (@ANINewsUP) January 26, 2023
ନିକଟରେ ପନ୍ତ ଶୀଘ୍ର ସୁସ୍ଥ ହୋଇ ପଡିଆକୁ ଫେରନ୍ତୁ ବୋଲି କ୍ରିକେଟପ୍ରେମୀଙ୍କ ସମେତ ସାଥୀ ଖେଳାଳି ଭଗବାନଙ୍କ ନିକଟରେ ପ୍ରାର୍ଥନା କରୁଥିବା ଦେଖିବାକୁ ମିଳିଥିଲା।