ଡ୍ରଗ୍ସ କାରବାରକୁ ନେଇ କନ୍ନଡ ଅଭିନେତ୍ରୀ ରାଗିଣୀ ଦ୍ୱିବେଦୀ ଏବଂ ଅନ୍ୟ ଚାରିଜଣ ଅଭିଯୁକ୍ତଙ୍କୁ ୧୪ଦିନିଆ ନ୍ୟାୟିକ ହେପାଜତକୁ ପଠାଗଲା

ବେଙ୍ଗାଲୁରୁ: ସୋମବାର ଦିନ ବେଙ୍ଗାଲୁରୁର ଏକ ନ୍ୟାୟାଳୟ କନ୍ନଡ ଅଭିନେତ୍ରୀ ରାଗିଣୀ ଦ୍ୱିବେଦୀ ଏବଂ ଅନ୍ୟ ଚାରିଜଣ ଅଭିଯୁକ୍ତଙ୍କୁ ୧୪ଦିନିଆ ନ୍ୟାୟିକ ହେପାଜତକୁ ପଠାଇବା ବ୍ୟତୀତ ଅନ୍ୟ ଏକ ଷ୍ଟାରଲେଟ୍ ସଞ୍ଜନା ଗାଲ୍ରାନୀଙ୍କ ପୁଲିସର ରିମାଣ୍ଡକୁ ତିନି ଦିନ ବୃଦ୍ଧି କରିଛନ୍ତି।

କେନ୍ଦ୍ରୀୟ କ୍ରାଇମ ବ୍ୟୁରୋର ସୂଚନାନୁସାରେ, ରାଗିଣୀ ସେନେଗାଲର ନାଗରିକ, ଗାଲ୍ରାନୀଙ୍କ ବନ୍ଧୁ ରାହୁଲ ରାଙ୍କା ଏବଂ ଡ୍ରଗ୍ ଯୋଗାଣକାରୀ ଲୁମ୍ ପେପର୍ ସାମ୍ବା ସମେତ ଅନ୍ୟ ଚାରିଜଣ ଅଭିଯୁକ୍ତଙ୍କୁ ଡ୍ରଗ୍ସ ମାମଲାରେ ପ୍ରାୟ ୧୧ ଦିନ ପୂର୍ବରୁ ଗିରଫ କରାଯାଇଥିଲା। ଅଧିକ ପଚରାଉଚରା ପାଇଁ ଗାଲ୍ରାନି ଏବଂ ହାଇ ପ୍ରୋଫାଇଲ୍ ପାର୍ଟି ପ୍ଲାନର୍ ବିରେନ୍ ଖାନ୍ନା ପୁଲିସ ହେପାଜତରେ ରହିବେ ବୋଲି ପୁଲିସ କହିଛି।

ବିଶିଷ୍ଟ ନିର୍ମାତା-ନିର୍ଦ୍ଦେଶକ ଇନ୍ଦରଜିତ୍ ଲଙ୍କେଶ କ୍ରାଇମ ବ୍ରାଞ୍ଚରେ ହାଜର ହେବା ପରେ ଏବଂ ଡ୍ରଗ୍ସ ବ୍ୟବହାର ସମ୍ପର୍କରେ ସୂଚନା ଦେବା ପରେ ସିସିବି କନ୍ନଡ ଚଳଚ୍ଚିତ୍ର ଶିଳ୍ପରେ ଡ୍ରଗ୍ ବିପଦର ଯାଞ୍ଚ ଆରମ୍ଭ କରିଥିଲା। ସୂଚନାଯୋଗ୍ୟ, ଇନ୍ଦରଜିତ୍ ଲଙ୍କେଶଙ୍କ ଚଳଚ୍ଚିତ୍ରରୁ କନ୍ନଡରେ ଡେବ୍ୟୁ କରିଥିଲେ ବଲିଉଡ୍ ନାୟିକା ଦୀପିକା ପାଦୁକୋନ। ଲଙ୍କେଶଙ୍କ ବୟାନ ଉପରେ ଆଧାର କରି, , ସିସିବି ପ୍ରଥମେ ରବିଙ୍କୁ ଗିରଫ କରିଥିଲେ, ଯାହା ପରେ ରାଗିଣୀ ଦ୍ୱିବେଦୀଙ୍କୁ ଗିରଫ କରାଯାଇଥିଲା।

ସମ୍ବନ୍ଧିତ ଖବର

Comments are closed.