ଭାରତ ଆସିବେ ପୁଟିନ!
ମସ୍କୋ : ରୁଷ୍ ରାଷ୍ଟ୍ରପତି ଭ୍ଲାଦିମିର ପୁଟିନ ଜି-୨୦ ଶୀର୍ଷ ସମ୍ମିଳନୀରେ ଯୋଗଦେବା ପାଇଁ ଆସନ୍ତା ସେପ୍ଟେମ୍ବରରେ ଭାରତ ଆସିପାରନ୍ତି। ଏ ନେଇ ବର୍ତ୍ତମାନ ସୁଦ୍ଧା କୌଣସି ନିଷ୍ପତ୍ତି ନିଆଯାଇ ନଥିଲେ ମଧ୍ୟ ଏହାକୁ ପ୍ରତ୍ୟାଖ୍ୟାନ କରାଯାଇ ପାରିବ ନାହିଁ ବୋଲି କ୍ରେମଲିନ ପ୍ରବକ୍ତା ଦିମିତ୍ରି ପେସକୋଭ କହିଛନ୍ତି।
Sambad is now on WhatsApp
Join and get latest news updates delivered to you via WhatsApp
ଭାରତରେ ହେବାକୁ ଥିବା ଜି-୨୦ ସମ୍ମିଳନୀରେ ପୁଟିନ ଯୋଗ ଦେବେ କି ବୋଲି ପ୍ରଶ୍ନ ହେବାରୁ ପେସକୋଭ ଏହି ସୂଚନା ଦେଇଛନ୍ତି। ଏଥିସହିତ ସେ କହିଛନ୍ତି ଜି-୨୦ କାର୍ଯ୍ୟକ୍ରମରେ ରୁଷ୍ ସଂପୂର୍ଣ୍ଣ ସହଯୋଗ କରୁଛି ଏବଂ ଏହା ଜାରି ରହିବ। ତେବେ ଗତବର୍ଷ ଇଣ୍ଡୋନେସିଆର ବାଲିଠାରେ ଅନୁଷ୍ଠିତ ଜି-୨୦ ଦେଶର ଶୀର୍ଷ ନେତାଙ୍କ ବୈଠକରେ ରୁଷ୍ ପକ୍ଷରୁ ବିଦେଶ ମନ୍ତ୍ରୀ ସର୍ଗି ଲାଭରୋଭ ଯୋଗ ଦେଇଥିଲେ। ୨୦୨୦ ଏବଂ ୨୦୨୧ ମସିହାରେ ପୁଟିନ ଭିଡିଓ ଲିଙ୍କ୍ ଜରିଆରେ ସମ୍ମିଳନୀରେ ଯୋଗ ଦେଇଥିଲେ। ଚଳିତବର୍ଷ ସେପ୍ଟେମ୍ବର ୯ ଏବଂ ୧୦ ତାରିଖରେ ଦିଲ୍ଲୀରେ ଜି-୨୦ର ଶୀର୍ଷ ସମ୍ମିଳନୀ ଅନୁଷ୍ଠିତ ହେବ।