ମାରିୟୁପୋଲ ଷ୍ଟିଲ ପ୍ଲାଣ୍ଟ ଉପରେ ଆକ୍ରମଣ ଯୋଜନାକୁ ବାତିଲ କଲା ରୁଷ୍
କିବ୍ : ୟୁକ୍ରେନ ସହର ମାରିୟୁପୋଲର ଏକ ଷ୍ଟିଲ ପ୍ଲାଣ୍ଟ ଆଜୋବଷ୍ଟାଲ ଉପରେ ଚଢଉ ଯୋଜନାକୁ ସ୍ଥଗିତ ରଖିଛି ରୁଷ୍ । ଏହି ପ୍ଲାଣ୍ଟ ପରିସରରେ ଲୁଚିଥିବା ୟୁକ୍ରେନୀୟ ସୈନ୍ୟଙ୍କୁ ଆତ୍ମସମର୍ପଣ କରିବାକୁ ରୁଷ ପୂର୍ବରୁ ଆହ୍ବାନ ଦେଇଥିଲେ ବି ସେମାନେ ଆତ୍ମସମର୍ପଣ କରିନଥିଲେ । ଏହା ପରେ ଆଶଙ୍କା କରାଯାଉଥିଲା ଯେ ରୁଷ ଏହି ପ୍ଲାଣ୍ଟ ଉପରେ ଆକ୍ରମଣ କରିବ । କିନ୍ତୁ ରୁଷ ଏହି ପ୍ଲାଣ୍ଟ ଉପରେ ଆକ୍ରମଣ କରିବା ବଦଳରେ ଏହାର ଘେରାଉ କରିବାକୁ ନିଷ୍ପତ୍ତି ନେଇଛି ।
Sambad is now on WhatsApp
Join and get latest news updates delivered to you via WhatsApp
ଅନ୍ୟପକ୍ଷରେ ଏହି ପ୍ରସଙ୍ଗରେ ୟୁକ୍ରେନ ରାଷ୍ଟ୍ରପତିଙ୍କ ଜଣେ ପରାମର୍ଶଦାତା କହିଛନ୍ତି ଯେ ରୁଷ ଏହି ପ୍ଲାଣ୍ଟକୁ ବଳପୂର୍ବକ ଅଧିକାର କରିପାରିବ ନାହିଁ, ଏହି କାରଣରୁ ଚଢଉ ଯୋଜନାକୁ ସ୍ଥଗିତ ରଖିବାକୁ ବାଧ୍ୟହେଲା ।
ରୁଷ ଗଣମାଧ୍ୟମର ଦାବି ଅନୁସାରେ ଉକ୍ତ ଷ୍ଟିଲ ପ୍ଲାଣ୍ଟ ପରିସରରେ ପ୍ରାୟ ୨୫୦୦ ୟୁକ୍ରେନୀୟ ସୈନ୍ୟ ଓ ୪୦୦ ବିଦେଶୀ ସୈନ୍ୟ ଲୁଚି ରହିଛନ୍ତି । ଅନ୍ୟପକ୍ଷରେ ୟୁକ୍ରେନ ପକ୍ଷରୁ କୁହାଯାଇଛି ଯେ, ସେହି ଷ୍ଟିଲ ପ୍ଲାଣ୍ଟରେ ୧ ହଜାରରୁ ଅଧିକ ସାଧାରଣ ନାଗରିକ ରହିଛନ୍ତି ।
ଗତକାଲି ଜଣେ ୟୁକ୍ରେନୀୟ ସୈନ୍ୟ କମାଣ୍ଡର କେରହିଭ ବୋଲିନା କହିଥିଲେ ଯେ ସେମାନଙ୍କ ଜୀବନର ଅନ୍ତିମ କିଛି ଦିନ ବାକି ରହିଯାଇଛି । ରୁଷୀୟ ସୈନ୍ୟଙ୍କ ସଂଖ୍ୟା ସେମାନଙ୍କ ତୁଳନାରେ ୧୦ ଗୁଣ ରହିଛି । ଏଣୁ ସେ ସହାୟତା ପାଇଁ ବିଶ୍ବ ସମୁଦାୟକୁ ନିବେଦନ କରିଥିଲେ ।