ଜାଲିଓ୍ବାନଓ୍ବାଲା ବାଗ୍ ଗଣହତ୍ୟା ପାଇଁ କ୍ଷମା ମାଗିନଥିଲେ ମହାରାଣୀ
ନୂଆଦିଲ୍ଲୀ : ବ୍ରିଟିଶ ମହାରାଣୀ ଏଲିଜାବେଥ ଦ୍ବିତୀୟଙ୍କ ନିଧନରେ ଆସନ୍ତା ରବିବାରଦିନ ଭାରତରେ ରାଷ୍ଟ୍ରୀୟ ଶୋକ ପାଳନ କରାଯିବ । ତେବେ କିପରି ଥିଲା ଭାରତ ସହ ତାଙ୍କର ସମ୍ପର୍କ ?
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ ଯେ, ମହାରାଣୀ ଏଲିଜାବେଥ ପ୍ରଥମ ବ୍ରିଟିଶ ଶାସନମୁଖ୍ୟ ଯିଏ କି ଭାରତର ସ୍ବାଧୀନତା ପରେ ଶାସନଭାର ଗ୍ରହଣ କରିଥିଲେ । ୧୯୫୨ରେ ତାଙ୍କର ରାଜ୍ୟାଭିଷେକ ହୋଇଥିଲା । ନିଜର ଶାସନକାଳ ମଧ୍ୟରେ ସେ ୩ ଥର ୧୯୬୦, ୧୯୮୩ ଓ ୧୯୯୭ରେ ଭାରତ ଗସ୍ତରେ ଆସିଥିଲେ । ଭାରତର ବିବିଧତାପୂର୍ଣ୍ଣ ସଂସ୍କୃତିକୁ ସେ ଭଲ ପାଉଥିଲେ । ଭାରତର ଜନତା ବି ତାଙ୍କୁ ସମ୍ମାନ କରୁଥିଲେ । କିନ୍ତୁ ଭାରତ ସହ ତାଙ୍କର ସମ୍ପର୍କ ବିବାଦମୁକ୍ତ ନଥିଲା ।
୧୯୯୭ରେ ନିଜ ୩ୟ ଭାରତ ଗସ୍ତରେ ଆସିଥିଲେ ମହାରାଣୀ । ଏହି ସମୟରେ ସେ ଅମୃତସରର ଜାଲିଓ୍ବାନାଓ୍ବାଲା ବାଗ୍ ସ୍ମୃତିସ୍ଥଳ ଗସ୍ତରେ ଯାଇଥିଲେ । ୧୯୧୯ରେ ବ୍ରିଟିଶ ସେନା ଦ୍ବାରା ହୋଇଥିବା ନିରୀହ ଜନତାଙ୍କ ଗଣହତ୍ୟା ପାଇଁ ସେ କ୍ଷମା ମାଗିବେ ବୋଲି ଆଶା କରାଯାଉଥିଲା । କିନ୍ତୁ ସେ ଏହି ଘଟଣା ପାଇଁ କେବଳ ଦୁଃଖ ପ୍ରକାଶ କରିଥିଲେ, କିନ୍ତୁ କ୍ଷମା ମାଗିନଥିଲେ । ଏପରିକି ତାଙ୍କ ସ୍ବାମୀ କିଙ୍ଗ୍ ଫିଲିପ୍ ଏକ ବିବାଦୀୟ ବୟାନ ଦେଇଥିଲେ । ସେ ଏହି ଘଟଣାରେ ମୃତକଙ୍କ ସଂଖ୍ୟାକୁ ନେଇ ପ୍ରଶ୍ନ କରିଥିଲେ । ଏହା ସେତେବେଳେ ଭାରତୀୟ ଜନତାଙ୍କ ମଧ୍ୟରେ ନିରାଶା ଓ ବିବାଦ ସୃଷ୍ଟି କରିଥିଲା ।