ଲଣ୍ଡନ : ରାଣୀ ଏଲିଜାବେଥ-୨ୟ ବାର୍ଦ୍ଧକ୍ୟ ଜନିତ କାରଣରୁ ମୃତ୍ୟୁବରଣ କଲେ ବୋଲି ସରକାରୀ ଭାବେ କୁହାଯାଇଥିଲେ ମଧ୍ୟ ତାଙ୍କର ଏକ ପ୍ରକାଶିତ ହେବାକୁ ଯାଉଥିବା ନୂତନ ଜୀବନୀ ପୁସ୍ତକରେ ଜୀବନର ଶେଷ କିଛି ମାସ ସେ କ୍ୟାନସର ସହ ଲଢ଼ୁଥିଲେ ବୋଲି ଦାବି କରାଯାଇଛି।
Sambad is now on WhatsApp
Join and get latest news updates delivered to you via WhatsApp
ରାଜକୁମାର ଫିଲିପଙ୍କ ବନ୍ଧୁ ଗାଇଲସ ବ୍ରାଣ୍ଡ୍ରେଥ୍ ଲେଖିଥିବା ରାଣୀଙ୍କ ଜୀବନୀ ପୁସ୍ତକଟି ଅଳ୍ପଦିନ ଭିତରେ ପ୍ରକାଶ ପାଇବାକୁ ଯାଉଥିବା ବେଳେ ଏହି ପୁସ୍ତକରେ ବ୍ରାଣ୍ଡ୍ରେଥ୍ ଦାବି କରିଛନ୍ତି ଯେ ରାଣୀ ଜୀବନର ଶେଷ କିଛି ମାସ କ୍ୟାନସର ରୋଗ ଭୋଗୁଥିଲେ। ବାର୍ଦ୍ଧକ୍ୟ ସହ କ୍ୟାନସର ହେତୁ ତାଙ୍କର ମୃତ୍ୟୁ ଘଟିଲା। ରାଣୀଙ୍କୁ ଏକ ବିରଳ ମାଇଲୋମା ବା ବୋନ୍ ମାରୋ (ଅସ୍ଥିମଜ୍ଜା) କର୍କଟ ହୋଇଥିଲା। ଫଳରେ ତାଙ୍କ ଓଜନ କମିଗଲା ଓ ସେ ଚାଲବୁଲ କରିପାରିଲେ ନାହିଁ। ଶେଷରେ ଏହି ଯନ୍ତ୍ରଣାଦାୟକ ଅସ୍ଥିମଜ୍ଜା କର୍କଟ ତାଙ୍କ ମୃତ୍ୟୁର କାରଣ ହେଲା।