ଭେଲୋର ମେଡିକାଲ କଲେଜରେ ରାଗିଂ:  ପ୍ରଥମ ବର୍ଷ ଛାତ୍ରଙ୍କୁ ଅର୍ଦ୍ଧନଗ୍ନ କରି ମାଟିରେ ଗଡ଼ାଇଲେ, ୭ ସିନିୟର ଛାତ୍ର ନିଲମ୍ବିତ

ଚେନ୍ନାଇ : ଭେଲୋରର ଖ୍ରୀଷ୍ଟିଆନ ମେଡିକାଲ କଲେଜରେ ହୋଇଥିବା ଏକ ରାଗିଂ ଘଟଣା ସମଗ୍ର ଦେଶରେ ଚର୍ଚ୍ଚାର ବିଷୟ ହୋଇଛି । ଏ ନେଇ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି ।

ଏହି ଭିଡିଓରେ ଦେଖାଯାଉଛି ଯେ ଛାତ୍ରାବାସରେ ସିନିୟର ପିଲାମାନେ କିଛି ପ୍ରଥମ ବର୍ଷର ଛାତ୍ରଙ୍କୁ ଅତି ଅମାନବୀୟ ଭାବେ ରାଗିଂ କରୁଛନ୍ତି । ଜୁନିଅର ପିଲାମାନଙ୍କୁ ଅର୍ଦ୍ଧନଗ୍ନ ( କେବଳ ଚଡ଼ି ପିନ୍ଧାଇ) କରାଯିବା ସହ ମାଟି ଓ ବର୍ଷା ପାଣିରେ ଗଡ଼ିବାକୁ ବାଧ୍ୟ କରାଯାଉଛି । କେବଳ ଏତିକି ନୁହେଁ, ଏକ ପାଣି ପାଇପ୍ ମାଧ୍ୟମରେ ସେମାନଙ୍କ ଉପରେ ପାଣି ସ୍ପ୍ରେ କରାଯାଉଛି ।

 

Video proof of severe ragging in Christian Medical College, Vellore. Kindly share and expose the acts occuring here for society to know the problems in not only this institution but widespread among other medical colleges in various degrees. pic.twitter.com/si6lAGCZh0

— cmcvellorestudent (@studenxperience) November 6, 2022

ଏହି ଭିଡିଓକୁ ପ୍ରଥମେ ଏମ୍ସର କାର୍ତ୍ତିକ ଚଦ୍ଦର ନାମକ ଜଣେ ବ୍ୟକ୍ତି ଟୁଇଟ କରି ତାମିଲନାଡ଼ୁ ମୁଖ୍ୟମନ୍ତ୍ରୀ ଏମକେ ଷ୍ଟାଲିନ ଓ ମେଡିକାଲ କଲେଜ କର୍ତ୍ତୃପକ୍ଷଙ୍କୁ ଟାଗ୍ କରିଥିଲେ ।

ଅନ୍ୟପକ୍ଷରେ ଏହି ଘଟଣା ସଂପର୍କରେ ଏକ ଅଜଣା ଇ-ମେଲ ଆଇଡିରୁ କଲେଜ କର୍ତ୍ତୃପକ୍ଷଙ୍କ ନିକଟକୁ ଏକ ଇ-ମେଲ ଆସିବା ପରେ କଲେଜ ପକ୍ଷରୁ ଏକ ୬ ଜଣିଆ ତଦନ୍ତ କମିଟି ଗଠନ କରାଯାଇଛି । ଏହା ସହିତ ରାଗିଂ ଅଭିଯୋଗରେ ୭ ଜଣ ଛାତ୍ରଙ୍କୁ ନିଲମ୍ବିତ କରାଯାଇଛି । ତଦନ୍ତ ରିପୋର୍ଟ ଆସିବା ପରେ ପୁଲିସ ରିପୋର୍ଟ ସହ ଅନ୍ୟ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି କଲେଜର ନିର୍ଦ୍ଦେଶକ ଡ.ବିକ୍ରମ ମାଥ୍ୟୁ କହିଛନ୍ତି ।